Bıshiler baıqaýy boldy

Astana ákimdigi men «United4» prodıýserlik ortalyǵy elorda merekesin toılaý aıasynda «International Street Dance Session» kóshe bıiniń VI halyqaralyq festıvalin uıymdastyrdy. 4-5 shilde aralyǵynda ótken bı jarysynyń qatysýshylarynyń qarasy qalyń.  Jalǵyz jáne toppen saıysqa túsken bıshilerdiń jas mólsherine shekteý qoıylmaıdy. Sondaı-aq, alańda ónerpazdar kóshe bıleriniń hıp-hop, poppıng, lokıng, vakıng, kramp jáne haýs syndy túrlerin kórsetedi. 2010 jyldan beri dástúrli túrde ótkizilip kele jatqan osynaý bı saıysy Astana merekesi qarsańyndaǵy jarqyn oqı­ǵalardyń biri bolyp tabylady. Al atalǵan festıvaldiń basty qonaǵy «Shag vpered 3D» fılminiń juldyzy Medd Chedd. Sonymen qatar, jarys­ta jeńimpazdardy anyqtap, ádil baǵasyn berýshilerdiń, ıaǵnı qazylar alqasynyń quramynda tanymal horeograftar bar. Atap aıtqanda, TNT arnasyndaǵy «Tansy», MTV-daǵy «Zvezdy tanspola-2» shoýlaryna qatysqan Zlata Maslo men Djastın Bıberdiń, Maılı Saırýs pen Pınktiń klıpterine túsken Aja George bar. Osyndaı bedeldi ári tájirıbeli tulǵalarmen tyǵyz baılanystyń arqa­synda bıshiler jyldan-jyl­ǵa kásibılene túsedi. Jáne de aıta keterligi, bul festıvaldiń júlde qory 2,5 mln.teńgeden asady. Al bas júldege 1 mln.teńge taǵaıyndalǵan. Jańa bastaǵandar men kásibı bıshiler úshin bıdiń ár baǵyty boıynsha nomınasııalar qarastyrylǵandyqtan olarǵa qoıylar talap ta joǵary. Elmıra MÁTIBAEVA, «Egemen Qazaqstan».