Pir Beket áýlıe rýhyna qurmet

Taǵzym Ataq-dańqy alty alashqa jaıylyp, Pir atan­ǵan qasıet ıesi Beket Myrzaǵululynyń týǵanyna 260 jyl tolýyna oraı Úshqońyr aýyly aýmaǵynda as berilip, alaman báıge ót­ki­zildi. Almaty oblysynyń ákimi Serik Úmbe­tov­tiń qoldaýymen jáne “Dáýlet-Beket” jaýap­kershiligi shekteýli seriktestiginiń uı­ymdas­ty­rýymen ótken bul jıynǵa qatysý­shylar ǵulama ómirine qatysty qundy de­rekterdi tilge tıek etti. “Beket ata asynyń Memleket basshysynyń týǵan aýyly Úsh­qońyrda ótýiniń úlken tárbıelik mańyzy zor. О́ıtkeni, as – el men eldi jaqyn­datatyn, adamdardy baýyrmaldyqqa, yntymaqqa úndeı­tin ıgilikti is shara ǵoı. Al, asty uı­ymdas­tyryp otyrǵan “Dáýlet-Beket” JShS-nyń tóraǵasy Sydyq Dáýletovtiń ult tarı­hyn­daǵy iri tulǵaǵa baǵyshtaǵan qurmeti kóńilge qýanysh uıalatady. Keıingi urpaq úshin ulylar rýhyn ulyqtaýdan artyq maqsat bolýy múmkin be deıdi Qarasaı aýdandyq aqsaqaldar alqa­synyń tóraǵasy Seıithan Isaev. Shyn mánisinde de, “О́li rıza bolmaı, tiri baıymaıdy” demekshi, búgingi urpaq úshin týǵan halqyn qaltqysyz súıip, týǵan eline adal qyzmet etýdiń ozyq úlgisin kórsetken ata-baba rýhyn asqaqtatýdan artyq múdde, odan qymbat paryz joq ekendigi sózsiz. “Mádınada – Muhammed, Túrkistanda – Qoja Ahmet, Mań­ǵystaýda – Pir Beket” degen sózdiń ózi kóp nár­seni ańǵartatyndyǵy aıdan anyq. Ǵumyr boıy Qudaı men Quran sózin nasıhattap, urpaqtarǵa taǵylymy mol tárbıe berýdi maqsat etken Pir Bekettiń ómirin zertteýshiler onyń boıyndaǵy asyl qasıetterdi de atap aıtady. Ásirese, áýlıeniń kóripkeldik, aǵartýshylyq, ustazdyq jáne sáýletshilik erekshe qabileti kópshilikti tańǵaldyrmaı qoımaıdy. Eń bastysy, Pir Bekettiń qolyna qarý alyp jaýǵa qarsy shap­pasa da, óz boıyndaǵy asqan qasıeti arqyly myń san qolǵa úreı týǵyzyp, oq atpastan olar­dy qashýǵa májbúr etýi Jaratqannyń oǵan jiber­gen qudireti demeske amal joq. Beket Myrzaǵululynyń týǵanyna 260 jyl tolýyna arnalǵan saltanatty jıynǵa Qazaq­stannyń halyq jazýshylary Qadyr Myrza Áli, Tumanbaı Moldaǵalıev, Qazaqstannyń halyq ártisi Asanáli Áshimov qatysyp, shynaıy tilek­te­rin bildirdi. “Nur Otan” HDP Mańǵystaý ob­lys­tyq fılıaly tóraǵasynyń birinshi oryn­ba­sary Jaýynbaı Qaraev bastaǵan delegasııanyń múshesi, oblystyq aqsaqaldar alqasynyń tóraǵasy О́mirzaq Ozǵanbaı áýlıeniń ómir joly týraly keńinen baıandady. “Beket atanyń búkil ǵumyry din-sharıǵat jolyna adal qyzmet etýdiń, týǵan halqynyń baqytty bolý kúresine arnalyp ótti. Beket ata – ulttyq deńgeıdegi tulǵa, óıtkeni ol qulaǵandy demep, qysylǵandy jebeı bilgen halyq qamqorshysy da boldy. Sol úshin de keıingi urpaq – myna bizder áýlıe ata rýhy aldynda basymyzdy ıemiz” dedi ǵalym. Atyraý oblysy, Jylyoı aýdany Aqkıiz­toǵaı aýylynda dúnıege kelip, HVIII ǵasyrda ómir súrgen abyz aǵartýshyǵa arnalyp Kókbastaý at báıgesi alańynda alaman báıge ótti. Basty júlde – “Nıva” avtokóligi Jambyl aýdanynyń turǵyny Aıan Ábikenovke berildi. Qarasaılyq bapker Baýyrjan Kenbaev “Jıgýlı” avtokóligin ıelendi. “Babalaryn qaltqysyz qasterleı alǵan halyq balalarynyń bolashaǵyn da qapysyz qamdaı almaq” dep Memleket basshysy atap aıtqandaı, búgingi jıynnyń tanymdyq yqpaly zor. Meniń túıgenim – Jaratqannyń súıikti quly – Beket atamyzǵa degen shynaıy sezimi­mizdi judyryqtaı júregimizdiń tórinde saqtasaq bolǵany. Baǵalaı bilseń, baqyt degen osy” deıdi osy jıynǵa oraı “Jer kıesi” atty jýrnaldy daıyndap, shyǵarǵan áskerı jýrnalıst Ken­jebek Tumanbaıuly. Onyń bul pikirin belgili kásipker Sydyq Ábý­uly da qoldaıdy. “Es bilgennen beri qula­ǵymyzǵa sińisti bolǵan aıaýly esim, ol – Beket ata. Ábish aǵamyz “Beket ata” atty kitapqa jaz­ǵan alǵysózinde “Álsizge – medet, kúshtige – aıbar, asqanǵa – tosqan, urpaqqa – ustaz, el ıesi, jer kıesi” dep aıtqan edi. Budan artyq ata­nyń qasıetine qandaı teńeý jarasar. Atanyń rý­hyna arnalǵan as haq dinimiz – ıslamnyń bes pa­ryzynyń biri – otyz kún orazanyń aldynda, rý­hanı-tanymdyq baǵytta ótkendigine qýa­nysh­tymyz”. Saltanatty rásimde Ǵubaıdolla qajy Ábishuly Beket Myrzaǵululynyń rýhyna arnap Quran-hatym túsirip, elimizdiń amandyǵyna, táýelsizdigimizdiń máńgilik bolýyna tilek qosty. Babalar rýhyna keıingi urpaqtyń taǵzymy – keleshekke kemel de baqytty jol ashpaq. Ulylar ulaǵaty osy. Baqyt BALǴARINA. Almaty.