Damý deńgeıi dittegendeı bolmaq

Keshe Premer-Mınıstr Kárim Másimovtiń tóraǵalyǵymen Úkimettiń kezekti otyrysy bolyp ótti. Onda “2011-2015 jyldar­daǵy elimizdiń áleýmettik-ekono­mıkalyq damý bol­jamynyń jo­basy”, “Qazaqstan Res­pýb­lıkasy Ulttyq qorynan 2011-2013 jyl­dary bólinetin kepildendirilgen transfertter týraly” zań jo­basy, “Respýblıkalyq jáne oblystyq bıýd­jetter Astana res­pýblıkalyq ma­ńyzdaǵy qala­lar bıýdjetteri arasyn­daǵy jal­py transfertter kólemi jónin­degi” zań jobasy, 2011-2013 jyl­darǵa arnalǵan respýblıkalyq bıýdjet jobasy qaraldy. Alǵashqy úsh másele boıynsha Indýstrııa jáne jańa tehno­logııalar mınıstri Janar Aıtjanova baıandama jasady. Ol 2011-2015 jyldardaǵy elimizdiń áleýmettik-ekonomıkalyq damý boljamynyń jobasy álemdik ekonomıkanyń, álemdik taýar ryno­gynyń ahýaldarynyń bol­jamdaryn, so­nymen birge eli­miz­diń ekonomı­ka­lyq salalarynyń 2010 jylǵy qańtar-shilde aılary arasyndaǵy damý úrdisteriniń jaǵ­daıyn eskere otyryp jasal­ǵandyǵyn atap kórsetti. Halyq­ara­lyq valıýta qorynyń boljam­dary­na sáıkes 2010-2011 jyldar araly­ǵynda álemdik ekonomı­kanyń ósimi 4-5 paıyzdy qu­ramaq. Osyǵan baı­la­nysty elimizdiń áleýmettik-ekono­mı­kalyq damýynyń boljamy 2011-2015 jyldar aralyǵyndaǵy munaı baǵa­synyń boljamyn da eskere otyryp jasalǵan. Ba­rynsha konservatıvti boljamdar boıynsha, bul merzimde munaı baǵasynyń barreli ortasha eseppen 65 AQSh dollary kóle­minde bolady dep kútilýde. Álemdik tutyný deńgeıiniń birtin­dep qalpyna kelýine baılanysty 2011-2015 jyldar ara­lyǵynda metaldyń álemdik baǵasy ortasha eseppen 10-15 paıyz artpaq. Mine, osy jaǵdaılardy eske­re kel­gende elimizdiń ishki jalpy ónimi­niń ósimi 2011 jyly – 3,1, 2012 jyly – 3,3, 2013 jyly 3,5 paıyz, al 2015 jylǵa taman orta eseppen 4,1 paıyz bolady dep boljanyp otyr. Elimizde júzege asyrylyp jatqan ındýstrııa­lan­dyrý jobalary jáne otandyq ónim­derdiń eksportqa shyǵary­lýy­nyń artýyna baılanysty 2011 jyly óner­kásip ósimi – 3,6, 2012-2013 jyldary 3,9 paıyz deńgeıinde bolmaq. Jalpy, jobalaý kezeńinde ósim ortasha esep­pen jylyna 5 paıyz bolady dep kú­ti­lýde. 2011-2015 jyldar aralyǵynda aýyl sharýashylyǵy jalpy óniminiń ósimi orta eseppen jylyna 4,3 paıyz deńgeıinde bolyp, 2015 jyly 4,8 paıyz­dy quraıdy. Sonymen birge eli­mizdiń kólik jáne saýda salalarynda da edáýir ósý deńgeıi boljanyp otyr. Ulttyq banktiń boljamy boıynsha 2011-2015 jyldar aralyǵynda ınflıa­sııa deńgeıi 6-8 paıyz dálizi araly­ǵynda bolmaq. Eńbek jáne halyqty áleýmettik qorǵaý mınıstrliginiń bol­jamy boıynsha elimizdegi jumys­syz­dyq deńgeıi 2011 jyly 6,4 paıyzdan 2015 jyly 5,5 paıyzǵa tómendeıdi. 2011-2013 jyldarǵa arnalǵan respýblıkalyq bıýdjet jobasy týraly Qarjy mınıstri Bolat Jámishev habarlama jasady. Aldyn-ala jasalǵan joba boı­ynsha 2011 jyly respýblıkalyq bıýdjet túsimi 4 055,2 mlrd. teńge kóleminde belgilenip, 2010 jyldyń anyqtalǵan josparynan 676,9 mlrd. teńge nemese 20 paıyz artyq bolady dep boljanyp otyr. Al 2012 jyly bıýdjet túsimi 4380,1 mlrd. teńge, 2013 jyly 4786 mlrd. teńge bolady dep boljanýda. Respýblıkalyq bıýdjettiń 2011 jylǵa arnalǵan shyǵyndary 4657,7 mlrd. teńge, 2012 jyly 4961,9 mlrd. teńge, 2013 jyly 5168,3 mlrd. teńge kóleminde belgilengen. Úkimet otyrysyna usynylǵan jobalardy Úkimet músheleri bir­aýyzdan maquldady. Otyrysty Premer-Mınıstr Kárim Mási­mov qorytyndylap, qaral­ǵan máseleler boıynsha atqarylatyn jedel sharalarǵa baılanysty tıisti organdarǵa naqty tapsyr­malar berdi. Jylqybaı JAǴYPARULY.