Sapa – básekelestik kórsetkishi

Kún ótken saıyn adamdar ómir­­diń jańa qaǵıdasyna jańa ta­laptarmen beıimdelip keledi. Kez kelgen qoǵamda taýar ótim­diligin onyń suranysy men usy­nysy anyqtaıtyny belgili. Al suranys pen usynysqa degen tu­tynýshylar men óndirýshilerdiń qyzyǵýshy­lyq­tary taýardyń sapasyna kelip tireledi. Bir ja­ǵy­nan sapa kór­setkishiniń jaq­sa­rýy taýar ón­dirýshilerdiń báse­ke­ge degen jaýapkershilikterin jetildiredi. Otandyq ónimderimizdiń báse­ke­ge qabilettilikterin saraptaý maq­satynda “Altyn sapa” baı­qaýy turaqty  túrde ótip kele jat­qany má­lim. Minekı, sol se­bepti de elimiz boıynsha jer-jer­de óńirlik baıqaýlar ótkizilýde. Keshe osyn­daı baıqaýlardyń biri – Astana qalasy ákimdigi men ónerkásip bas­qarmasy uıym­dastyrǵan “As­ta­na­nyń eń úzdik taýary-2010” sapa salasyndaǵy kórme-konkýrsyna biz de qaty­syp, elordalyq taýar ónimderi sapasynyń deńgeıin ózimizshe baǵalap qaıttyq. Baıqaýǵa Astana qalasy aýma­­ǵyndaǵy qyzmet kórsetý túr­leri men taýar óndirý boı­ynsha qyz­met etetin qaladaǵy jeke ká­sip­keler men kásip­oryn­dar qatys­ty. Baıqaý barysynda sarapshy komıssııa “О́ndiristik maqsattaǵy eń úzdik taýarlar”, “Halyq tuty­natyn úzdik taýar­lar” jáne “Úzdik azyq-túlik taýarlary” nomına­sııa­lary boı­yn­sha úzdik kásip­oryndardy anyqtaıdy. Elordanyń óńirlik kórme-konkýrsyna qalanyń 23 kásip­or­ny qatysty. 11 kásiporyn óndiris­tik taýarlar usynsa, 8 mekeme ha­lyq tutynatyn taýarlar, 4 mekeme azyq-túlik taýarlaryn usyndy. “Qazaqstannyń úzdik taýar­lary” kórme-konkýrsy kásip­oryn­dar men mekemelerdi jáne jeke kásipkerlerdi yntalandy­rý­ǵa, otandyq ónimderdiń sapa­syn art­tyrýǵa, Qazaqstan ry­no­gyn joǵary sapaly ári básekege qa­biletti ónimderge toltyrýdy, maq­sat etedi. Sondyqtan da taýar­dyń sapasyna erekshe mán berýdiń de ózindik máni bar. Kórme-konkýrsy barysynda Astana qalasy kásipkerlik jáne ónerkásip basqarmasy bastyǵy­nyń mindetin atqarýshy Ryskúl Qaldybaeva: “Barlyq oblys­tar­da, qalalarda ótip jatqan óńirlik baı­qaýlarǵa óz ónimderin usyna­tyn­dardyń sany 25-ten aspaıdy. Son­dyqtan Astana úshin 23 qaty­sýshy az emes. Elordada 70-ke tar­­ta orta jáne iri ónerkásip taýar­laryn shyǵarýshylar tir­kel­­gen. Al shaǵyn jáne orta kásip ıeleriniń sany shamamen 77 myńǵa jýyq­taıdy. Onyń  60 paı­yzy qyzmet kórsetý jáne saý­da-sattyqpen aınalysatyn sýbektiler” – dep bıylǵy baı­qaýdyń ereksheligine toqtaldy. Osy óńirlik baıqaýdan jeńip shyq­qan jeńimpazdar respýb­lı­kalyq “Altan sapa” kórme-konkýrsyna qatysyp, Qazaqstan Respýblıkasy Prezıdentiniń “Sapa salasyndaǵy jetistigi úshin” syılyǵy jolynda baqtaryn synaıtyn bolady. Araı ÚIRENIShBEKQYZY.