EQYU-BUU: qaýipsizdik jolyndaǵy ózara is-qımyl

31 tamyzda EQYU-nyń Is basyn­da­ǵy tóraǵasy, Qazaqstan Respýblı­ka­synyń Memlekettik hatshysy – Syrtqy ister mınıstri Qanat Saýdabaev BUU Bas hatshysy  Pan Gı Mýnmen telefon arqyly sóı­les­ti, dep habarlady elimiz Syrtqy ister mınıstrliginiń baspasóz qyzmeti. Q.Saýdabaev BUU basshysynyń Qazaqstan men Prezıdent Nursul­tan Nazarbaevtyń ıadrolyq qarý­syz­daný salasyndaǵy bastama­la­ry­na, onyń ishinde BUU Bas Assam­bleıasynyń 29 tamyzdy  Iаdrolyq synaqtarǵa qarsy halyqaralyq is-qımyl kúni dep jarııalaý týraly qarar qabyldaǵanyna berik qoldaý  kórsetkeni úshin rızashylyǵyn bil­dirdi.  Pan Gı Mýnnyń ótken apta­da Astanada “Semeı: ońaltýdan da­mýǵa” degen taqyrypta ótken  kon­ferensııaǵa qatysýshylarǵa joldaý joldaǵany belgili. Onda  BUU Bas hatshysy Qazaqstannyń ıadrolyq qarýsyzdanýǵa qosqan úlesin jo­ǵary baǵalaǵan bolatyn. Qanat Saýdabaev pen Pan Gı Mýn ústimizdegi jyldyń 9 qyr­kúıeginde Nıý-Iorkte Iаdrolyq synaqtarǵa qarsy halyqaralyq is-qımyl kúnine arnalǵan BUU Bas Assambleıasynyń arnaıy májilisin ótkizý halyqaralyq qoǵamdastyqty ıadrolyq qarýsyz álem qurý qa­jettigine shaqyrýda mańyzdy qadam bolatynyn atap kórsetti. Mundaı qadamnyń utymdylyǵyn Qazaqstan óziniń úlgisimen dáleldegen edi. Odan ári suhbattastar Qyrǵyz­standaǵy ahýaldy talqylady. Olar atalǵan elde turaqtylyqty qamta­ma­syz etip, damytý úshin álemdik qo­ǵamdastyqtyń odan ári kúsh-ji­ger jumsaýy qajettigine nazar aýdar­­dy. Buǵan aldaǵy parlament saılaýy mańyzdy faktor bola alar edi. Taraptar EQYU men BUU-nyń odan ári tyǵyz úılesimdi qyzmetin kúsheıtýge, Qyrǵyzstanǵa arnaýly ókilder – Qazaqstan Parlamenti Májilisiniń  vıse-spıkeri Jánibek Káribjanov pen BUU-nyń Ortalyq Azııadaǵy Aldyn alý dıplomatııasy ortalyǵynyń basshysy Mıroslav Enchany jiberýge ýaǵdalasty.