«Ulyma hat» belorýs tilinde shyqty

Jaqynda Mınsk qalasynda XXII halyqaralyq kórme-jármeńke ótti. Kórme barysynda «Zvıazda» bas­pa úıinde belorýs tilinde jaryq kórgen N.Kelimbetovtiń «Ulyma hat» kitabynyń tusaýkeseri ótti. Kórme qonaqtary men oqyr­mandarmen kezdesýdi «Zvıazda» bas­pa úıiniń bas redaktory Ales Kar­lıýkevıch ashyp, osy medıa-holdıngtiń qazaqstandyq jobalary týraly áńgimeledi.  2011 jyly Mınskide Mıkoly Metlıskıı belorýs tiline aýdarǵan Abaıdyń «Jazyq dala» atty óleńder jınaǵy jaryqqa shyqty. Sonymen birge, orys tilinde qazirgi qazaq jáne belorýs ádebıetteriniń «Sozvýchıe serdes: Belarýs – Kazahstan» serııasymen «Ne vedaıa granıs» antologııasy basylyp shyqty. Sońǵy basylymnyń qurastyrýshysy – ataqty belorýs aqyny Ales Badak. «Zvıazda» baspa úıi – jazýshylardyń jyl saıyn Mınsk qalasynda ótetin «Kórkem ádebıet – ózara tabysý joly» halyqaralyq dóńgelek ústeliniń quryltaıshysy. Ár jyldary Qazaqstannyń jazýshylary Valerıı Mıhaılov, Qaırat Baqbergenov, Lıýbov Shashkova, Raıhan Májenqyzy, Svetlana Ananeva osy dóńgelek ústelge qatysyp júr. О́tken jyly «Zvıazda» baspa úıi Nemat Kelimbetovtiń «Úmit úz­gim kelmeıdi» atty kitabyn basyp shy­ǵardy. Belorýs tiline Ales Kar­lıýkevıch pen Ales Badak aýdardy. Bıylǵy jyly N.Kelimbetovtiń «Ulyma hat»  degen atpen bir tomdyǵy jaryqqa shyqty. Aýdarǵandar – Ales Karlıýkevıch pen Gennadıı Avlasenko. Aýdarmashy Ales Badak tusaýkeser barysynda kórnekti qazaq jazýshysy, ádebıettanýshysynyń shyǵarmashylyǵy týraly óziniń oı pikirimen bólisti. Tusaýkeserde «Hýdojestvennaıa lıteratýra» baspasynyń dırektory Grıgorıı Prıahın, fılologııa ǵylymdarynyń kandıdaty Svetlana Ananeva sóz sóıledi. О́ziniń Nemat Kelimbetovke arnaǵan óleńin ázerbaıjan aqyny Chıngız Alı oglý oqydy. Nemat Kelimbetov qorynyń ókili Raıhan Májenqyzy Belorýs Ulttyq kitaphanasyna qazaq ǵalymy jáne jazýshysynyń álemniń ártúrli memleketterinde basylǵan «Úmit úzgim kelmeıdi», «Ulyma hat», «Kún­shildik» kitaptaryn tapsyrdy. Veronıka LOZOVSKAIа. Mınsk qalasy.