Eńbekteri elengen kún

Keshe Baılanys jáne aqparat mınıstrliginde Kólik jáne baılanys qyzmetkerleri kúnine oraı mınıstr Asqar Jumaǵalıev atalmysh salada eńbegi sińgen 95 qyzmetkerge “Qurmetti baılanysshy” ataǵyn saltanatty jaǵdaıda tabys etti. Sondaı-aq, salanyń birqatar qyzmetkerlerin mınıstrliktiń Qurmet gramotasymen marapattady. Jıynda mınıstr Asqar Ju­ma­ǵalıev sala qyzmetkerlerin aı­týly merekelerimen quttyqtaı kele, olardyń jumystarynyń ma­ńyzdy ekenin, elimizdiń baılanys salasyndaǵy kúndelikti qyzmet­teri­ne qazaqstandyqtardyń rıza ekendikterin tilge tıek etti. Búgingi tańda radıo, telefon jáne ın­ternetsiz ómir súrýdi elestetý qıyn ekenin eskersek, otany­myz­dyń túkpir-túkpirinde otyryp, álemmen aqparat almasýǵa el tur­ǵyndarynyń múmkindik alýy úshin jumys jasap jatqan osy sala qyz­metkerleriniń eńbekteri ushan-teńiz ekenin kóremiz, degen mınıstrlik basshysy elimizdegi barlyq aýyl-aımaqtardyń tele­fon­dan­dy­rylǵandyǵy, jelilik baılanys­taǵy másele­lerdiń sheshilgeni sala qyzmet­kerleriniń qajyrly eń­bekteriniń nátıjesi ekenin basa aıtty. Sondaı-aq, ol jyl sońyna deıin spýtnıktik televızııany iske qosýdyń josparlanyp otyrǵa­nyn, aýyl turǵyndarynyń 35 telear­na­lardyń, onyń ishinde qazaqstan­dyq telearnalar da bar, habar­la­ryn qaraý múmkindigine ıe bola­tyn­­dyǵyn nazardan tys qaldyrmady. Mereke kúnine oraı marapat­talǵan qyzmetkerlerdiń arasynda “Qazaqtelekom” AQ, “Qazposhta” AQ, “Transtelekom” AQ, “Smart Uni­com” jáne “Nursát” AQ jáne ózge de baılanys salasyndaǵy kom­panııalar ókilderi boldy. Olardyń ishinde “Qurmetti baı­la­nysshy” ataǵymen N.Bochanov (“Qazaqtelekom” AQ), S.Júnisov (“Qazposhta” AQ), A.Mazýnov (“Transtelekom” AQ), J.Bektur­ǵa­nov (“Qazteleradıo” AQ) t.b. bar. Mınıstrliktiń Qurmet gra­mo­ta­symen B.Asanbaeva, V.Iаre­shenko, B.Ospanov jáne salanyń basqa da qyzmetkerleri, jalpy sany 74 adam marapattaldy. So­ny­men qatar, merekelik syılyq­tan sala ardagerleri de qalys qal­ǵan joq. Jıyn sońynda baılanys salasynyń ardagerleri atynan sóz alǵan elimizge eńbegi sińgen baı­lanysshy О́tegen Ábilqasy­mov: “Bul meıram jarty ǵasyr­dan astam ǵumyryn osy salaǵa arnaǵan men úshin óte erekshe kún bolyp sanalady. Men bul kúndi qashanda qurmetpen qarsy ala­myn. Ota­nymyzdyń baılanys sa­lasy nyǵaıa túsip, baılanys qyz­metkerleri halyqtyń alǵy­syna bólene bersin”,  – degen tilegin jetkizdi. Ábdirahman QYDYRBEK.