Qazir elimizdiń barlyq oblystarynda “Qazaqstannyń úzdik taýary” atty kórme-konkýrstar ótip jatyr. Buǵan deıin biz olardyń birqatary týraly habarlar jarııalaǵanbyz. Bul joly taǵy da birqataryna kezek berip otyrmyz.
Respýblıka aımaqtarynda ótkizilip júrgen “Qazaqstannyń úzdik taýary” atty kórme-baıqaýlardyń basty maqsaty – óz óndiristerin búgingi zaman talabyna saı jańǵyrta bilgen kásiporyndardy báskelestik ortaǵa tartý. О́z ataýynan kórinip turǵanyndaı, olardyń úzdik taýar óndirýlerine yqpal etý. Qazaqstannyń Keden odaǵyna kirýine baılanysty sońǵy ýaqytta mundaı sharalardyń máni men mańyzy arta túsýde.
Oral qalasynda ótkizilgen osyndaı kórmege óńirdegi 21 kásiporyn qatysyp óz ónimderin qatal da talapshyl baıqaý komıssııasynyń nazaryna usyndy. Osy arada óndiristi jańǵyrtý men oǵan jańa tehnologııalardy engizý oraldyq kásiporyndar óndirgen taýar túrleriniń kóbeıýine ári onyń sapasynyń kóterilýine yqpal etkenin aıta ketken jón. Munda tabystyń bir kiltin – kadrlardy oqytý men qaıta oqytýdyń oń nátıjeleri quraıdy.
Munyń naqty mysaldary da jetkilikti. Aıtalyq, buǵan deıin biryńǵaı syra jáne kvas óndirýmen aınalysyp kelgen “Nurjanar” JShS búginde shólmekke quıylǵan sý óndirýge de laıyqty qadam jasady. Al Azııa damý banki jobasyna qatysýshy “Jelaev nan ónimderi kombınaty” AQ turmysy tómen otbasyndaǵy analar men balalardyń tamaqtaný tártibin jaqsartý jóninde naqty is-sharalar belgiledi. Kombınat ujymy usynǵan joǵary sortty bıdaı unynan ázirlengen ónim arnaýly nárli-mıneraldy qosymshalarmen baıytylǵan.
Oraldaǵy “SV plıýs” dep atalatyn taǵy bir kásiporyn Qazaqstanda balamasy joq uzyndyǵy 18 metr tóbe jabatyn plıtalar shyǵarady. Olar óz óndiristerin ulǵaıtý men jańǵyrtý arqyly sońǵy kezde buǵan qosymsha irili-usaqty kóshe qurylysy materıaldaryn óndirýdi de jolǵa qoıdy.
“Qazaqstannyń úzdik taýary” aımaqtyq kórme-baıqaýyna Indýstrııa jáne jańa tehnologııalar mınıstrligine qarasty komıtetter basshylarynyń arnaıy kelip qatysýy baıqaý júgi salmaqty bolǵanynyń bir belgisi ispettes. Atalǵan mınıstrlikke qarasty ónerkásip komıtetiniń tóraǵasy Amangeldi Taspıhov bitken is pen ıgi shara jóninde óz oıyn tómendegishe tujyrymdady.
Baıqaýǵa qatysqan kásiporyndardyń bárine sapa menedjmenti júıesi engizilgen. Mundaı baǵyttaǵy baıqaýlar shaǵyn jáne orta bıznestiń damýyna dańǵyl jol ashady. Eń bastysy, otandyq ónimderdiń básekege qabilettiligi men eksportqa beıimdilik deńgeıin bıiktete alady. Respýblıka deńgeıinde bıyl besinshi jyl qatarynan osy tektes aımaqtyq kórme-baıqaýlar ótkizilip keledi. Mundaǵy basty maqsat Prezıdenttiń “Altyn sapa” syılyǵyna laıyqty eń úzdik taýar óndirýshilerdi aldyn-ala irikteý bolyp tabylady. Iаǵnı aımaqtyq baıqaýdyń jeńimpazdary atalǵan prezıdenttik “Altyn sapa” syılyǵyn jeńip alý úshin Astanada ótkiziletin respýblıkalyq baıqaýǵa qatysatyn bolady.
Komıtet basshysynyń oı-pikirinen taǵy bir túıgenimiz 2007 jylǵa deıin “Altyn sapa” jeńimpazdaryna salyqtyq jeńildikter usynylyp kelipti. Búgingi jańa ındýstrııalandyrý baǵdarlamasy belgilenip otyrǵan jaýapty kezeńde Indýstrııa jáne jańa tehnologııalar mınıstrliginiń tehnıkalyq retteý jáne metrologııa komıteti “Altyn sapa” jeńimpazdary úshin belgilengen osyndaı salyqtyq jeńildikterdi qaıta jańǵyrtý jóninde usynystar túsirip otyr eken.
Búginde Keden odaǵy sheńberindegi yntymaqtastyqty odan ári damytý mańyzdy ról atqarmaq. Ásirese bul iste Reseı jáne Belarýs memleketterindegi taýar óndirýshilermen ózara is-qımyldy jandandyrýdyń orny bólek.
Osyndaı ıgi is áldeqashan bastalyp ta ketkeni ári qazir onyń alǵashqy nátıjelerin de kózben kórip, qolmen ustaýǵa bolatyny qandaı ǵanıbet. Aıtalyq, Oralda ótkizilgen “Qazaq-stannyń úzdik taýary” baıqaý-konkýrsyna Qazaqstandaǵy “Oralagroremmash” AQ jáne “Mınsk avtomobıl zaýyty” AAQ birlesip shyǵarǵan sý shashatyn jáne qoqys jınaıtyn máshıneler usynyldy.
