Ishki saıasattyń jańa arnalary

Býrabaıdaǵy “Samal” demalys úıinde elimizdegi ishki saıasat sala­syndaǵy memlekettik organdardyń jańa kezeńdegi jumysyn jetildirý máselelerin talqylaǵan semınar-tre­nıng ótkizildi. Ony Mádenıet mı­nıstrligi, Memlekettik qyzmet isteri jónindegi agenttigi men Aq­mola oblystyq ákimdigi uıymdas­tyrdy. Mańyzdy is-sharany Qazaqstan Respýblıkasy Prezıdenti Ákimshi­li­gi Ishki saıasat bóliminiń sektor meń­gerýshisi Aıjan Shaınazarova ki­rispe sózben ashyp, oǵan shaqy­ryl­ǵan Astana men Almaty qala­larynyń jáne oblystar ákimdigi ishki saıasat basqarmalarynyń bas­tyq­taryna, aýdan ákimderi oryn­ba­sarlaryna, belgili ǵalymdar men BAQ ókilderine belsendi jumys tiledi. Mádenıet mınıstriniń orynba­sary Ǵazız Telebaev óz sózinde táýelsiz memleketimiz óz damýynyń eleýli kezeńine aıaq basqanyn atap kórsetti. Qazaqstannyń EQYU-ǵa tóraǵalyǵy tabysty jalǵasyn tabý­da, aldaǵy jeltoqsan aıynda ótetin Astana Sammıtine álem jurtshy­lyǵy aıryqsha yqylas tanytyp otyr. Kelesi jyly erekshe qýanysh­ty beles – Táýelsizdigimizdiń 20 jyl­­dy­ǵy merekelenbek. Osyǵan oraı memleketimizdiń mańyzdy tu­jyrym­damasy jasaldy. Másele is-sha­ralardyń sanynda emes, sapa­synda ekendigi daýsyz. Munda ishki saıasat salasy qyzmetkerlerine júk­teler jaýapkershilik salmaqty. Vıse-mınıstr sondaı-aq, “Mem­lekettik áleýmettik tapsyrys týra­ly” Zań qabyldanýymen úkimettik emes uıymdar qyzmeti jańa baǵdar­la­malaryn júzege asyrýǵa mol múm­kindik alǵanyn, munda mınıstrlik búkil tapsyrystardyń 70 paıyzyn qamtıtyn eń iri tapsyrys berýshi bolyp otyrǵanyn atap kórsetti. Plenarlyq májiliste Aqmola oblysy ákiminiń orynbasary Ashat Qaınarbekov, Mádenıet mınıstrli­gi­niń qoǵamdyq-saıası jumystar departamentiniń dırektory Baný Nur­ǵalıeva, Aqmola oblystyq ishki saıasat basqarmasynyń bastyǵy Gúl­ja­nar Shókeeva, osy oblystaǵy Eń­bek­shilder aýdany ákiminiń oryn­ba­sary Qabıbolla Shaıahmetov sóz sóıledi. Sheberlik-synyptar men tre­nıng­­terde Astana, Almaty, Sankt-Pe­terbýrg qalalarynan kelgen belgili ǵalymdar “Azamattyq konferen­sııa­lardyń” negizgi amaldary”, “Aza­mat­tarmen jumys jasaýdaǵy áleýmettik-psıhologııalyq jumys erekshelik­teri”, “Azamattar men úkimettik emes uıymdardyń ózara konstrýktıvti baılanysyndaǵy aqparatty alý jáne óndirý tehnologııasy” degen taqy­ryptarda baıandama jasady. Se­mı­narǵa qatysýshylar Elbasy N. Na­zarbaevtyń Qazaqstan halqyna Jol­daýynyń basymdyqtaryn tú­sin­dirý jumystaryn, memlekettik or­gan­dardyń azamattyq qoǵam men ishki saıasat salasyndaǵy áleýmettik máse­lelerdi sheshýdegi rólin, mem­lekettik organdardyń atqaryp jat­qan isteri jóninde qoǵamdy aqparat­tandy­rýdaǵy jańa tehnologııalar men PR-tehnologııalardy qoldaný­dyń ádis-tásilderin keńinen talqylady. Baqbergen AMALBEK. Aqmola oblysy.