Baıqaý jeńimpazdary marapattaldy

“Nur Otan” halyqtyq-demo­kra­tııalyq partııasynyń Ortalyq ap­pa­ratynda “Elim dep soqqan jú­regim” atty jalpy respýblıkalyq shyǵarmashylyq baıqaýynyń je­ńimpazdaryn saltanatty túrde ma­rapattaý rásimi ótti.  Oǵan “Nur Otan” HDP Ortalyq apparatynyń músheleri men baıqaý jeńimpazdary qatysy. Sharanyń negizgi maqsaty halqymyzdyń shyǵarmashylyq áleýetin bildirý arqyly el jetistikterin kórsetý boldy. Shyǵarmashylyq sharany uıym­dastyrýǵa birden-bir sebep ol ke­le­si jyly búkil respýblıka bolyp toılanatyn el Táýelsizdiginiń 20 jyl­dyǵynyń ıdeologııalyq ma­ńyz­dylyǵy bolsa, sonymen qatar, “Nur Otan” HDP qoǵamdyq qa­byl­daý bólmesine kelip túsken óti­nish­ter, jobalar, shyǵarmashylyq ıdeıa­lar men shyǵarmalar sebepshi bolyp otyr. Esterińizge sala keteıik, elimiz­diń búkil aımaqtaryn qamtyǵan atalmysh shyǵarmashylyq baıqaý osy jyldyń mamyr aıynda bas­tal­ǵan bolatyn. Osy ýaqyt araly­ǵyn­da aımaqtyq baıqaý komıssııa­lary­na “Eń úzdik óleń”, “Eń úzdik áńgi­me (esse)”, “Eń úzdik avtorlyq án” nomınasııalaryna  halyqtan 500-den asa baıqaý materıaldary kelip túsken. Qoǵam qaıratkerleri, shy­ǵarmashylyq ıntellıgensııanyń bedeldi músheleri, buqaralyq aqpa­rat quraldary men iri qaýymdas­tyq­tardyń ókilderi kirgen  respýb­lıkalyq baıqaý komıssııasynyń qaraýyna iriktelgen 121 baıqaý materıaldary berilgen bolatyn. “Nur Otan” halyqtyq-demokra­tııalyq partııasynyń Ortalyq appa­raty jetekshisiniń orynbasary Muhtar Tildábekuly: “Bul joba­nyń mán-maǵynasy óte joǵary. Baıqaý – elimizdiń túpkir-túpkirin­de tanylmaı júrgen talant ıeleri shabytynyń órkendeýine sebepshi bo­lyp otyr. Jeńimpazdardy anyq­taý komıssııa múshelerine ońaıǵa soqqan joq. Desek te, bizge kelip túsken baıqaý materıaldaryn jiti saraptan ótkizip, mynadaı sheshimge keldik”, – deı kele, jeńimpazdar­dy marapattaý rásimine kezek berdi. Baıqaý komıssııasy otyrysynyń qorytyndysy boıynsha  23 baıqaý ma­terıaly iriktelinipti. Nátıje­sin­de “Memlekettik tildegi eń úzdik avtorlyq án” nomınasııasy boı­ynsha Serik Qalıev, “Memlekettik tildegi eń úzdik áńgime (esse)” no­mı­nasııasynda Alaqan Aqyn, “Orys tilindegi eń úzdik áńgime (esse)” nomınasııasyna Kúlásh Dar­baeva, “Memlekettik tildegi eń úzdik óleń” nomınasııasynda Sáýle Dosjanova, “Orys tilindegi eń úzdik óleń” nomınasııasynda Konstantın Nesterov marapattal­dy. Baıqaýdyń barlyq jeńimpaz­da­ryna ár túrli deńgeıdegi dıplom­dar, sondaı-aq, aqshalaı syılyqtar berildi. Juldyz BAIDILDA EUÝ stýdenti.