Qostanaıda oqýshy dene shynyqtyrý sabaǵynda múgedek bolyp qaldy

ASTANA. 5 sáýir. Qostanaıda 4-synyp oqýshysy dene shynyqtyrý sabaǵyna qatysamyn dep kózi kórmeı qaldy. Ol sabaq barysynda ustazymen birge «qýyp jet» oıynyn oınaǵan. Bul týraly tengrinews.kz habarlaıdy. Hrestıan Genıng oınap júrip, voleıboldyń baǵanasyna basymen soqqan. Oǵan jedel dárigerlik kómek kórsetilip, oftalmologııalyq aýrýhanaǵa jetkiziledi. Alaıda, aýyr soqqynyń saldarynan oqýshynyń janary birneshe saǵat ótken soń kórmeı qaldy. Hrestıan Genıngtiń anasy ulynyń múgedek kúıge túskenine mektep basshylyǵy kináli deıdi. Sondaı-aq, ol kináliler zań aıasynda tıisti jazasyn almaıynsha tynshymaıtynyn aıtyp otyr. Zańger Vadım Sobolev: «Bilim týraly» Zańnyń 45-baby, 4-tarmaǵy, 3-bóliminde oqýshynyń sabaq prosesi barysynda ómiri men densaýlyǵyna tikeleı mektep dırektory jaýapty» ekenin alǵa tartýda. Aıta keteıik, Hrıstıandy shuǵyl túrde shet elge aparyp, ota jasatý kerek. Biraq onyń ata-anasy ulyn emdetetin qarjysy joq ekenin aıtýda. Olar Qostanaı qalasynyń mańyndaǵy shaǵyn aýylda páter jaldap turady. Talǵat Raıymbek. Derek, sýret; tengrinews.kz.