Qytaı tek áıelderge arnalǵan jańa smartfon shyǵarmaq

ASTANA. 4 sáýir. Qytaıdyń IUNI kompanııasy tek áıelder qaýymyna arnalǵan jańa IUNI i1 smartfonyn shyǵaratyn boldy. Ol taıaýda Barselonada ótken MWC kórmesinde halyq nazaryna usynylǵan IUNI U3 mini smartfonynyń jetildirilgen nusqasy bolmaq. Bul týraly 1news.az habarlady. Jańa baılanys quraly aq jáne qyzǵylt tústi bolady. Sondaı-aq, aldyńǵy kamerasynyń ózi 8 megapıkseldi bolady dep josparlanýda. «Mundaı smartfonmen jasalǵan «selfı» óte sapaly shyǵady. Qajet bolsa, qurylǵyǵa ornatylǵan arnaıy baǵdarlama arqyly sýretti óndeýge bolady. О́nim tek qyzdarǵa arnalǵandyqtan, oǵan adam terisin qalaı kútýge bolatyny jáne taǵy basqa da taqyryptar boıynsha keńester berip turatyn baǵdarlamalar ornatylady», – deıdi kompanııa ókili. Smartfonnyń tehnıkalyq múmkindiginde kompanııanyń osy sanattaǵy ózge ónimderinen aıtarlyqtaı aıyrmashylyq bolmaıdy. IUNI i1-diń jumys isteý júıesi Qualcomm Snapdragon 801 prosessoryna negizdelgen. Jedel jadysy 2, al jalpy jadysy 32 gıgabaıt. 5,2 dıýımdi ekrannyń múmkindigi 1920h1080 pıksel. Baǵasy 320 AQSh dollary shamasynda bolmaq. Elaman Qońyr. Derek, 1news.az. Sýret: china-review.com.ua.