Temir QUSAIYN, Oral.
***
Otandyq taýarlar shyǵarýdy ulǵaıtyp, básekege qabilettilikti arttyra túsýdi maqsat etken konkýrs-kórmege otyzdan astam kásiporyn jáne belgili kásipkerler qatysty. Konkýrsta jeńimpaz atanyp, respýblıkalyq “Qazaqstannyń úzdik taýarlary-2010”, konkýrs-kórmesine, sondaı-aq QR Prezıdentiniń “Altyn sapa” syılyǵyn alý konkýrsyna qatysýǵa joldama alǵandar arasynda “Kaspıı aımaqtyq máshıne jasaý zaýyty” JShS, “Aqtaý sút”, “Volna” kondıter fabrıkasy, “Janarys” jaýapkershiligi shekteýli seriktestigi “Jamal-aı” kásiporny, “Kaspıan end KET-Rıng Servıses” kompanııasy, jeke kásipker ulttyq kıimder tigýimen belgili M.Tasmuhanbetova basqaratyn ujym bar. Sondaı-aq konkýrs-kórme qortyndysymen birneshe isker azamat “Jyldyń ozat kásipkerleri” atanyp, marapatqa ıe boldy.
Jolaman BOShALAQ.
***
Jambyl oblysynda “Qazaqstannyń úzdik taýary” degen atpen aımaqtyq kórme-konkýrs bolyp ótti. Bul is-sharaǵa oblys ákimi Qanat Bozymbaev, Indýstrııa jáne jańa tehnologııalar mınıstrliginiń, “Nur Otan” HDP oblystyq fılıalynyń jáne “Atameken” odaǵy” QUEP ókilderi qatysty.
“Qazaqstannyń úzdik taýary” kórme-konkýrsynyń maqsaty el rynogyn joǵary sapaly jáne basekege qabiletti ónimdermen tolyq qamtamasyz etý, sapa ıdeıasyn kópshilik sanasyna sińirý, otandyq ónimderdiń suranysyn arttyrýǵa baǵyttalǵan kásiporyndar men uıymdardyń qyzmetin jandandyrý bolyp tabylady.
Kórme-konkýrsqa oblystaǵy kásiporyndar jáne jeke kásipkerler kóptep qatysyp, qazylar alqasynyń sheshimimen “О́ndiristik mándegi úzdik taýarlar” nomınasııasy boıynsha birinshi oryndy “Qazfosfat” JShS, ekin-shi oryndy “Shyǵys bas-qarmasy” JShS, úshinshi oryndy “Taraz metallýrgııa zaýyty” JShS ıe-lendi. Al “Turǵyndarǵa arnalǵan taýarlar” nomınasııasy boıynsha birinshi, ekinshi jáne úshinshi oryndardy tıisinshe “Amangeldi gaz” JShS, “Aıvengo” JShS jáne “Aınalaıyn” qoǵamdyq birlestigi bólisti. “Úzdik azyq-túlik taýarlary” nomınasııasy boıynsha “Merki irimshik zaýyty” JShS úzdik dep tanylsa, “Aq nıet” ShQ ekinshi jáne “Tamaq” JShS úshinshi oryndy qanaǵat tutty.
Sóıtip úzdik taýarlar básekesiniń jeńimpazdary men júldegerleri oblys ákiminiń arnaıy dıplomymen, aqshalaı syılyǵymen marapattalyp, “Qazaqstannyń úzdik taýary-2010” respýblıkalyq kórme-konkýrsyna joldama aldy.
Konkýrs qorytyndysy oblys kásiporyndarynyń ónimi men qyzmetiniń sapasyn arttyrýda aldaǵy ýaqytta aıtarlyqtaı nátıjelerge qol jetýge bolatynyn baıqatty. Endi oblystyń eń úzdik degen kásiporyndary óz ónimderin Astana qalasynda ótetin “Altyn sapa” básekesine aparyp, baq synaıtyn bolady.
Kósemáli SÁTTIBAIULY, Jambyl oblysy.
Ortalyq memlekettik organdardyń ınternet-saıttary
Qazaqstan Respýblıkasynyń Úkimeti www.government.kz Ishki ister mınıstrligi www.mvd.kz Qorǵanys mınıstrligi www.mod.kz Qorshaǵan ortany qorǵaý mınıstrligi www.eco.gov.kz Bilim jáne ǵylym mınıstrligi www.edu.gov.kz Syrtqy ister mınıstrligi www.mfa.kz Densaýlyq saqtaý mınıstrligi www.mz.gov.kz Kólik jáne kommýnıkasııa mınıstrligi www.mtk.gov.kz Eńbek jáne halyqty áleýmettik qorǵaý mınıstrligi www.enbek.gov.kz Qarjy mınıstrligi www.minfin.kz Ekonomıka jáne bıýdjettik josparlaý mınıstrligi www.minplan.kz Ádilet mınıstrligi www.minjust.kz Tótenshe jaǵdaılar mınıstrligi www.emer.kz Mádenıet mınıstrligi www.sana.gov.kz Baılanys jáne aqparat mınıstrligi www.bam.gov.kz Aýyl sharýashylyǵy mınıstrligi www.minagri.kz Ekonomıkalyq damý jáne www.minplan.kz saýda mınıstrligi - Týrızm jáne sport mınıstrligi www.mts.gov.kz Munaı jáne gaz mınıstrligi www.memr.gov.kz Indýstrııa jáne jańa tehnologııalar mınıstrligi www.mit.kz Statıstıka agenttigi www.stat.kz
