Jumysshylar múddesi qorǵalýda

Aqtaýda Eńbek basqarmasynyń basshysy Áliger Ińkárov brıfıng ótkizip, jýrnalısterge eńbek qarym-qatynasynyń ózekti máselelerin áńgimeledi. Memleket basshysy belgilegen bes ınstıtýttyq reformany júzege asyrý jónindegi «100 qadamǵa» toqtaldy. Eńbek basqarmasynyń negizgi mindeti – eńbek zańnamasynyń saqtalýyn baqylaý. Bul aza­mattardyń eńbek zańnamasy má­seleleri boıynsha jáne jumys berýshi men jumysshylar ara­syndaǵy quqyqtyq qatynastar jóninde aryz-shaǵymdaryn qaras­tyrý jolymen júzege asyrylady. Memlekettik eńbek ınspektorlary óndiristegi jazataıym oqıǵalardy arnaıy tekserý jónindegi komıssııalardy basqarady. Jyl basynan beri oblysta 34 óndiristik jazataıym oqıǵa tirkeldi, onda 38 adam japa shekken, onyń 33-iniń densaýlyǵyna aýyr zııan kel­gen jáne 4 jaǵdaıda adam qa­zasy oryn alǵan. О́ndiristik ja­raqattanýshylyqty taldaý ón­diristegi kópshilik jazataıym oqıǵalar munaı gaz óndirýshi ká­sip­oryndarda bolatynyn kór­setti. Sebepterine keletin bolsaq, eń birinshi kezekte, bul ju­mys úderisiniń jáne eńbek shart­tarynyń qanaǵattanarlyqsyz uıym­dastyrylýy, jumysshy­lar­dyń óz abaısyzdyǵy men qaýip­sizdik erejelerin saqtamaýy, dep atap ótti Áliger Ińkárov. Árbir jazataıym oqıǵadan keıin muqııat tekseris júrgiziledi jáne jumysshynyń jaraqattanýyna ákelgen sebepterdi joıý úshin is-sharalar ázirlenedi. Kásiporyndar óndiristik jaraqattanýshylyqty tómendetý boıynsha sharalar qabyldaýǵa, eńbekti qorǵaý jáne qaýipsizdik máseleleri boıynsha oqytý sheńberinde jalpy túsindirme jumystaryn júrgizýge mindetti. Basqarma qyzmetiniń basym baǵyttary eńbek daýlaryna jol bermeý boıynsha sharalardy qa­byldaý jáne monıtorıngteý, eńbekaqy boıynsha jalpy bereshekti tómendetý bolyp tabylady. Sha­ǵymdardyń eń kóbi – eń­bekaqy boıynsha bereshek jáne eńbek shartyn zańsyz toqtatý týraly. Basqarma basshysynyń aıtýynsha, Mańǵystaý oblysynda eki prob­lemaly kásiporyn bar, olardyń eńbekaqy boıynsha jal­py bereshegi 60 mln. teńgeni quraıdy. – Qazirgi kezde oblysta eń­bekaqy boıynsha problemalyq boryshker bolyp «Fresh» JShS tabylady. Jyl basynda bereshek 37,7 mln. teńgeni qurady. Qazirgi ýaqytta borysh 30 mln. teńgege deıin azaıdy. Basqarma fırmamen úlken jumys jasady. Kásiporynnyń qarjylyq aýqat­tylyǵyn qazir sot organdary qarap jatyr, – dep habarlady Á.Ińkárov. Eńbekaqy boıynsha boryshy bar taǵy bir kásiporyn – bul «Datoba Konstrakshn». Onyń be­reshegi 58 mıllıon teńgeni quraǵan. Qazirgi kúnge 28 mıllıon teńge tólendi. «Datoba Konstrakshn» jónindegi suraq Mańǵystaý oblysy ákiminiń birinshi orynbasarynyń tóraǵalyǵymen antıkrızıstik shtabta úsh ret qaraldy. Budan ári bul bereshek óteletin bolady. – Bizge eńbek shartynsyz jumys isteıtin kóp azamattar júginedi. Biraq olardyń kásiporyndaǵy eńbek qyzmeti faktisin rastaıtyn eshqandaı qujattary joq. Mundaı jaǵdaıda biz olarǵa sot­qa júginýdi usynamyz, onda kýá­­gerlerdiń aıǵaqtary esepke alynady. Kýágerler ol jumys­shy­nyń jumysqa kelgenin jáne jumys istegenin dáleldeı alady.Sottyń sheshimi boıynsha oǵan bári tólenedi, – dep túsindirdi basqarma basshysy. Aǵymdaǵy jyldyń basynan memlekettik eńbek ınspektorlary 294 tekseris júrgizip, 847 buzýshylyqty anyqtady. Buzý­shylyqtardy joıý úshin jumys berýshilerdiń atyna 263 usynym engizildi. Kináli tulǵalarǵa jalpy somasy 14 993 830 teńgeniń 169 ákimshilik aıyppuly salyndy. Osy jyly jumysshylardy qys­qartý qaýpin tómendetý úshin óndiristik úderisterdi turaq­tandyrý, eńbek quqyqtaryn qam­tamasyz etý jáne jumysshylardy eńbekke ornalastyrý máseleleri boıynsha seriktestik týraly 620 memorandým jasalypty. Osy­laısha, ekonomıkanyń túrli sektoryndaǵy 100 myń ju­mys­shynyń múddeleri men qu­qyq­tarynyń qorǵalýy qamtamasyz etilgen. Abaı KÚShENOV.