Mels Eleýsizov prezıdenttikke úmitker retinde ótinish berdi

ASTANA. 13 naýryz. «Tabıǵat» ekologııalyq odaǵynyń basshysy Mels Eleýsizov  Ortalyq saılaý komıssııasyna prezıdenttik saılaýǵa úmitker retinde qatysatynyn aıtyp, ótinish berdi. Bul týraly «QazAqparat» habarlady. Mels Eleýsizov: «Árıne, qujattarymdy tapsyrdym, onyń esh qıyndyǵy joq qoı. Alda lıngvıstkalyq komıssııa synaǵy, onyń qıyndaý bolatyndyǵy túsinikti. Degenmen, buǵan deıin eki márte tapsyrǵan bolatynmyn. Sondyqtan odag ótetindigime senimdimin», – dedi. Sonymen qatar ol prezıdenttik saılaýǵa qatysý arqyly Qazaqstannyń ekologııalyq ahýalyna kúlli álemniń nazaryn aýdartqysy keletindigin atap ótti. Aıta keteıik, búginde úmitkerlerdiń sany 23 adamǵa jetti. Onyń 21-i saılaýǵa ózin-ózi usynǵandar, al ekeýin, atap aıtqanda, Nursultan Nazarbaevty «Nur Otan» partııasy, al Turǵyn Syzdyqovty Qazaqstannyń kommýnıstik halyq partııasy usynǵan. Qazirgi ýaqytta olardyń saılaý talaptaryna sáıkestigi tekserilip, keıbiri lıngvıstıkalyq komıssııaǵa synaq tapsyrý ústinde. Máselen, 8 úmitkerdi tirkeýden bas tartyldy. Olardyń ekeýiniń jasy Konstıtýsııaǵa sáıkes saılaýǵa túsý jasyna tolmaǵan. altaýy lıngvıstıkalyq komıssııa synaǵyn tapsyra almady. 4 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaý jumysymen aınalysýda. Joldybaı Bazar. Derek, sýret: «QazAqparat».