Qazaqstannyń damý jolyn dáıektegen

Elordadaǵy Ulttyq aka­demııalyq kitaphanada Elbasy Nursultan Nazarbaevtyń Qazaqstan halqyna Joldaýy saraptalǵan “Strategıcheskıı plan-2020: Kazah­stanskıı pýt k lıderstvý” eńbe­giniń tusaýkeser rásimi ótti. Tu­saý­keser saltanatyna arnalǵan bas­pa­sóz máslıhatyn belgili reseılik saıasattanýshy, Reseı Federasııasy Ulttyq strategııalar ınstıtýtynyń halyqaralyq jobalar jónindegi dı­rektory Iýrıı Solozobov júrgizdi. Iý. Solozobov óz sózinde atal­ǵan eńbekte Qazaqstan Prezıden­ti­niń qazaq memlekettiliginiń qa­lyp­tasýynda alatyn orny jóninde jan-jaqty oı tarqata kelip, ki­taptyń ereksheligine toqtalyp ótti. “Qazaqstan Przıdentiniń halyqqa Joldaýy Qazaqstannyń óz ishinde ǵana emes, shetelde de keń kólemde talqylanyp, kóptiń yqylasyna ıe boldy. Búgingi kitap – sonyń bir dáleli. Qazaqstan kópetnosty jáne kópkonfessııaly qoǵam qurý ar­qyly óziniń turaqty damý jolyna tústi. Al bıylǵy jyldyń qańtar aıyndaǵy Joldaý Qazaqstannyń áleýmettik, naryqtyq jáne demo­kratııalyq turǵydaǵy damýynyń jańa kezeńin aıqyndap kórsetedi”, dedi Iý. Solozobov. Kópshiliktiń nazaryna usynyl­ǵan eńbek 6 bólikten turady eken. Olarda Qazaqstan ekonomıka­sy­nyń órleýi, eldiń modernızasııa men jańa ındýstrııalandyrý baǵy­tyna qadam basýy, “Qazaqstan stra­tegııasy – 2020”, Qazaq eliniń TMD keńistigindegi orny, memle­ket­tegi adam kapıtalynyń damýy jáne eń aldymen Nursultan Na­zar­baevtyń basqarýshylyq qarymy men tulǵalyq bolmysy san qy­rynan kórsetilipti. Taǵy bir atap óterligi, bul uj­ymdyq eńbektiń avtorlyq quramy Dmıtrıı Andreev, Anatolıı Bar­kovskıı, Aleksandr Dýgın, Mıhaıl Vınogradov, Sergeı Evstratev, Valerıı Homıakov syndy Reseıdiń belgili ekonomısteri men tarıh­shy­larynan, saıasattanýshy ǵalym­da­rynan turady eken. Olar óz keze­ginde elimizdiń 2020 jyldarǵa deı­in­gi damý baǵytyn aıqyndap bergen “Ja­ńa onjyldyq – jańa eko­no­mıkalyq órleý – Qazaqstannyń jańa múmkindikteri” atty Prezı­dent Joldaýyna tereńnen sara­p­tama júrgizýge tyrysqan. Iýrıı Solozobov óz sózinde eńbekke óz qol­tańbasyn qaldyrǵan keıbir av­tor­lardyń pikirin oqyp berdi. Má­se­len, Saıası ǵylymdar akademııa­sy­nyń akademıgi, saıasattanýshy Sergeı Bırıýkov N. Nazarbaevtyń eldi ındýstrııalandyrý jónindegi jańa tujyrymdamasyn “shyn mánisindegi strategııalyq bastama” dep kórsetip, Elbasynyń memleket basqarý kezindegi kóne men jańany, ulttyq dástúr men álemdik táji­rıbeni sheber úılestirý mánerin joǵary baǵalasa, al Jahandaný máseleleri jónindegi ınstıtýt dırektory, ekonomıka ǵylymdary­nyń doktory Mıhaıl Delıagın Joldaýdy oqı otyryp, qazaqstan­dyqtardyń ómir súrý sapasyna, eldegi adam áleýetine aıryqsha mán berilip otyrǵanyna kóz jetkizýge bolatynyna, bul – Elbasynyń memleket basqarýdaǵy basty usta­nymdarynyń biri ekendigine toqtalyp ótken eken. Tusaýkeser rásimi kezindegi taǵy bir sózinde Iýrıı Solozobov “bul eń­bektiń Reseıdiń Qazaqstan mem­le­ketiniń damýyna aıryqsha mán berip, eldiń árbir qol jetkizgen jetistigine shynaıy nıettestik tanytýynyń bir kórinisi” ekendigin jetkizdi. Láıla EDILQYZY.