Batys jaýyngerleri qazaq bitimgerlerin úıretip jatyr

ASTANA. 4 sáýir. Qazaqstanda keshe «Dala qyrany-2015» áskerı jattyǵýynyń sheshýshi kezeńi bastaldy. Bul týraly Deutsche Welle habarlady. Qazaqstan Qorǵanys mınıstrliginiń saıtynda habarlanǵandaı, Almaty oblysyndaǵy «Ile» oqý polıgonyna AQSh pen Ulybrıtanııa áskerı qyzmetkerleriniń aldyńǵy qatarly toptary jetkizildi. Olar munda ózderiniń qazaqstandyq áriptesterin oqytpaqshy. Oqý eki kezeńnen turady. Onyń birinshi ústimizdegi sáýir aıynda ótse, ekinshisi maýsymda qolǵa alynady. Oqý-jattyǵý jıyndary dalalyq alqapta da, shtabtyq deńgeıde de órken jaıady. «Jattyǵýlardyń basty maqsaty BUU-nyń bitimgerlik operasııalaryn ótkizý kezindegi Qazaqstan bitimgerler brıgadalary men Qazaqstan bitimgerler batalonynyń shtab jumysyndaǵy praktıkalyq daǵdylaryn jetildirý, sondaı-aq áskerı bólimshelerdiń qarsylasýshy jaqtardyń janjaldary jaǵdaıynda bitimgerlik is-qımyl atqarý kezindegi jaýyngerlik úılesimdiligin kóterý bolyp tabylady», - delingen respýblıka Qorǵanys mınıstrligi baspasóz qyzmetiniń baspasóz paraqshasynda. Qurysh Nurymbet. Mánbe, foto: Deutsche Welle.