Jas eńbekkerler sleti

4 qyrkúıekte Sátbaev qalasynda “Nur Otan” partııasy men “Qazaqmys korporasııasy” JShS birlese uıymdastyrǵan  jas eńbekkerlerdiń alǵashqy sleti ótti. Oǵan Qazaqstannyń túkpir-túk­pi­rinen 350 delegat jınaldy. Sharany uıymdas­tyrý­shylar jumys tá­jirıbesi bar, joǵary kásibı maman kez kelgen óndiriske qajet, kelesheginen úmit kúttiretin jalyndy jastarsyz kásip­oryn­nyń bolashaǵy joq dep sanaıdy. Forým jumysyn ashqan “Nur Otan” HDP Tóraǵa­sy­nyń birinshi orynbasary Nur­lan Nyǵmatýlın: “Jas eńbek­shilerdi tárbıeleý – Elba­sy­myz, partııamyzdyń Tór­aǵasy Nursultan Nazarbaevtyń iri kompanııa basshylaryna júk­te­gen negizgi mindetteriniń biri. Búgingi kúni “Qazaqmys” kor­po­ra­sııa­syn­daǵy partııamyz­dyń bas­taý­ysh uıy­my osy tap­syrmany oryn­daý­ǵa belsene kirisip qana qoı­maı, jas ma­man­darǵa arnaıy baǵdar­la­ma ázir­lep otyr. Onda jastardyń bilim alýy, maman­dy­ǵyn joǵa­rylatýy, eń bastysy, áleý­met­tik jaǵdaıy qarasty­ryl­ǵan”, – dedi. Jastarmen jumys tıimdi­li­gin arttyrý maqsatynda aǵym­daǵy jyly jas mamandar tý­raly ere­je men jas mamandar keńesi iske qosylyp, qazirdiń ózinde aı­maq­tarda jáne iri kompanııalarda qu­ryl­dy. Mekeme birinshi kezekte olardy oqytý máselesine nazar aýdaryp otyr. Korporasııa basshysy jas eńbekkerlerdi jan-jaqty qol­daýǵa, baspanamen qamtamasyz etý má­se­lesin sheshýge ýáde ber­di. Forým so­ńynda sletke qatysý­shy­lar elimiz­diń ınno­va­sııalyq damýy boıynsha Ult Kóshbas­shy­sy Nursultan Na­zar­baevtyń bas­tamasyn qol­da­ǵan “Korporasııa­nyń jas eń­bekshileri gúldengen Qazaqstan úshin!” atty Qazaqstan jasta­ry­na arnalǵan úndeý qabyldady. “Egemen-aqparat”.