Yntymaqtastyqty tereńdetýge múddelilik

Keshe Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Qytaı Kommýnıstik partııasy Ortalyq komıteti Saıası bıýrosynyń múshesi, Ortalyq komıtettiń hatshysy ári nasıhat bóliminiń jetekshisi Lıý Iýnshan bastaǵan Qytaı Halyq Respýblıkasynyń delegasııasyn qabyldady. Kezdesý barysynda taraptar Astana men Beıjiń arasyndaǵy ekijaqty yqpaldastyqtyń bary­syn talqylady. Atap aıtqanda, saý­da-ekonomıkalyq jáne shekara­lyq aımaqtaǵy yntymaqtastyqtar men halyqaralyq uıymdar sheń­be­rin­degi ózara is-qımyldar jóninde pikir almasyldy. Sonyń ishinde Qyrǵyz Respýblıkasyndaǵy jaǵ­daı týraly áńgimelesken taraptar onyń áli de alańdatýshylyq jaǵ­daı­da ekendigin atap ótti. Osy oraı­da Qanat Saýdabaev Qyrǵyz­stan­daǵy turaqtylyqty, ekonomı­ka­lyq damý men qaýipsizdikti qam­ta­masyz etý jolyndaǵy kómekterdi jan-jaqty birlestirý qajettigin atap ótti. Munyń ózi jalpy aı­maq­taǵy tynyshtyqtyń saqta­lýyn­da mańyzdy ról atqarady. Astana men Beıjiń arasyndaǵy yntymaqtastyqty damytýdyń alýan qyrlary týraly aıtqanda, taraptar partııaaralyq jáne parlamentaralyq áriptestikterdiń mańyzdylyǵyn atap ótti. О́ziniń sózinde Q.Saýdabaev Qazaqstan-Qytaı strategııalyq yntymaqtastyǵynyń joǵary deńgeıde ekenin atap ótip, onyń Astanada maýsym aıynda Prezı­dent Nursultan Nazarbaev pen QHR Tóraǵasy Hý Szıntao ara­syn­da bolǵan kelissózder bary­synda kezekti ret nyǵaıa túskenin aýyzǵa aldy. Taraptar saýda-eko­nomıkalyq yntymaqtastyqtyń is júzinde damýy – asa iri birlesken ınfraqurylymdyq jobalardy iske asyrý barysynan aıqyn kórine­tinin atady. Osyǵan oraı Q.Saý­dabaev osy saladaǵy yntymaq­tas­tyqty jańa sapaly deńgeıge, ıaǵnı ınnovasııalyq ózara is-qımyl ba­ǵytynda órbitýdiń mańyzdylyǵyn eske saldy. Sonymen birge, ol qo­naqty elimizdiń 2010-2014 jyl­dar­ǵa arnalǵan Údemeli ındýs­trııa­lyq-ınnovasııalyq damý baǵdar­la­masymen tanystyrdy. Kelissóz barysynda taraptar Qa­zaqstan men QHR arasyndaǵy shıki­zattyq emes sektorlarda yn­ty­maqtasý baǵdarlamasyna arnal­ǵan is-sharalar josparyn ýaqtyly júzege asyrýdyń qajettiligine de nazar aýdardy. Jaqsybaı SAMRAT.