Júzden júırik

Jambyl Fazylov – Almaty qalasynyń “2010 jyldyń úzdik dárigeri” atandy Qalalyq densaýlyq saqtaý bas­qarmasy jyl boıyna atqaryl­ǵan isterine esep berip, jetistikke jetken áriptesterine qurmet kór­setýdi, kásibı baıqaý ótkizýdi dás­túrge aınaldyrǵan. Bıylǵy baı­qaý da tabysty ótip, nátıjesi boı­ynsha “2010 jyldyń úzdik dá­rigeri” júldesin qaladaǵy 76 mem­lekettik aýrýhana men emhanalar arasynda №5 qalalyq klını­ka­lyq aýrýhana dárigeri Jambyl Fazylov jeńip aldy. Bir aıta keterligi, bul baıqaý­dyń jyl saıynǵy talaby kúsheıe túsýde. Máselen, bıylǵy baıqaý negizinen tórt kezeńnen turdy. Birinshisi, qatysýshy ózi jumys jasaıtyn emdeý mekemesi ujymy­nyń jalpy jınalysynda baıqaý­ǵa qatysýǵa laıyqty dep tanylýy kerek bolsa, ekinshi kezeńde Den­saýlyq saqtaý mınıstrliginiń Densaýlyq saqtaý jáne farma­sevtıkalyq qadaǵalaý komıteti bazasynda teorııalyq deńgeıin anyqtaý úshin testik emtıhan tap­syrdy. Onda baıqaýǵa qatysqan 40 úmitkerdiń 6-ýy ǵana qal­dy­ryldy. Úshinshisi – dárigerdiń manýaldi deńgeıin anyqtaý maq­satynda Asfendııarov atyndaǵy Qazaq ulttyq medısına ýnıver­sı­tetiniń sımýlıasııalyq ortalyq bazasynda 6 kezeńnen súrinbeı ótti. Sońǵy asý Almaty qalasy den­saýlyq saqtaý basqarmasynyń bastyǵy Erkin Dúrimbetov bas­taǵan komıssııa músheleriniń aldynda “Men kóshbasshymyn” degen joba aıasynda ózin tanys­tyrý, tájirıbelik deńgeıi, qandaı jańa ınnovasııalyq tásilderdi qoldanǵany týraly 10-15 mınýt­tyq esebin usyn desek, sol ko­mıssııa músheleriniń sheshimimen Jambyl Fazylov birinshi orynǵa laıyqty dáriger dep tanyldy. – Adam balasy bas ıetin kásip ıeleriniń biri – dárigerler. Densaýlyǵynyń, ómiriniń qadirin biletinder ózderińizdi qashanda qur­met tutady. Arlaryńyz aq ha­lattaı kirshiksiz taza, júrekte­ri­ńiz meıirimdi bolsyn, – deı kele saltanatty jıynda júldegerlerdi marapattaǵan qala ákimi Ahmetjan Esimov Almatyda jeti densaýlyq saqtaý keshenin salý josparlan­ǵanyn, daǵdarysqa qaramastan 2010 jyly densaýlyq saqtaý salasyna 27,2 mlrd. teńge qarajat bólinip otyrǵanyn, bul ótken jyl­ǵa qaraǵanda 1,5 ese artyq eke­n­digin atap ótti. Bir aıta keterligi, bólingen qarjynyń naq­ty nátıjesi arqasynda qalada ólim sany azaıyp, bala týý kórsetkishi ósken, sonymen qatar erkekterdiń ortasha ómir súrý ja­sy 4 jylǵa, áıelderdiki 1,5-ke artqan. Al jeńimpazymyz jaıly aıtar bolsaq, Jambyl atalmysh aýrýhananyń balalar jaq-bet hırýrgııasy bóliminiń dárigeri, medısına ǵylymdarynyń kandı­daty. Jalpy, bul bólimshe bala­lardyń týa bitken bet aımaǵyn­daǵy aýytqýlary, erin jáne tań­daı jyryqtary, týa bitken estý jolynyń bolmaýy, jaq súıek­te­riniń júre paıda bolǵan aýytqý­lary, damymaı qalýy, ár túrli qatersiz isikter, sonymen qatar tisten paıda bolǵan, jumsaq jáne súıek tinderiniń jaraqaty aýrý­laryn emdeıdi. Bólimsheniń jańa ınnovasııalyq tásiline kelsek, ol kezinde Qazaqstan men Ortalyq Azııada, tipti TMD elderinde tuń­ǵysh ret qulaq jolyn ashý opera­sııasyn usynyp, búginde praktı­kada keńinen qoldanýda. Mine, bul otandyq dárigerlerdiń qolda bar tehnologııalardy qoldana otyryp, qol jetkizgen jetisti­k­terin qaı jaǵynan bolsa da maqtanýǵa turarlyq úlken eńbek dep baǵalaýymyz kerek. Jańalyqqa, izdenýge jany qumar jas maman óz salasynda ınnovasııalyq tásilderdi belsen­di óndirýge atsalysýda. 1994 jy­ly Ulttyq medısına ýnıversı­te­tin, odan eki jyldyq klını­kalyq ordınatýrany bitirgen soń atalmysh oqý ornynyń balalar ja­syndaǵy stomatologııa kafe­dra­synyń assıstenti ári bólim­she dárigeri bolyp qyzmet atqa­ryp keledi. 2002 jyly kandı­dat­tyq dıssertasııasyn oıdaǵydaı qor­ǵaǵan jas ǵalymnyń keleshe­ginen áli kúterimiz kóp. Bir aıta keterligi, bilikti uı­ym­dastyrýshy, kásibı maman, me­dısına ǵylymdarynyń kandı­da­ty Janat Qasymjanova basqa­ra­tyn №5 klınıkalyq aýrýhana­nyń dárigerleri sońǵy jyldary báı­ge­niń aldyn bermeýde. Joǵa­ry sa­natty dáriger Ulbala Ádil­ha­nova 2007 jyly Almaty qala­sy men respýblıkanyń úzdik dá­rigeri atansa, 2009 jyly A.Aman­ǵalıev pen M.Áýelbaev óz sala­synda respýblıka boıynsha 3-or­yn­dy ıelendi, al “Úzdik meıir­bıke” júl­desin 2008 jyldan beri qol­dan bermeı keledi. “2010 jyl­dyń úzdik medbıkesi” marapa­ty atal­mysh aýrýhananyń med­bı­kesi Mádına Baevaǵa buıyrǵan edi. Gúlzeınep SÁDIRQYZY.