Palata aldyndaǵy mindetter aýqymdy

Keshe Parlament Májilisiniń Tóraǵasy Oral Muhamedjanovtyń jetekshiligimen palatanyń kúzgi alǵashqy jalpy otyrysy ótkizildi. Onda spıker Prezıdenttiń Parlament sessııasynyń ashylýynda sóılegen sózindegi basymdyqtarǵa jáne odan týyndaıtyn mindetterge keńinen toqtaldy. Májilis Tóraǵasy EQYU Sammıtiniń ótkizilýi týraly sheshim elimizdiń áleýmettik-ekonomıkalyq jáne qoǵamdyq-saıası damýda qol jetkizgen jarqyn tabystaryn obektıvti túrde taný bolyp qana qoımaı, jahandyq qaýipsizdik pen yntymaqtastyqqa laıyqty úles qosa alatyn bedeldi memleketke aınalǵanyn da aıǵaqtaı túserin erekshe ataı ketti. Sondaı-aq spıker el ishindegi oń úderisterge de toqtaldy. Atap aıtqanda, ón­diristiń ár túrli salalaryndaǵy jaǵdaı aıtarlyqtaı jaqsaryp, qarjy júıesi turaqtanǵan. Mem­leket josparda turǵan barlyq áleýmettik mindettemelerdi tolyq kólemde oryndap keledi. Údemeli ındýs­trııa­lyq-ınnovasııalyq damý baǵ­darlamasyn iske asyrý sheńberinde 72 jańa óndiris orny ashylsa, jyldyń sońyna deıin taǵy da sonsha óndiris iske qosy­lady dep kútilýde. Onyń ústine Úkimet jyl sońyna deıin In­dýs­trııalyq saıa­sat, Arnaıy eko­no­mı­kalyq aı­maq­tar jáne Inves­tısııalar týraly zańdarǵa ózge­rister men tolyqtyrý­lar engizýge qatysty jáne ózge de zań joba­laryn usynýy tıis. Ásirese, osy sessııada “Ǵylym týraly” Zań­nyń jańa redaksııa­symen jumys aıaqtalýy qajet. Sonymen qatar, memlekettiń quqyq qorǵaý salasy men sot júıesin odan ári jetildirýdi zań­na­malyq jaǵynan qamtamasyz etý boıynsha aýqymdy jumys kútip turǵany erekshe ataldy. “Qyl­mys­kerliktiń profılaktıkasy, qylmystyq jazasyn ótegen adamdardy áleýmettik beıimdeý jáne ońaltý júıesin reformalaý turǵysynan da úlken zańnamalyq máseleler toptamasyn sheshýimiz kerek”, dedi Oral Baıǵonysuly. Elimizdiń zııatkerlik menshikti qorǵaý týraly zańnamasyn halyq­aralyq standarttarǵa sáıkes kel­tirý, notarıat týraly zańnamany jańartý ýaqyt talaby. Spıker depýtattardyń bıýdjet jobasyna qoıylatyn talaptary zań jobasy engizilgenge deıin aıqyndalýy qajettigin aıta otyryp, osy rette Prezıdenttiń memlekettik shyǵys­tardy azaıtý jáne shuǵyl qajettilikter úshin qarjy rezerv­terin qalyptastyrý týraly tap­syrmasyn eskerýdi nazarǵa saldy. Palatada “Memlekettik múlik týraly”, “Neke (erli-zaıyp­ty­lyq) jáne otbasy týraly”, “Atom ener­gııasyn paıdalaný týraly”, “Múd­delik qoldaý tý­ra­ly”, “Halyqtyń kóshi-qony tý­ra­ly”, “Munaı ónim­­deriniń je­kelegen túrlerin óndirýdi jáne olardyń aına­lymyn mem­lekettik retteý tý­raly”, “Qa­zaqstan Res­pýblı­kasynyń keıbir zańna­ma­lyq akti­lerine azamattardy tur­ǵy­lyqty jeri boıynsha tirkeý máseleleri boıynsha ózgerister men to­lyq­tyrýlar engizý týraly” zań jo­balarymen jumys aıaqtalý al­dyn­da. Osy rette Májilis Tór­aǵa­sy Úkimet tarapynan usyny­latyn zań jobalarynyń sapasyna aıryqsha mán berilýi qajettigin nyǵarlaı jetkizdi. “О́kinishke qa­raı, Májilistiń qaraýyna jetil­megen, qalaı bolsa solaı quras­ty­ryla salǵan jobalardyń túsýi jıi oryn alyp turady. Sonymen birge, biz Prezıdenttiń tapsyrma­sy boıynsha memleketimizdiń stra­tegııalyq damý baǵdarlamalaryna bólinetin qarajattyń utymdy jumsalýyn qatań baqylaýǵa alýdy qamtamasyz etýge tıispiz”, dedi O.Muhamedjanov. Olaı bolsa, “Nur Otan” HDP Tóraǵasy Nur­sul­tan Nazarbaevtyń alǵa qoıǵan barlyq mindetterin iske asyrýda partııa men onyń Májilistegi fraksııasyna mańyzdy mindetter júkteletini anyq. Partııanyń baǵdarlamalyq qujattary tártip bolǵanda ǵana tabysty túrde oryndalady. Budan keıin depýtattar Máji­lis Tóraǵasynyń orynbasary bolyp saılanǵan Ekonomıkalyq reforma jáne óńirlik damý komıtetiniń tóraǵasy Vladımır Bobrovtyń ornyna Seıitsultan Áıimbetovti laıyqty dep tapty. Saılaý ashyq daýys berý arqyly júzege asty. Keshegi otyrysta kún tártibine qoıylǵan máselelerdiń barlyǵy derlik zań jobalaryna qory­tyndy ázirleýmen shekteldi. Ese­sine depýtattar túrli memlekettik organdarǵa kóptegen saýaldar joldady. Asqar TURAPBAIULY.