Dinı saýattylyq sabaǵy

Marat Ospanov atyndaǵy Batys Qazaqstan memlekettik medısınalyq ýnıversıtetinde jastardyń dinı ekstremıstik toptarǵa tartylýyna jol bermeý maqsatynda stýdentter arasynda onyń aldyn alýǵa baılanysty júıeli jumystar júr­gizilýde. Jaqynda munda «Ańsar» aqparattyq-nasıhattyq toby­nyń mamandarymen ekstremızm men terrorızmniń aldyn alý máseleleri boıynsha 1-kýrs stý­dentterimen kezdesý ót­ki­­zildi. Belgili bolyp otyrǵanyndaı, qazirgi tańda dinı ekstremızm men terrorızm eń ózekti máselege aı­naldy. Oǵan naqty mysal Túr­kııa men Sırııa, Lıvııa men Pákis­tandaǵy jaǵdaılar bolyp tabylady. О́z elimizdegi Taraz, Al­ma­ty qalalaryndaǵy, batys óńi­rin­degi oqıǵalar da alańdaýshylyq tý­ǵyzýǵa negiz bolyp otyr. Kóbine dinı fanattardyń arbaýyna jastar tú­sip qalyp jatady, olardy ınternet arqyly qatarlaryna tartatyny da jasyryn emes. Osy jáne basqa dinge qatysty máseleler tóńireginde stýdenttermen keleli áńgime ótkizilgen shara terrorızm týraly áleýmettik beınebaıan kórsetýmen bastaldy. Sodan keıin «Ańsar» aqparattyq-nasıhattyq toby basshysynyń orynbasary Aslanbek Tynyshtyq ekstremızm jáne terrorızm týraly tereń túsinik berdi, ekstremıstik toptar men dinı fanattardyń sol toptarǵa tartý ádisteri týraly áńgimeledi. Stýdent jastar kóterilip otyr­ǵan máselege qyzyǵýshylyq tanytyp, jıhad degen ne, radıkaldyq toptardyń qataryna tartýǵa qalaı túsip qalmaý kerek, ekstremıstik toptardy qalaı ajyratýǵa bolady degen sııaqty kóptegen saýaldar berip, tolyq jaýap aldy. Sharada zańsyz dinı áre­ketterdiń qylmys bolyp tabylaty­nyna naqty mysaldar keltirildi, odan jastardyń boıyn aýlaq ustaýy qajettigi aıtyldy. Stýdent jastar sa­nalaryna sáýle túskendeı áser aldy. Satybaldy SÁÝIRBAI, «Egemen Qazaqstan». Aqtóbe.