Qyzylaǵash tanymastaı túrlendi

Sý tasqynynan zardap shekken aýyl turǵyndaryna sońǵy úılerdiń kiltteri tapsyryldy Jaqsy jumystan adam jany rahatqa bólenedi. Qandaı da bir jaýapty isti oraıy kelse sársenbiniń sátinde bastaıtyn óńir basshysy Qyzylaǵash aýylyndaǵy qonys toıyna sońǵy núkte qoıatyn sátti osylaı oraılastyrdy. Sońǵy tórt aıǵa jýyq ýaqytta atqarylǵan jumys ushan-teńiz. Bireý senip, bireý senbeıtindeı. Ásirese, qurylysshylardyń sózi – az, isi – saz ekendigin qaz-qatar tizilgen ádemi úıler men kóshe, halyqqa mádenı-turmystyq qyzmet kórsetetin ǵımarattar aıshyqtaıdy. Aýyl ertegideı jańarǵan, jasarǵan. Keshegi alapat sý tasqynynan japa shekken halyqtyń tán jarasyn ýaqyt emdeıdi. О́ıtkeni, tasqyn talaıdyń ómirin qıdy, otbasyn  oırandady. El-jurt aýyrtpalyq sońynda jaqsylyq­tyń barlyǵyna sendi. О́ıtkeni, Elbasynyń tapsyr­ma­syn oryndaýdaǵy  oblys basshysy men  qazaqstan­dyq­tardyń demeý, qoldaý kórsetýi nátıjesinde arnaıy qorǵa 7 mlrd. teńge túsip, qurylys jumys­taryna isker kompanııalar tartyldy. Mine, kúni keshe Qyzylaǵash aýylyn qalpyna keltirý jumys­ta­ry tolyǵymen aıaqtalyp, barlyǵy 465 úı jańadan salynsa, 30 úı kúrdeli jóndeýden ótti. Elimizde HHI ǵasyrda tutas bir aýyl qaıta tú­lep, sáýleti men symbaty kelisken eldi mekenge aınalyp shyǵa keldi. Qonys toıynda jańa úılermen qatar orta mektep, emhana, úsh qa­batty eski mektep-ınternat ǵıma­rattary kúrdeli jóndeýden ótip, paıdalanýǵa berildi. Qyzylaǵash­tyq­tardyń eńseleri kóterilip, mereıleri tasydy. Búgingi Qyzyl­aǵashty burynǵy aýylmen salys­tyr­maısyń. Tasqynnan keıin ornynda laı men qoqys qalǵan me­kendegi symbaty kelisken, zamanaýı qurylys materıaldary paıdalanylǵan úıler, kósheler, japyraǵyn jel terbegen saıaly baqpen kómkerilgen eldi mekendi respýblıka kóleminde kezdestirme­simiz anyq. Jıyn Ilııas Jansúgirov atyn­daǵy orta mektepten bastaldy. Ǵımarat 1969 jyly salynǵan. Tas­qynǵa syr bermegen bilim sha­ńyraǵynyń qabyrǵalary zaqym­dan­baǵanymen, irgetasy mújilip, bólmeleri búlingen edi. Qury­lys­ty “Arlan” jáne “ASK Aýyl­qu­rylysy” jaýapkershiligi shekteýli seriktestikteri júrgizip, jóndeý jumystaryna bólingen 226 mln. teńge tolyq ıgerilipti. Mundaǵy fızıka, bıologııa, hımııa, ınfor­ma­tıka, mýzyka jáne basqa ka­bınetter qajetti oqý qural-jab­dyqtarymen qamtylyp, ustazdar jańa oqý jylyna daıyndyqtaryn bastap ketken. Mektep aýlasynda úsh bloktan turatyn oqý korpýsy, kúrdeli jóndeýden ótken sport, akt zaly oqýshylardyń salamatty ómir saltyn qalyptastyrýyna jaǵdaı jasaıtyny anyq. Bilim shańyraǵynyń aýmaǵy abatta­n­dy­rylyp, basketbol, voleıbol alań­dary jasalyp, aınalaǵa qaraǵaı, bozarsha, qaıyń, terek, jemis aǵash­tary otyrǵyzylsa, alqyzyl gúlzarlar kóz tartady. Oblys basshysy Serik Úmbetov bastaǵan jurtshylyq ǵımarattyń sán-sal­tanatyna rızashylyqtaryn bildi­rip, odan ári “Nurshýaq” balabaq­shasyna aıaldady. Aýylda sońǵy jıyrma jyldan beri búldirshinder mekeni bolma­ǵan. Ońtaılandyrý kezinde jeke­she­lendirilgen úsh qabatty mektep-ınternat úıiniń eki qabatyn búl­dirshinderge, úshinshi qabatyn jas ustazdar men dárigerlerge baspana­ǵa laıyqtap, qaıta jóndelip, kóp­shilik tilegi júzege asyrylypty. Mek­tepke deıingi balalar meke­mesiniń