Zaıyrlylyq qaǵıdattary qamtyldy

О́tken aptada Mádenıet jáne sport mınıstrligi men Qaraǵandy oblysy ákimdigi memlekettik-konfessııalyq qatynastardy retteý salasyndaǵy ózara árekettestik týraly memo­randýmǵa qol qoıdy. Bul memorandým Mádenıet jáne sport mınıstri A.Muhamedıuly men Qaraǵandy oblysynyń ákimi N.Ábdibekov arasynda bolyp, qujatty bekitý rásimi ótti. Onda qamtylǵan basty baǵyt: din salasyndaǵy turaqtylyqty qamtamasyz etý jáne eldiń damýyn­daǵy zaıyrlylyq qaǵıdattardy ilgeriletý boıynsha ortalyq jáne jergilikti atqarýshy organdardyń kúshterin biriktirý kózdelgen. Taraptar memorandým­dy bekitý barysynda Qazaqstan­nyń kópetnıkalyq jáne kóp­kon­fes­sııalyq sanalýandyǵymen erek­shelenetin sanaýly elderdiń qataryna enetinin atap kórsetti. Olar osy turǵyda Elbasy Nursultan Nazarbaevtyń Otany­myz­daǵy etnosaralyq jáne konfes­sııaaralyq kelisimniń qazaq­standyq modelin odan ári nyǵaıtý maqsatynda júrgizip otyrǵan saıa­satyn iske asyra beretinderin jetkizdi. Eki jaq ta ózderiniń dinı sala­daǵy negizgi baǵyttary boıynsha uzaq merzimge yntymaqtasatyny týraly ýaǵdalasty. Bul jumys­taǵy negizgi basymdyq oblys­tar­dyń, Astana jáne Almaty qala­larynyń ákimdikterine ádiste­melik kórsetýge, radıkaldyq dinı aǵymdardyń ustanýshylary ara­synda ońaltý jumystaryn ótki­zýge, sol sekildi Qazaqstan Úkime­tiniń jáne jergilikti deńgeıdegi oblys, qala, aýdan ákimdikteri ja­nyn­daǵy Dinı birlestiktermen baılanystar jónindegi keńesterdiń is pármendiligin kóterýge baǵyt­ta­latyn bolady. Súleımen MÁMET, «Egemen Qazaqstan».