Tabys salyǵynyń kólemi jalaqy mólsherine baılanysty bolady

Qazaqstanda 2011 jyly jeke tabys salyǵy boıynsha (JTS) progressıvti shkala engizý qolǵa alynady. “Qazaqstan jańalyqtary” aqparattyq agenttiginiń habarlaýynsha, respýblıkanyń Qarjy mınıstri Bolat Jámishev osylaı dep málimdegen. “Kelesi 2011 jyly jeke tabys salyǵy boıynsha Qazaqstanda progressıvti shkala engiziledi dep kútilip otyr” dedi ol Úkimet otyrysynan keıin jýrnalıster­men kezdesýinde. Ol sonymen birge qazirgi tańda eli­miz­de jeke tabys salyǵy kólbeý shkala boıynsha aly­nyp, salyq mólsheri 10 paıyzdy qurap otyrǵanyn aıtty. “Endi jańa mólsherleme boıynsha eseptelip shyǵarylatyn jalaqynyń mólsherine qaraı ol 10, 15 jáne 20 paıyzdy quraýy múmkin. Mysaly, qyzmetkerdiń jalaqy stavkasy 250 myń teńgeden joǵary assa, odan ustalatyn JTS 15 paıyzǵa teńesedi, al 500 myń teńgeden kóp bolsa, 20 paıyzdyq salyq ustalady”, – dedi mınıstr sózinde. “Egemen-aqparat”. Prezıdenttiń qarjy júıesin turaqtandyrý týraly  tapsyrmalary oryndaldy QazAqparat agenttiginiń habarlaýynsha, keshe selektorlyq keńeste Premer-Mınıstr Kárim Másimov osylaı dep málimdegen. Memleket basshysy Nursultan Nazarbaevtyń Qazaqstannyń qarjy júıesin turaqtandyrý týraly Úkimetke bergen tapsyrmalarynyń barlyǵy tolyq júzege asyryldy. “Jaǵdaıdy paıdalana otyryp mynany aıtqym keledi: Keshe BTA banktiń qaryzyn qaıta qurylymdaý aıaqtaldy, ol týraly Memleket basshysy da resmı túrde málimdedi, banktiń  baspasóz  baıanynda da aıtyldy. Memleket basshysynyń qıyn da kúrdeli 2009 jyldyń basynda qoıǵan elimizdiń bank júıesin  turaqtandyrý jónindegi mindetteriniń barlyǵy oryndaldy, dedi Úkimet basshysy. Osy oraıda Premer-Mınıstr Qazaqstannyń qarjy júıesin turaqtandyrýda atqarǵan jumystary úshin Qarjy qadaǵalaý agenttigine, Ulttyq bankke, “Samuryq-Qazyna” qoryna, sondaı-aq elimizdegi júıe quraýshy bankterdiń menedjmentterine rıza­shy­lyǵyn bildirdi. “О́tken qıyn jyldarda, kúrdeli kezeń­derde biz synnan súrinbeı óttik. Bizder qıyn da kúrdeli bir jarym jyldyń ishinde is júzinde apta saıyn kúrdeli sheshimderdi qabyldadyq. Ortaq jaýap­kershilikti sezindik. Sonyń nátıjesinde qarjy júıe­sindegi jaǵdaı turaqtandyryldy”, dedi K. Másimov. Úkimet basshysynyń aıtýynsha, bul rette bank júıesine qatysty elimizde jınaqtalǵan tájirıbelerdi eskere otyryp, bul baǵyttaǵy keleshektegi is-qımyldardy naqty jolǵa qoıý kerek. Bul elimizdiń ekonomıkasyn, túptep kelgende halqymyzdy qorǵaý úshin, olardyń básekege qabiletti bolýy úshin qajet. Aıta ketý kerek, osy rette Úkimet búgin bank qyzmetiniń jáne qarjylyq uıymdar táýekelderdiń tómendetý bóligindegi máseleler boıynsha birqatar zańnamalyq aktilerge ózgertýler men tolyqtyrýlar engizý týraly zań jobasyn maquldady.