Keshe Memleket basshysy Nursultan Nazarbaev “Atameken” Qazaqstan kartasy” etnomemorıaldyq kesheninde bolyp, ondaǵy Konstıtýsııanyń 15 jyldyǵyna oraı ashylǵan jańa dıoramalyq pavılondy aralap kórdi.
“Myńjyldyqtar toǵysyndaǵy Qazaqstan” dep atalatyn dıoramalyq pavılon etnomemorıaldy keshen eksponattarynyń arasynda óziniń qaıtalanbas ornymen erekshelenedi. “Dıorama” sózi grek tilinen aýdarǵanda “kórinis”, “oqıǵa” degen maǵynany bildiretindikten, bul jerlerde Eýrazııa aýmaǵyn meken etken ejelgi adamdardyń qonystanýynan bastap, búgingi táýelsiz Qazaqstan dáýirine deıingi el tarıhynyń mańyzdy kezeńderi kórinis taýypty. Sol sebepti de, jarty sheńber túrinde ıilgen bul kartınalar jurtshylyqqa oqıǵanyń tap ortasynda júrgendeı áser qaldyrady. Iаǵnı, usynylǵan árbir dıoramada ár dáýirdiń ereksheligi beınelenip, sol kezeńniń rýhy aıqyn seziledi.
Máselen, Altyn Orda dáýirinen, qazaq halqynyń qalyptasý kezeńinen, Qazaq handyǵynyń órkendeý jáne gúldený dáýirinen, qazaq-jońǵar soǵysy men Qazaq KSR-iniń qurylý kezeńinen, Uly Otan soǵysy jyldary men panfılovshylar erliginen, Táýelsiz Qazaqstannyń qurylý ýaqytynan syr shertetin kórinisterdiń árqaısysynyń “óz aıtar oıy” bar. Al táýelsiz Qazaqstan jylnamasynyń aıshyqty sımvolyna aınalǵan jas elorda – Astananyń qalyptasý jáne damý tarıhy ekspozısııany tamashalaýǵa kelgen jandarǵa ózgeshe áser syılary sózsiz.
Etnomemorıaldy keshen mamandarynyń aıtýynsha, mundaı bastamalardyń maqsaty – jastardy patrıotızmge tárbıeleý, sol arqyly ulttyq sana-sezimniń qalyptasýyna yqpal etý, tarıhı-mádenı mura men rýhanı qundylyqtardy nasıhattaý, qazaq halqynyń tarıhy men mádenıetinen sýsyndatý. Bul pavılondy qurastyrý úshin Qazaqstannyń Á.Qasteev, K.Ájibek, A.Dúzelhanov, K.Ahmetjanov, O.Jubanııazov, K.Baranov, D.Ústemirov syndy belgili sýretshileriniń týyndylary paıdalanylǵan eken. Olar T.Júrgenov atyndaǵy Qazaq ulttyq óner akademııasynyń dızaınerlik tobymen tolyqtyrylypty. Buǵan qosa, K.Aqyshev, B.Aıaǵan, A.Tóleýbaev, Z.Samashev, T.Jumahanov, T.Sadyqov, G.Gan, A.Ábdiákimov, Sh.Kúmisbaev syndy elimizdiń kórnekti tarıhshy, arheolog, etnograftarynyń eńbekteri de dıoramalyq kórinisterge arqaý bolǵan.
Prezıdent N.Nazarbaev etnokeshendi aralaý barysynda el tarıhynyń eleýli kezeńderine arnalǵan osy ekspozısııalardy tamashalap, sondaı-aq, elordanyń sol jaq jaǵalaýynyń maketimen tanysty.
