Áriptesterimiz “Qurmetti azamat” atandy

Respýblıkalyq “Egemen Qa­zaqstan” gazetiniń redaksııasyna astanalyq Aqmola oblysynan qos birdeı qýanyshty habar jetti. Eńbekshilder aýdandyq máslıhatynyń 2010 jylǵy 2 shildedegi № S – 24/9 she­shi­mimen “Egemen Qazaqstan” gazeti bas redaktorynyń oryn­basary Samat Musaǵa jáne Ze­rendi aýdandyq máslıhatynyń 2010 jylǵy 21 shildedegi № 31 202 sheshimimen redaksııanyń Almaty bólimshesiniń meń­gerýshisi Qor­ǵanbek Aman­jo­lovqa atalǵan aýdandardyń qur­metti azamaty ataǵy berildi. Áriptesterimiz bul qurmetke ózderi týyp-ósken aýdandardyń áleýmettik-ekonomıkalyq da­mýyna zor úles qosqany, minsiz eńbegi men shyǵarmashylyq tabystary, joǵary azamattyq jaýapkershiligi úshin ıe bolyp otyr. Qarymdy qalam­das­tarymyzdy bıik ataqtarymen quttyqtap, jańa belesterden kórine berýine tilek qosamyz. Sonymen qatar, osyndaı ataqtar gazetimizdiń belsendi avtorlary “Balbulaq” balalar jýr­nalynyń redaktory, ja­zýshy Maǵıra Qojahmetovaǵa, Aqmola oblystyq tilderdi damytý basqarmasynyń bas­tyǵy, jýrnalıst Ǵosman Tóleǵulǵa, jýrnalıst-jazýshy Ja­nataı Bekenovke de berildi. Baqbergen AMALBEK. Aqmola oblysy. *** Keshe sondaı-aq Shyǵys Qazaqstan oblysy, Zaısan aýdanynan da qýanyshty habar jetti. Osy aýdanda týyp-ós­ken, aýdandyq “Dostyq” , ob­lystyq “Dıdar” gazet­te­rinde je­­misti qyzmet atqarǵan “Ege­men Qazaq­stannyń” sholý­shy­sy, BAQ salasyndaǵy Pre­zı­dent grantynyń ıegeri Suńǵat Álipbaıǵa Zaısan aýdan­dyq máslıhatynyń she­shi­mimen Zaısan aýdanynyń qurmetti azamaty ataǵy berildi.