Elimizdiń abyroıyn asyrǵan

Birshama jyldan beri qazaq­standyq Astana.kz KTK komandasy, qazirgi tilmen aıtqanda, brendtik deńgeıge kóterildi. Búgingi kúni olardyń aty tek Qazaqstanda emes, shetelderge de keńinen tanymal. Aǵymdaǵy jyldyń shilde aıynda Iýrmalada ótken “Golosıashıı Kı­VıN 2010” halyqarlyq KTK mý­zykalyq festıvalinde Qazaqstan­nyń “Astana.kz” ulttyq qurama komandasy “Bolshoı KıVıN v Svetlom” júldesine ıe boldy. Bul – TMD memleketteri arasyndaǵy kez kelgen “kóńildi tapqysh” qol jetkizýdi qalaıtyn eń basty ári baǵaly oryndardyń biri. 31 tamyzda “Nur Otan” HDP Ortalyq apparatynda “Astana.kz” ulttyq qurama komandasy múshele­ri­men kezdesý barysynda “Nur Otan” HDP Tóraǵasynyń birinshi or­ynbasary Nurlan Nyǵmatýlın: “Bul tek sizderdiń ǵana emes, búkil Qa­zaqstanymyzdyń jeńisi dep bi­le­miz. Sebebi, sizder álem aldynda ta­ǵy bir ret memleketimizdiń már­te­besin, abyroıyn kóterip qaıt­tyńyzdar. Sondyqtan, Elbasy­myz, partııamyzdyń Tóraǵasy Nursultan Ábishuly Nazarbaev aıtqandaı, sizder elimizdiń dúnıe júzi aldynda bilimdi, daryndy jastarymen de erekshe bolatynyn kórsettińizder. Bul Prezıdentimizdiń ónerdi, sol salada júrgen azamattardy ár­qashan qoldap, qamqorlyq kórse­tip, úlken senim artyp júrgeniniń nátıjesi dep bilemiz”, – dedi. “Astana.kz” qurama komanda­sy­nyń jetekshisi, Parlament Má­ji­lisiniń depýtaty Baqyt Syzdyqova atalǵan óner tobyna degen “Nur Otan” partııasynyń qamqorlyǵyna rızashylyǵyn bildire kelip, olar­dyń áli talaı shyńdy baǵyn­dy­ratynyna senim bildirdi. Komanda kapıtany Maksım Razýmkovtyń aıtýynsha, baǵdarlamalary óte ty­ǵyz, sonyń biri qyrkúıek aıynyń 11-i kúni Ýkraınanyń Kıev qala­syn­da óner kórsetedi. “Egemen-aqparat”.