Júıeli jumys tabysqa bastaıdy

Jastyqtyń julynqurty

Ishki ister mınıstrligi tarapy­nan múddeli memlekettik jáne jergilikti aýmaqtyq organdarmen birlese otyryp, nashaqorlyqqa já­ne esirtki bıznesine qarsy stra­tegııanyń ekinshi kezeńin – 2009-2011 jyldarǵa arnalǵan baǵdarla­many iske asyrý boıynsha eleýli ju­mys­tar atqaryldy. Iаǵnı, ústi­miz­degi jyldyń birinshi jarty­jyl­dyǵynda baǵdarlamanyń 55 is-sharasy iske asyrylyp, kózdelgen kestelik júıeniń oryndalýy qamtamasyz etildi. Mınıstrliktiń esirtkige qarsy kúres komıteti men onyń aýmaq­tyq bólinisteri elimizdegi bilim berý, densaýlyq saqtaý mekeme­leri­niń, úkimettik emes uıymdar­dyń, “mektep ınspektorlarynyń” ózara is-qımyl birligi negizinde bala­lar men jastarǵa arnalǵan 5200 ártúrli aldyn alý is-shara­laryn ótkizdi. Atap aıtqanda, 295 aksııa, 3419 dáris pen kezdesý, 299 dóńgelek ústel májilisi ótip, 380 sport jarystary men týrnırlerge 246,5 myń adam qamtyldy. Astana, Almaty qalalarynda, barlyq oblys ortalyqtarynda komıtettiń bastamasy boıynsha Ha­lyq­aralyq nashaqorlyqqa qar­sy kúres kúnine arnalǵan aksııa­lar uıymdastyryldy. Osy aksııa­nyń sheńberinde, komıtet bastama­symen mádenı-buqaralyq jáne sporttyq is-sharalar uıymdas­ty­ry­lyp, ótkizildi. Bul is-sharalar­dyń barlyǵy da halyqtyń esirt­ki­g­e qarsy kóńil aýanyn qalyptas­tyrýǵa baǵyttaldy. Aǵymdaǵy jyly Pavlodar, Astana, Almaty qalalarynyń 161 orta bilim berý oqý ornynda oqý­shylardyń, mamandardyń qaty­sýy­men esirtkige qarsy kom­pıý­ter­lik baǵdarlamany synaý jáne engizý uıymdastyryldy. Osy sha­ra bary­synda psıhologtar, áleý­mettik pe­da­gogtar úshin “Bala­lar men jasós­pirimderdiń psıhı­kalyq belsendi zattarǵa táýeldiligi táýe­kel­deriniń qa­lyptasýy men da­mýyn erte anyq­­taý tásilderi” ta­qy­ryby bo­ıyn­sha úsh kúndik se­mı­nar-tre­nıngter ótkizildi. Syn­nan súrin­begen 161 mamanǵa ar­na­ıy sertı­fı­kattar tapsyryl­dy. Son­daı-aq, Qaraǵandy, Pav­lodar jáne Taraz qala­larynyń mektep­terinde kom­pıýterlik baǵ­darlama­ny tıimdi paıdalanýdyń mo­nıto­rıng júıesi ázirlenip, jumys aý­qy­myn aldyn ala baǵalaý ótkizildi. Jyl ishinde jalpy bilim bere­tin 5020 mektepte esirtki beketteri, 211 senim telefony, 162 balalar qoǵamdyq qabyldaýlary qurylyp, olardyń kúshimen oqýshylarǵa psıhologııalyq kómek kórsetilýde. Statıstıkalyq derekter bo­ıyn­sha 51 366 esirtki qural­daryn, psıhotroptyq jáne ýytty zattar­dy tutynýshy 51366 adam tirkel­gen. Kórsetkish byltyrǵy jylǵy­dan 8,6 paıyzǵa tómendegen. Esep­te turǵan áıelder men káme­let­ke tolmaǵandar qatarynyń tu­raqty kemý úrdisi saqtalýda. Son­­daı-aq, sońǵy jyldary “na­sha­qor” jáne “ýytqumar” dıag­nozy­men esepte turǵan kámeletke tol­maǵandar sany­nyń qysqarýy baıqalýda. Mınıstrliktiń negizgi kúshteri esirtkini ótkizý faktileriniń jolyn kesýge, esirtki trafıginiń arna­laryn jabýǵa jáne esirtkiniń iri partııalaryn joıýǵa jumyl­dyryl­ǵan. Jyldyń alty aıynda qu­qyq qorǵaý organdary 5079 esirt­­ki qylmysyn anyqtady, onyń 4817-si ishki ister organ­dary­nyń