Kásipkerlik kedergisiz damýy tıis

Aqtóbede  Ekonomıkalyq damý jáne saýda mınıstrligi, Aqtóbe oblysynyń ákimdigi jáne “Damý” ká­sipkerlikti damytý qorynyń uıym­dastyrýymen “Bıznestiń jol kartasy-2020” baǵdarlamasyn júzege asyrý barysy jáne ákimshilik keder­gilerdi qysqartý” atty respýblı­ka­lyq kóshpeli keńes ótti. Oǵan  Pre­mer-Mınıstrdiń orynbasary Er­bol Orynbaev, oblystyq ákimdik­ter­diń ókilderi, aýdan ákimderiniń oryn­basarlary, jeke kásipkerler, qarjy jáne bank salasynyń qyz­met­kerleri qatysty. Keńesti oblys ákimi Eleýsin Saǵyndyqov kirispe sóz sóılep ashty. Oblys basshysy­nyń aıtýynsha, óńirdiń ekonomı­ka­lyq damý qarqyny táýir. Ústimizdegi jyldyń jeti aıynda ónim óndirý anaǵurlym artty. Sondaı-aq, salyq jáne basqa tólemderdiń túsimi de arta túsken. Oblysta turǵyn úıdi paıdalanýǵa berýde de ilgerileýshilik bar. Tutyný baǵalarynyń ındeksi de respýblıkalyq deńgeıden biraz tómen. Bıyl oblys ishki jalpy ónim óndirýdi 6 mlrd. AQSh dollaryna jet­kizýge baǵyt ustaýda. Oblysta “Bıznestiń jol kartasy-2020” baǵ­darlamasyn júzege asyrýǵa tyńǵy­lyqty daıyndyqtar bar. Bıyl 43 ındýstrııalyq-ınnovasııalyq joba júzege asyrylady dep kútilýde. Orta jáne shaǵyn bıznesti damytý, ın­dýs­trııalyq-ınnovasııalyq jobalardy júzege asyrý arqyly 25 myń jańa jumys oryndaryn ashý kózdelýde. Keńeste sóz alǵan  Premer-Mınıstrdiń orynbasary Erbol Orynbaev respýblıkalyq keńesti  ótkizýge Aqtóbeniń tańdalýynyń  ózindik máni bar ekenin atap ótti. Oblys “Bıznestiń jol kartasy-2020” baǵdarlamasyn júzege asyrýda  elimizdegi birden-bir kóshbasshy óńir, dedi ol. Bıyl osy maqsatqa bólingen 629 mln. teńge qarjynyń 405 mln. teńgesin ıgerý kózdelýde. Ekonomıkalyq damý jáne saýda  vıse-mınıstri Marat Qusaıynov­tyń aıtýynsha, “Bıznestiń jol kartasy-2020”  baǵdarlamasyn jú­zege asyrý jańa bıznes bastama­lardy qoldaý, kásipkerlik sektordy saýyqtyrý jáne eksportqa baǵdar­lanǵan óndiristi qoldaý baǵyttary boıynsha  júrgizilmek. Baǵdarlamanyń úsh baǵyty boı­yn­sha ekinshi deńgeıdegi bankterdiń qa­raýy­na jalpy somasy 231,4 mlrd. teńge qu­raıtyn 481 ótinim túsipti. Búgingi kún­ge deıin barlyq úsh baǵyt boıynsha jal­­py quny 41,14 mlrd. teńge mólshe­rin­degi 55 ótinim ómirge joldama alypty. Sodan keıin sóz alǵan “Damý” kásipkerlikti damytý qory” AQ basqarma tóraǵasynyń orynbasary Lázzat Ibragımova qordyń jumysy jáne onyń múmkindikteri týraly áń­gime órbitti. Baǵdarlamany júzege as­yrýdyń keıbir máselelerin qoz­ǵa­ǵan Qazaqstan Qarjygerleri asso­sıa­sııasynyń tóraǵasy Serik Aha­nov shaǵyn jáne orta bıznesti qar­jy­landyrýǵa toqtaldy. Jıynda ekin­shi deńgeıdegi bank ókilderi jáne maquldanǵan jobalardyń basshy­la­ry da óz oılarymen bólisti. Sodan keı­in  Astana jáne Almaty qalala­ry men oblystar ákimderiniń oryn­ba­sarlary­nyń baǵdarlamany júzege asyrý barysy týraly esepteri tyńdaldy. Keńeste Úkimettiń ákimshilik keder­gilerdi qysqartý jáne bıznes ahýaldy jaqsartý baǵytynda júrgizip otyrǵan jumystary da  jan-jaqty áńgime ózegine aınaldy. Satybaldy SÁÝIRBAI.