aldynda nárestesin kóter­gen ana, nemeresin jetektegen áje, taǵy basqalardyń qatary kóp. Oblys ákimi olarmen emen-jar­qyn áńgimelesip, jaǵdaı surasty. – Balabaqshadaǵy tárbıeniń orny bólek. Búgin kelinder de, biz de qýanyshtymyz. Kóptegen áıelder balalaryn baǵyp, jumysqa shyǵa almaı otyrǵan. Endi olardyń da qoly uzardy. Nemeremizdi baqshaǵa berip, biz de qýanyp jatyrmyz, deı­di nemereleri Aıjan men Arsendi jetektegen Tilesh Jar­qymbaeva. Almaty qalasyndaǵy “Rahat” aksıonerlik qoǵamy qalpyna keltirý jumystaryn júrgizgen eki qabatty emhana úıi de jóndelip, ishki árleý, syrlaý jumystary uqyptylyqty tanytsa, ishki qa­jet­tilikter tolyqtaı jańarty­lyp­ty. Dárigerlik ambýlatorııaǵa “jedel járdem” kóligin qaıy­rymdy jandar tapsyrypty. Me­dı­sınalyq qural-jabdyqtarmen jaraqtandyrylǵan kabınetter halyqqa qyzmet kórsetýin bastap ketken. Kúndiz em qabyldaıtyn ka­bınetke kelgenderdi de kez­destirdik. Aýyldaǵy osyndaı qurylys jumystaryn kórgen kópshilik jaı­naǵan Jastar kóshesinde or­nalasqan mádenıet úıine jı­naldy. Keń, ári jaryq ǵımaratta bos oryn joq. Minberge kóte­rilgen oblys ákimi Serik Úmbe­tovti jurt­shylyq qoshemetpen qarsy aldy. – Búgingi qýanyshqa jetemiz be, jetpeımiz be dep qınalǵan sát­ter artta qaldy. Ony umytý múm­kin emes, dep tebirene sóıledi basshy. Sizderdiń jabyqqan júz­de­rińiz ben qamyqqan kóńil­de­ri­ńizdi kórgende bári ornyna keledi, baspanaly bolasyzdar, dep ýáde bergen edik. Elbasynyń qaıǵyly oqıǵany estisimen Úkimetke jedel tapsyrma berip, halyqty jumyldyrýy nátıjesinde 4 aıda qyrýar sharýa atqaryldy. Shildede qurylys jumystary aıaqtalady, degenge senbegender de boldy. Mine, búgin sonyń nátıjesine kóz jetti. Saltanatty shaqta birinshiden sizderdiń attaryńyzdan Memleket basshysyna, Úkimetke, basqa da qaıy­rymdylyq qolyn sozǵan qa­zaqstandyqtarǵa shyn kóńilden al­ǵys aıtamyn. Alyp-qashpa áńgimege jol bermeı, Qyzylaǵashtaǵy jaǵ­daı­dyń aq-qarasyn halyqqa jet­kiz­gen buqaralyq aqparat qural­da­ry ókilderine de alǵys aıtqan ar­tyq emes. Aýyldyń shyǵysyndaǵy saıabaqtyń janynan tasqyn qur­ban­daryna eskertkish turǵyzý ju­mystary aıaqtalyp qaldy. Onyń da tııanaǵy keler kún jaqyn. Qyzyl­aǵashtyń endigi taǵdyry ózderińiz­diń qoldaryńyzda. Búgingi ásem kelbetinen aıyrmaı, aýyl kórki úshin bir kisideı úles qossańyzdar nur ústine nur, degen Serik Ábiken­uly saltanatty jaǵdaıda Baqjamal Nurmu­hambetova, Halıda Atabaeva, Zınaıda Saqypbekova, Dosymbek Narlan, Ádil Rysdáýletov, Tursyn Azat bastaǵan turǵyndarǵa jańa baspananyń kiltin tapsyrdy. Oblystyq ardagerler uıymy ke­ńe­siniń tóraǵasy Egeýbek Dalǵa­baev, Qyzylaǵashtaǵy ájeler an­sam­bliniń jetekshisi Baqjamal Nur­muhambetova halyq atynan El­basyna, oblys ákimine, qurylys­shy­larǵa júrekterinen shyqqan atalyq, analyq alǵystaryn jet­kizdi. Jıynda Jetisý halqynyń aty­nan tasqynnan zardap shekken Qy­zylaǵash aýylyn qalpyna keltirýge atsalysqan qazaqstan­dyqtarǵa al­ǵys aıtyp, úndeý tastaý jóninde de bastama kóterildi. О́ıtkeni, tasqynnan keıingi jańarǵan eldi meken kóp ultty Qazaqstandaǵy birlik pen yntymaqty aıǵaqtaıdy. Osylaı­sha Qyzylaǵashta sońǵy qonys toıy ótip, aýyl turǵyndary qýanyshtaryn kóppen bólisti. Kúmisjan BAIJAN. Almaty oblysy.