Jarystar kúndeligi

Mını-fýtbol. Serbııada ótken álemniń stýdentter arasyndaǵy XII chempıonatynda negizin Qa­raǵandynyń “Tulpar” komandasy quraıtyn Qazaqstan quramasy 6-orynǵa taban tiredi. Qazaqstandyq stýdentteri óz tobynda Qytaı, Bra­zılııa jáne Slovakııa koman­da­laryn tıisinshe 7:1, 3:2, 7:0 esep­terimen utyp shyqty. Al shı­rek fınalda alań ıeleri – serb­terden 4:5 esebimen jeńilýge máj­búr boldy. Sodan keıin polıak­tar­men 5-6 oryndar úshin bolǵan shaıqasty áýeli 2:2 esebimen teń aıaqtap, ekinshi ret ótkizilgen kez­desýde 2:3 bolyp jeńilip qaldy. Al qorytyn­dy nátıjede reseılik­termen bol­ǵan fınaldyq aıqasta 3:2 esebimen alda bolǵan Brazılııa quramasy birinshi orynǵa shyqty. Úshinshi oryn – Serbııa, tórtinshi oryn Ýkraına quramalaryna buıyrdy. Hokkeı. О́skemende ótken Qa­zaqstan kýbogy úshin jarysta Rýd­nyıdyń “Gornıak” komanda­sy­nyń baǵy jandy. Kendi qalanyń hok­keıshileri fınalda Qaraǵan­dy­nyń “Saryarqasynan” 3:0 ese­bi­men basym tústi. Úshinshi orynǵa Aty­raýdyń “Beıbarys” koman­da­syn 5:2 esebimen utqan О́ske­men­niń “Kaz­sınk-Torpedosy” ornalasty. Voleıbol. Almatyda áıelder komandalary arasynda elimizdiń Ký­bogy úshin saıys ótip jatyr. Osy kezge deıin úsh týrdyń oıyn­dary oınaldy. Onyń qory­tyn­dy­sy boıynsha “Qaraǵandy”, “Shy­ǵysSvınesStroı”, “Metallýrg”, “Astana-2”, “Grasııa KZ”, “SSKA-Almaty” komandalary shırek fınalǵa shyǵyp, jartylaı fınaldyń 4 joldamasy úshin kúresetin boldy. Jeńil atletıka. Qazaqstan­dyq Olga Rypakova Belgııanyń Brıýssel qalasynda ótip jatqan jeńilatletıkalyq “Brıllıant lıganyń” sońǵy kezeńinde úsh se­ki­ristiń jalpy qorytyndysy boı­ynsha ekinshi oryndy jeńip aldy. Lıga chempıony ataǵyna kýbalyq Iаrhelıs Savıne qol jetkizdi. Onyń kezeńderde jınaǵan upaıy bizdiń Olgamen birdeı shyqty (22). Alaıda, kezeńderdegi bas júl­desiniń sany (4) jaǵynan basym­dyq tanytyp, birinshi orynǵa laıyqty dep tabyldy. Olımpıada. Sıngapýrde márege jetken jasóspirimder arasyndaǵy birinshi Olımpııalyq oıyndardyń qorytyndysynda Qazaqstan jas túlekteri komandalyq 24-shi oryn­ǵa ıe boldy. Birinshi oryn 24 al­tyn medal alǵan Qytaı komanda­sy­nyń enshisinde ketse, 18 birinshi orny bar Reseı quramasy ekinshi boldy. Úshinshi orynǵa 11 bas júl­demen Ońtústik Koreıa sport­shy­lary ornalasty. “Egemen-aqparat”.