Qazaqstan Respýblıkasy Bilim jáne ǵylym mınıstriniń buıryǵy №369

2010 jylǵy  9 shilde Astana qalasy. “Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly”  Qazaqstan Respýblıkasy Bilim jáne ǵylym mınıstriniń  2008 jylǵy 18 naýryzdaǵy №125 buıryǵyna tolyqtyrýlar engizý týraly Buıyramyn: 1. “Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly” Qazaqstan Respýblıkasy Bilim jáne ǵylym mınıs­triniń 2008 jylǵy 18 naýryzdaǵy № 125 buıryǵyna (Normatıvtik quqyqtyq aktilerdi memlekettik tirkeý tiziliminde № 5191 tirkelgen, 2008 jylǵy 30 mamyrdaǵy № 81 (1481) “Zań gazetinde” jarııalan­ǵan) mynadaı tolyqtyrýlar engizilsin: osy buıryqpen bekitilgen, Bastaýysh, negizgi orta, jalpy orta bilimniń bilim beretin oqý baǵ­darlamalaryn iske asyratyn bilim berý uıymda­ryndaǵy bilim alýshylardyń úlgerimine aǵymdyq baqylaýdyń, olardy aralyq jáne qorytyndy attestattaýdyń úlgi erejesinde: 18-tarmaq mynadaı mazmundaǵy abzastarmen tolyqtyrylsyn: “Negizgi mektepti bitirgendigi týraly kýálikke engizýge jatatyn barlyq pánderden jyldyq jáne qorytyndy baǵalary “5” bolǵan 9 (10)-synyp bitirý­shilerine negizgi orta bilim týraly úzdik kýálik beriledi. 10 (11) jáne 11 (12)-synyptardaǵy oqý kezeńinde barlyq pánderden jyldyq, qorytyndy jáne qorytyndy attestattaýdaǵy baǵalary “5” bolǵan 11 (12)- synyp bitirýshilerine jalpy orta bilim týraly úzdik attestat beriledi. Jalpy orta bilim týraly “Altyn belgi” attestatyn alýǵa úmitker UBT-da bir ball jetpeýine baılanysty jalpy orta bilim týraly “Altyn belgi” attestatyn rastamaǵan jaǵdaıda, oǵan jalpy orta bilim týraly úzdik attestat beriledi.”. 2. Mektepke deıingi jáne orta bilim departamenti (N.R. Arshabekov): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 3. Osy buıryq alǵash ret resmı jarııalan­ǵannan keıin on kúntizbelik kún ótken soń qolda­nysqa engiziledi. 4. Osy buıryqtyń oryndalýyn baqylaýdy ózime qaldyramyn. Mınıstrdiń  mindetin atqarýshy   M.SARYBEKOV. ______________________________________________ Buıryq Qazaqstan Respýblıkasynyń Ádilet mınıstrliginde 2010 jylǵy 14 shildede Normatıvtik quqyqtyq kesimderdi memlekettik tirkeýdiń tizilimine №6333 bolyp engizildi.