Balabaqshadaǵy Montessorı ádisi

Ony oblystaǵy oqý úderisine kirgizetin mezgil jetken sııaqty Aldymen qulaǵymyzǵa tańsyq estiletin Montessorı pedagogıkasy nemese Montessorı júıesi jaıly birer sóz. Ár balanyń jeke tulǵalyq qasıetin ózindik yrǵaqta damytýǵa negizdelgen ádistemeni ıtalııalyq pedagog Marııa Montessorı HIH ǵasyrdyń birinshi jartysynda oılap taýyp, kópshilikke usynǵan. «Altyn besik» balabaqshasynyń ashylǵanyna kóp bola qoıǵan joq. Onyń meńgerýshisi Mádına Darbaeva Reseıdiń Omby qalasynda ótken konferensııa kezinde jańashyl bas­tamaǵa erekshe qyzyǵýshylyq ta­nytqan. Ýaqytynyń tyǵyzdyǵyna qaramastan Montessorı jabdyq­ta­ryn shyǵaratyn fabrıkaǵa baryp, satyp alýǵa kelisken. Jańa ádis­temeni meńgergen mektepke deıingi meke­melerdiń tájirıbesimen tanysyp, kórneki oqý quraldaryn ala kelgen. Jýyrda balabaqshaǵa Montessorı kásipornynyń dırektory Aleksandr Voloshın arnaıy kelip, sheteldik tárbıeniń erekshelikteri týraly jan-jaqty áńgimelep berdi. Fabrıka 22 jyldan beri jumys istep keledi. Bastapqyda baldyrǵannyń oılaý qabiletin, esepteý jyldamdyǵyn, basqa da tulǵalyq qasıetterin da­mytýǵa arnalǵan 60-qa jýyq oıyn­shyq bolsa, búginde olardyń sany 700-den asyp jyǵylady. – Bul ádistiń dástúrli tárbıeden artyqshylyqtary kóp. Kóptegen elderde qoldanylady. Reseı men Qazaqstanǵa da engizilýde,–dedi Alek­sandr Vasılevıch ata-analarmen, tárbıeshilermen kezdesýde. Oblysta alǵash qoldanylǵanyna qara­mastan balabaqsha qyzmet­ker­­leriniń biraz tájirıbe jınaq­tap qalǵany ańǵarylady. 1 mıllıon teńgeniń jabdyqtary orna­tylǵan Montessorı kabınetine tár­bıelenýshiler qulshyna keletin kóri­nedi. Montessorı kabınetinde sabaqtardyń qyzyqty da mazmundy uıym­dastyrylatynyna biz de kýá bol­dyq. Balaqaıdyń óz qalaýymen tańdaý jasaýyna, bir-birin syılaý múmkindikterine jol ashý Montessorı júıesine tán sıpattardyń biri me dep qaldyq. Biz balabaqshaǵa bas suq­qanymyzda muǵalim Aıgerim Shári­pova búldirshinderge matematıka pániniń zańdylyqtaryn jáne janartaý lavasymen tájirıbe jasaýdy úıretip jatyr eken. Al, jas tárbıeshi, qalalyq saıystyń júldegeri Ásem Qabdolovanyń Montessorı peda­gogı­kasynyń elementterin eresek toptarda saýat ashý sabaǵynda qol­danýy quptarlyq. Onyń tobynda tárbıelengen Mádına Sáken 1-sy­nypqa arnalǵan test tapsyrmalaryn oryndaýda eń joǵary upaı jınaǵan. Ádil Qanybek esimdi azamat eki uly­nyń Montessorı kabıne­tine barǵaly jan-jaǵyndaǵy quby­lys­tardy, zattardy bilýge, zertteýge de­gen qulshynystarynyń artqanyn, kóp nárseni ata-ananyń kómeginsiz atqaratynyn súısine jetkizdi. Olaı bolsa, balabaqshadaǵy Montessorı júıesin óńirdegi bilim berý mekemelerine de usynsaq, uta­rymyz kóp. Erbaqyt AMANTAIULY, jýrnalıst. Petropavl.