16 etnosty uıystyrǵan ujym

General-maıor Berik Bilálov jetek­shilik etetin oblystyq ishki ister depar­tamenti halyq arasyndaǵy jarasymdy dostyq pen tatýlyqty ulyqtaıtyn is-sharalardy júıeli ótkizip keledi. Solardyń biri jýyrda Qazaqstan halqy Assambleıasynyń 20 jyldyǵy merekesi aıasynda uıymdastyrylyp, óńirdi meken etetin ulystardyń salt-dástúrleri men ádet-ǵuryptaryn nasıhattaýǵa arnaldy. – Ulttyq mádenıetterdiń bir-biri­men tyǵyz baılanystylyǵy eńbek ujym­da­ryn­da tatý-tátti birliktiń qa­nat jaıýy­na, qoǵamdaǵy ultaralyq jáne kon­fes­­sııa­­aralyq turaqtylyqtyń kepil­di­gi­­ne zor septigin tıgizedi. О́zge tilge, din­­ge qurmetpen, syılastyqpen qa­raý zaıyr­­ly memlekettiń basty ólshem­deri­­niń biri bolyp tabylady. Adam­dar­dyń er­teńgi kúnge degen berik senimin qalyp­­tastyrady,–dedi sharaǵa qatysqan aı­maq bas­­shysynyń orynbasary Anarhan Qalı­qyzy jı­nalǵandarǵa qarata aıtqan sózinde. Ishki ister organdarynda qyzmet ete­tin 16 etnos ókilderiniń basyn toǵys­tyrǵan festıval aýdandaǵy polısııa qyzmetkerleriniń besaspap ónerlerin pash etýmen erekshelendi. Taıynsha aýdandyq ishki ister bólimi polıaktardyń ulttyq kıimderin kıip, ánderin shyrqap, ózderi ázirlegen taǵam mázirlerin usyndy. Bul aýdanda ótken ǵasyrdyń saıası qýǵyn-súrgin kezeńinde ataqonysynan lajsyzdan alastalyp, Qazaqstanǵa qonys aýdarǵan polıak týysqandardyń urpaqtary kóp shoǵyrlanǵan. Sol sebepti «túsi basqa tilegi bir, júzi basqa júregi bir» aǵaıyndardyń taǵylymdy ónegelerin beıneleýdi jón kóripti. Taıynsha aýdandyq IIB-niń krımınalısi Darıa Solonardyń aıtýynsha, polıak halqynyń súıikti taǵamy – bıgos kópshilikke unap qalypty. Qazylar alqasynyń baǵalaýymen ýkraın halqynyń salt-dástúrin úzdik kórsete bilgen mamlıýttikter birinshi orynǵa laıyq dep tanyldy. Ekin­shi, úshinshi oryndardy petropavl­- dyqtar men taıynshalyqtar bólisti. Festıval aıasynda «Bizdiń otbasy» konkýrsynyń qorytyndysy shyǵarylyp, memlekettik tilde shyǵarma jazǵan úmitkerlerdiń jeńimpazdary anyqtaldy. 7-9 jas aralyǵynda ál-Farabı lıseıiniń 3-synyp oqýshysy Gaýhar Maratova óz týyndysyna otbasyn arqaý ete otyryp, kópbalaly shańyraqtyń artyqshylyqtaryn jipke tizgendeı atap bergen. 10-12 jas boıynsha Mamlıýt mektep-ınternatynyń oqýshysy Dilnáz Shaıahmetova birinshi orynǵa ıe boldy. 13-15 jas aralyǵynda Taıynsha aýdanynan kelgen Aıara Shahanova jeńistiń eń bıik tuǵyryna kóterildi. Shara sońynda Berik Sultanǵazyuly qoǵamdyq jumystarǵa belsene qatysyp, elimizdiń laıyqty azamattaryn tárbıeleýge úles qosyp júrgen bir top ata-ana men etno­mádenı birlestik ókilderin marapattady. О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Talǵat TÁNIBAEV.