Qostanaı oblysynda 80 jastaǵy qarııa musylman dinin qabyldady

QOSTANAI. 20 qazan. Qostanaı oblysynyń Uzynkól aýdanyndaǵy meshitte 80 jastaǵy Margarıta Jazıtova qarııa musylman dinin qabyldady. Bul týraly egemen.kz tilshisi habarlady. Uzynkól adandyq meshitiniń ımamy Esengeldi Ájmahan qajy: «Meshit ómirindegi bul  jańalyq Qurban aıt merekesi qarsańynda bolǵan edi. Ájeıdiń ózi basqa aýdanda turady eken. Týystary ony sársenbi kúni alyp keldi. Sharıǵattyń sharty boıynsha, ol kisiniń qulaǵyna azan shaqyryp, jańa esim berip, musylman dinine ótkizdik. Qurban Aıt namazyna kelgen jamaǵat qol jaıǵanda, ájemiz de qol jaıyp, «Allahý ákpar, Alladan bıik ulyq joq», – dedi. Qazir ıslam qaǵıdattary týraly orys tilinde de kitaptar, túsindirme materıaldar jetkilikti. Ájemizdiń oqyǵany, estigeni kóp ekenin baıqadym. Islam dininen habary mol, úlken daıyndyqpen kelgeni bilinip turdy. Imandylyq týraly meshitimiz úzdiksiz sharalar ótkizedi. Sonyń ózinde  keıbir egde kisiler Aıt, Juma namazdaryna kelmeıdi, tipti meshittiń esiginen qaramaıtyndar da bar. Ásel ájeıdiń tańdaýy sondaı kisilerge sabaq bolsa jarar edi», – dedi. Ájeı jańa nyspysynyń Ásel Ivanqyzy bolǵanyn qalapty. Ol  joldasy Qaıyrjanmen birge uzaq jasady, eki ul, bir qyz tárbıeledi. Qazir nemere, shóbere súıgen baqytty áje. Qaıyrjan ataı osydan onshaqty jyl buryn dúnıe salǵan boatyn. Ájeı óziniń týystary men balalaryna «eger dám-tuzym taýsylyp, olaı-bulaı bolyp ketsem, shalymnyń qasyna qoıyńdar» degen ótinish-ósıetin de aıtyp qoıypty. Názıra Járimbetova. Derek, sýret: egemen.kz.