úle­sinde. Mınıstrliktiń esirtkige qarsy kúres bólimderi 3 uıym­das­qan qylmystyq topty anyqta­dy, olardyń 10-ny esirtki qylmysyn jasaǵany dáleldenip otyr. Oǵan qosa, el aýmaǵyna esirt­ki kontra­ban­dasyna baıla­nys­ty 52 qylmys­tyq áreket tir­kel­gen. Ishki ister organdarynyń esirtki bıznesine qarsy kúres bó­lim­deri ótken jyly esirtki tra­fıginiń 62 arnasyn joı­dy, nátı­jesinde 175 kıloǵa jýyq esirtki, onyń ishinde 9,5 kılo geroın alyn­dy. Esirtki trafıgi ar­na­lary­nyń jolyn kesý maq­satyn­da “ba­qy­laýdaǵy jetkizilim ádisi boıyn­sha” 11 operasııa, onyń ishinde 3-i reseılik áriptestermen bir­lesip ótkizildi. Osynyń nátı­je­sin­de 155 kılo esirtki joıyldy. Esirtki qylmysyn jasaǵany úshin 3331 adam ustalǵany alań­datady. Soǵan qaramastan, jyl ishin­de esirtki qylmysyna qatys­ty áıelder sanynyń 10 paıyzǵa, kámeletke tolmaǵandar sanynyń 76,2 paıyzǵa azaıýyna baılanysty oń úrdis saqtaldy. Esirtki bıznesine qarsy kúres salasynda halyqaralyq ynty­maq­tastyq baılanystar keńeıtilgenin atap ótý qajet. Aǵymdaǵy jylǵy 17 mamyrda esirtki quraldarynyń zańsyz aınalymyna jáne olardyń teris paıdalanýyna qarsy kúreste yntymaqtastyq týraly Qazaqstan Respýblıkasy Úkimeti jáne Aýǵan­stan Islam Respýblıkasy Úkimeti­niń arasynda kelisimge qol qoıyl­dy. Shanhaı yntymaqtastyq uıy­my aýqymynda Aýǵanstan boıyn­sha arnaıy konferensııa­larǵa belsendi qatysý júzege asty. Bul oraıda ShYU-ǵa múshe memleket­ter men Aýǵanstannyń terrorızm­ge, esirtkiniń zańsyz aınalymy men uıymdasqan qylmysqa qarsy kúres problemalary boıynsha mańyzdy qujattar qabyldandy. Sondaı-aq, Ujymdyq qaýipsizdik shart týraly uıymǵa múshe mem­le­ket­terdiń jedel-izdestirý qyzmeti salasyndaǵy yntymaqtastyq, aqparattar almasý jáne kadrlardy daıyndaý jónindegi úsh otyry­syna qatystyq. Onda kadrlardy daıarlaý jáne qaıta daıarlaý, Bir­les­ken derekter bankiniń jumy­syn jetildirý, jedel ózara is-áreketter yqpalyn arttyrýdy kózdeıtin is-sharalar belgilendi. Elimizde BUU-nyń Esirtki jáne esirtki qylmystary jónin­degi basqarmasymen birlesip, eldiń quqyq qorǵaý organdarynyń esirt­ki bıznesine qarsy kúres boıynsha qyzmetin jetildirýge, olardy ma­terıaldyq-tehnıkalyq jáne kadr­lyq áleýetin nyǵaıtýǵa baǵyttal­ǵan birqatar jobalar iske asyry­lý­da. Osy oraıda “Astana – esirt­ki­siz qala” óńirlik baǵdarlama­sy­nyń tabysty atqarylyp jat­qanyna nazar salǵymyz keledi. Esirtkige qarsy qoǵamdyq ım­mýnıtetti qalyptastyrý maq­satyn­da BAQ-pen tyǵyz baılanys orna­tyldy. Medıa-jospar boıyn­sha 26 baspasóz máslıhaty men brı­fıng ótkizildi. Buqaralyq aq­parat qural­darynda 426 materıal, onyń ishinde 145 telesıýjet ja­rııa­l­andy. Jalpy, bizdiń kúndelikti qyz­metimizde Qazaqstan Respýblıka­syn­da nashaqorlyqqa jáne esirtki bıznesine qarsy kúrestiń 2006-2014 jyldarǵa arnalǵan strate­gııasyn, “Astana – esirtkisiz qala” baǵdarlamasyn iske asyrý jó­nin­degi is-sharalar basym baǵyttar bolyp qala bermek. Marat BORANBAEV, Ishki ister mınıstrliginiń basqarma bastyǵy, polısııa polkovnıgi.