Jańa portal ashyldy

Keshe Týrızm jáne sport mınıstrligindegi Indýstrııa jáne týrızm komıtetiniń ókilderi visitkazakhstan.kz resmı týrıstik portalynyń tusaýyn kesti. Bul saıtta elimizdiń týrıstik ımıdjin nyǵaıtý men týrızm salasy boıynsha daıyndalǵan taýarlardyń úgit-nasıhaty júzege asatyn bolady. Egemen elimizdi ja­ńa týrıstik baǵyttaǵy el re­tinde tanytatyn portal barsha ha­lyq­aralyq talaptarǵa saı daıar­­lan­ǵan. Ony ázirleý jumystary atalmysh saladaǵy kóptegen sa­rap­shylar men mamandardyń jáne sol sala týraly jazyp júrgen jýr­nalısterdiń qatysýymen bir jyldan asa ýaqytqa sozylǵan. Portaldyń basty maqsaty – Qa­zaq elin álemge óziniń teńdesi joq týrıstik múmkindikteri bar jurt retinde tanytý. – Portalda Qazaqstannyń ın­ter­­aktıvti týrıstik kartasy engizil­gen. Onyń kómegimen ulan-baıtaq eli­mizdiń barlyq óńirlerine vır­tý­al­­dy saıahat jasaýǵa bolady. Dáli­rek aıtsaq, siz osy karta arqyly aı­maq­tardyń qonaqtarǵa arnalǵan oryndary men sýretterin, vıde­o­ro­lıkter, maqalalar jáne jańa­lyq­tar, óńir jóninde tolyq aqpa­rattar men málimetterdi bile ala­syzdar. Portal ony qyzyqtaý­shy­lar úshin tek tanymdyq jáne aqpa­rat beretin qural ǵana emes, ol ar­qyly meımanhanalar men meıram­ha­nalarǵa, sondaı-aq kólikke bıletke tapsyrys berýge bolady. Endi elimizdiń qandaıda bir aı­maǵyna saıahat jasaýǵa nıet bil­dirgen azamattar úıinen shyqpas­tan ǵalamtor arqyly kez kelgen týrıstik qyzmet túrin tańdap, oǵan onlaın brondaý arqyly tapsyrys bere alady, – deıdi jobanyń je­tekshisi B.Qanafın. Jańa tusaýy kesilgen portal visitkazakhstan.kz naryq suranys­taryn tolyq qanaǵattandyrý, áleýetti týrısterdiń ǵalamtor je­lisi arqyly aldyn-ala tapsyrys berý qyzmetiniń erekshelikterin paıdalanýy, keń aýqymdy kólem­degi paıdaly aqparatqa qol jet­kizý, hat almasý men qyzmet kór­setý aqysyn tóleý jáne basqa da maqsattar úshin qurylǵan. Jandos MEDIMANOV.