“Atameken” Qazaqstan kartasy” etnomemorıaldyq kesheniniń jańa bóligin kórgennen keıin Memleket basshysy Astana qalasynyń 11 synyp oqýshylarymen jáne “Atameken” patrıottar klýbynyń múshelerimen kezdesti. Mektep oqýshylary Elbasyna ónerge, sportqa, salamatty ómir saltyna, bilim salasyna qatysty ózderiniń kókeılerinde júrgen saýaldaryn qoıdy. Olardyń arasynda “Sizge qazaqtyń qandaı kúıleri unaıdy”, “Mektepte oqyp júrgen kezińizden esińizden ketpeıtin bir oqıǵańyzdy aıtyp berseńiz?”, “Bizdiń elimizde bolashaǵyn sportpen baılanystyrǵysy keletin jastar úshin qandaı múmkindikter qarastyrylǵan?” – degen san alýan saýaldar da boldy. Memleket basshysy óz kezeginde jastarǵa ómirde alda bolýǵa, ózderiniń aldyna qoıǵan maqsattaryna jetýge, osy jolda aıryqsha tabandylyq tanytyp, ómirden óz oryndaryn tabýǵa tilektestigin bildirdi.
– Búginde “Bolashaq” baǵdarlamasy kóptegen jasqa úlken múmkindik ashýda. Tek qana Astanada 80 mektep bar. Olardyń basym kópshiligi Astana qurylǵannan beri salyndy. Jaqynda halyqaralyq ýnıversıtet boı kóterdi. Intellektýaldyq mektepter salynýda. Olarǵa elimizdiń talantty degen jastaryn jınap, oqytatyn bolamyz. Iаǵnı, elimiz qolǵa alǵan bul bastamalardyń barlyǵy tek senderdiń bolashaqtaryń úshin jasalyp jatyr. Árkimniń ózine tán qabileti bolady. Sondyqtan árkim óziniń jolyn tabýy qajet. Qazirgideı básekeli zamanda básekege qabiletti azamattar bolyp ósýleriń qajet, – dedi N.Nazarbaev.
Osylaı deı kele, Memleket basshysy jastarǵa oqýda tabys, ómirde densaýlyq pen sáttilik tiledi. Al mektep oqýshylary el jastarynyń árbir qadamyna qoldaý kórsetip júrgeni úshin Elbasyna óz alǵystaryn jetkizdi. Kezdesý sońynda olar Prezıdentke Astana qalasynyń kelbeti beınelengen kartınany tabys etti.
Láıla EDILQYZY.
“Myńjyldyqtar toǵysyndaǵy Qazaqstan” dep atalatyn dıoramalyq pavılon etnomemorıaldy keshen eksponattarynyń arasynda óziniń qaıtalanbas ornymen erekshelenedi. “Dıorama” sózi grek tilinen aýdarǵanda “kórinis”, “oqıǵa” degen maǵynany bildiretindikten, bul jerlerde Eýrazııa aýmaǵyn meken etken ejelgi adamdardyń qonystanýynan bastap, búgingi táýelsiz Qazaqstan dáýirine deıingi el tarıhynyń mańyzdy kezeńderi kórinis taýypty. Sol sebepti de, jarty sheńber túrinde ıilgen bul kartınalar jurtshylyqqa oqıǵanyń tap ortasynda júrgendeı áser qaldyrady. Iаǵnı, usynylǵan árbir dıoramada ár dáýirdiń ereksheligi beınelenip, sol kezeńniń rýhy aıqyn seziledi.
Máselen, Altyn Orda dáýirinen, qazaq halqynyń qalyptasý kezeńinen, Qazaq handyǵynyń órkendeý jáne gúldený dáýirinen, qazaq-jońǵar soǵysy men Qazaq KSR-iniń qurylý kezeńinen, Uly Otan soǵysy jyldary men panfılovshylar erliginen, Táýelsiz Qazaqstannyń qurylý ýaqytynan syr shertetin kórinisterdiń árqaısysynyń “óz aıtar oıy” bar. Al táýelsiz Qazaqstan jylnamasynyń aıshyqty sımvolyna aınalǵan jas elorda – Astananyń qalyptasý jáne damý tarıhy ekspozısııany tamashalaýǵa kelgen jandarǵa ózgeshe áser syılary sózsiz.
