Almatyda jýrnalısti óltirdi degen kúdikti ustaldy

ASTANA. 13 naýryz. Almatylyq polıseıler jýrnalıst Ilona Ekshembaevanyń ólimine qatysy bar degen kúdikpen er adamdy ustady. Bul týraly qalalyq ishki ister departamentiniń baspasóz qyzmeti habarlady. Habarlamada kórsetilgendeı, 44 jastaǵy almatylyq er adam Ilona Ekshembaevanyń azamattyq nekedegi kúıeýi bolǵan. Olar ishimdik ishken soń ózara janjaldasyp qalyp, onyń sońy qaıǵyly jaǵdaıǵa aparyp soqqan. Kúdikti esh jerde jumys istemeıtin kórinedi. Qazir atalǵan derek boıynsha, Qylmystyq kodekstiń 99-babymen qylmystyq is qozǵaldy. Kúdikti ýaqytsha oqshaýlaý kamerasyna qamaldy. Tergeý amaldary jalǵasýda. Aıta keteıik, kúni keshe aqparat quraldarynda 40 jastaǵy jýrnalıst Ilona Ekshembaevanyń múrdesi Almatydaǵy úıinen tabylǵany týraly habar taraǵan.Polıseılerdiń aıtýynsha, ony pyshaqtap óltirgen. Jýrnalıst «Lıter» basylymynda, qalalyq ishki ister departamentiniń baspasóz qyzmetinde jumys istegen. Joldybaı Bazar. Derek: Almaty qalalyq ishki ister departamentiniń baspasóz qyzmeti. Sýret: alashainasy.kz.