Jaýyngerlik jaraýlar

Qazaqstandaǵy jalǵyz taýly-egerlik rotada 50 at bar 91678 áskerı bólimi arnaıy maqsattaǵy taýly-eger­lik rotasynyń áskerı qyz­metshilerine taýly jerlerde qyzmet atqarýǵa, oqý-jattyǵý tapsyrmalaryn oryndaýǵa attar kómektesedi. Olar ás­kerı tehnıka óte almaıtyn shatqaldy taýly jerlerden jeke quramdy tasymaldaıdy. Taýly-egerlik rotanyń ár áskerı qyzmetshisine bir attan bekitilgen. Alǵashynda janýarlarmen nusqaýshy jumys isteıdi, odan soń at daıarlyǵy boıynsha jattyǵýlarǵa tartylady. Jaqyn arada osyndaı sabaq «Ońtústik» óńirlik qol­­­basshylyǵynyń «Teris-Ashybulaq» polıgonynda ót­kizildi. Bul jerde ár jaý­y­n­­ger óz atymen jeke já­ne top quramynda shartty qar­­sy­lastyń shabýylyna toıtarys berý jóninde manevr jasady. Arnaıy maqsattaǵy taý­ly-egerlik rota 2000 jyly qurylǵan jáne búgingi kúni Qazaqstannyń Qarýly Kúsh­terinde osy baǵyttaǵy jalǵyz rota bolyp tabylady. Sonymen qatar, 91678 áskerı bólimde teńdep artý-kóliktik rotasy bar. Olar taýly-egerlik rotany qamtamasyz etýmen, áskerı júkterdi jetkizýmen aınalysady. «Egemen-aqparat».