Etnomemorıaldy keshen mamandarynyń aıtýynsha, mundaı bastamalardyń maqsaty – jastardy patrıotızmge tárbıeleý, sol arqyly ulttyq sana-sezimniń qalyptasýyna yqpal etý, tarıhı-mádenı mura men rýhanı qundylyqtardy nasıhattaý, qazaq halqynyń tarıhy men mádenıetinen sýsyndatý. Bul pavılondy qurastyrý úshin Qazaqstannyń Á.Qasteev, K.Ájibek, A.Dúzelhanov, K.Ahmetjanov, O.Jubanııazov, K.Baranov, D.Ústemirov syndy belgili sýretshileriniń týyndylary paıdalanylǵan eken. Olar T.Júrgenov atyndaǵy Qazaq ulttyq óner akademııasynyń dızaınerlik tobymen tolyqtyrylypty. Buǵan qosa, K.Aqyshev, B.Aıaǵan, A.Tóleýbaev, Z.Samashev, T.Jumahanov, T.Sadyqov, G.Gan, A.Ábdiákimov, Sh.Kúmisbaev syndy elimizdiń kórnekti tarıhshy, arheolog, etnograftarynyń eńbekteri de dıoramalyq kórinisterge arqaý bolǵan.
Prezıdent N.Nazarbaev etnokeshendi aralaý barysynda el tarıhynyń eleýli kezeńderine arnalǵan osy ekspozısııalardy tamashalap, sondaı-aq, elordanyń sol jaq jaǵalaýynyń maketimen tanysty.
“Atameken” Qazaqstan kartasy” etnomemorıaldyq kesheniniń jańa bóligin kórgennen keıin Memleket basshysy Astana qalasynyń 11 synyp oqýshylarymen jáne “Atameken” patrıottar klýbynyń múshelerimen kezdesti. Mektep oqýshylary Elbasyna ónerge, sportqa, salamatty ómir saltyna, bilim salasyna qatysty ózderiniń kókeılerinde júrgen saýaldaryn qoıdy. Olardyń arasynda “Sizge qazaqtyń qandaı kúıleri unaıdy”, “Mektepte oqyp júrgen kezińizden esińizden ketpeıtin bir oqıǵańyzdy aıtyp berseńiz?”, “Bizdiń elimizde bolashaǵyn sportpen baılanystyrǵysy keletin jastar úshin qandaı múmkindikter qarastyrylǵan?” – degen san alýan saýaldar da boldy. Memleket basshysy óz kezeginde jastarǵa ómirde alda bolýǵa, ózderiniń aldyna qoıǵan maqsattaryna jetýge, osy jolda aıryqsha tabandylyq tanytyp, ómirden óz oryndaryn tabýǵa tilektestigin bildirdi.
– Búginde “Bolashaq” baǵdarlamasy kóptegen jasqa úlken múmkindik ashýda. Tek qana Astanada 80 mektep bar. Olardyń basym kópshiligi Astana qurylǵannan beri salyndy. Jaqynda halyqaralyq ýnıversıtet boı kóterdi. Intellektýaldyq mektepter salynýda. Olarǵa elimizdiń talantty degen jastaryn jınap, oqytatyn bolamyz. Iаǵnı, elimiz qolǵa alǵan bul bastamalardyń barlyǵy tek senderdiń bolashaqtaryń úshin jasalyp jatyr. Árkimniń ózine tán qabileti bolady. Sondyqtan árkim óziniń jolyn tabýy qajet. Qazirgideı básekeli zamanda básekege qabiletti azamattar bolyp ósýleriń qajet, – dedi N.Nazarbaev.
Osylaı deı kele, Memleket basshysy jastarǵa oqýda tabys, ómirde densaýlyq pen sáttilik tiledi. Al mektep oqýshylary el jastarynyń árbir qadamyna qoldaý kórsetip júrgeni úshin Elbasyna óz alǵystaryn jetkizdi. Kezdesý sońynda olar Prezıdentke Astana qalasynyń kelbeti beınelengen kartınany tabys etti.
Láıla EDILQYZY.
