Turaqty damý túpqazyǵy

“Nur Otan” HDP Ortalyq ap­paratynda “Qazaqstan Respýb­lıka­synyń Konstıtýsııasy – mem­leket pen qoǵamnyń turaqty damýynyń negizi” degen atpen ǵyly­mı-tájirıbelik konferensııa ótti. Atalǵan sharanyń uıymdas­ty­rýshysy – “Nur Otan” HDP Parlamentarızm ınstıtýty. Kon­ferensııa jumysyna Parlament depýtattary, elimizdiń Konstıtý­sııalyq Keńesiniń, Joǵarǵy So­tynyń, Ortalyq saılaý komıs­sııa­synyń músheleri,  Prezıdent Ákimshiliginiń, Úkimettiń, Bas pro­kýratýranyń, Qazaqstan halqy Assambleıasynyń, sondaı-aq, túrli halyqaralyq jáne úkimettik emes uıymdardyń ókilderi, ǵalymdar men sarapshylar qa­tysty. Konferensııa kezinde oǵan qatysýshylar Ata Zańnyń 15 jyl­dyq kezeńdegi damýyn, onyń demo­kratııalyq ınstıtýttar men eko­no­mıkalyq jáne áleýmettik re­for­malardyń negizin qalaýdaǵy ornyn jan-jaqty saralap, óz oı-paıymdaryn ortaǵa saldy. Máse­len, partııa hatshysy Erlan Qa­rın óziniń sózinde egemen el Kons­tıtýsııasynyń tarıhy 15 jyldyq kezeńdi kórsetkenimen, onyń ta­myry tym áride jatqanyn, sonyń ishinde Alash partııasy jarǵylary  men qazirgi Konstıtýsııanyń uqsas tustary bar ekendigin atap ótti. Onyń aıtýynsha, 15 jyldyq be­lesti baǵyndyrǵan el Konstı­tý­sııasynyń birneshe sıpatyn atap ótýge bolady. “Ol áleýmettik sı­pat. Iаǵnı, áleýmettik sıpat bizdiń Ata Zańymyzdyń basty erekshe­ligin kórsetedi. Máselen, Qazaq­stan Konstıtýsııasynyń áleýmet­tik quqyqtarǵa qatysty kóptegen qaǵıdalary Eýropa elderiniń kons­tıtýsııalarymen salystyr­ǵanda naqtyraq kórsetilgen deýge bolady”, – dedi “Nur Otan” HDP hatshysy. Al Parlament Senaty­nyń depýtaty Anatolıı Bashmakov óz kezeginde Konstıtýsııa, pre­zıdenttik ınstıtýt jáne parla­men­tarızmniń Qazaqstan qoǵamy­nyń saıası úderisiniń negizgi qoz­ǵaýshysy ekenin atap ótti. Konferensııada, sondaı-aq, Negizgi Zańnyń qabyldanǵan kúni­nen bastap damýy, elimizdegi kons­tıtýsııalyq zańnamalardyń búgini men keleshegi, qazaqstandyq qo­ǵam­nyń modernızasııalaýyna sáı­kes, ondaǵy zańnamalardy zaman talabyna saı jetildirý, demokra­tııalyq úderisterdi damytý, qazaq­standyq parlamentarızm men azamattyq qoǵam ınstıtýttaryn qurý, eldegi partııalyq-saıası júıe­lerdi jetildirý sekildi birqa­tar máseleler de áńgime ózegine aınaldy. Konferensııa sońynda oǵan qatysýshylar Qazaqstan qo­ǵamy­nyń odan ári demokratııa­lanýy men údemeli damýyn kóz­deıtin birqatar usynymdar qabyldady. Láıla EDILQYZY.