Nan baǵasy qymbattamaıdy

Ońtústikke Aýyl sharýashylyǵy mınıstri A.Kúrish­baev bastaǵan delegasııa keldi. Astyq atasy – nan. Bıylǵy qýańshylyqty paıdalanyp paıda tabý úshin nan ónimderi baǵasyn kóterip jiberýge bolmaıdy. Al, baǵany yryqtan shyǵarmaýǵa múmkindikter bar. A.Kúrishbaev Elbasynyń tap­syr­masyna sáıkes “QazAgro” AQ, “Azyq-túlik kelisim-shart korpo­ra­sııa­sy” AQ qatysýymen astyq ósir­meıtin jáne osy daqyl jetki­zilmeıtin aımaqtardy qamtamasyz etý jóninde memorandýmǵa qol qoıylatyndyǵyn aıtty. Ákimdikter astyqty maqsatty paıdalanýdy qamta­ma­syz etip, nan ónimderiniń baǵasyna baqylaý jasap otyrýy kerek. Sonda ǵana ishki rynoktaǵy astyqtyń baǵasyna táýeldilikti yryqtandyryp, baǵany turaqty ustaı alamyz. Aımaqtardy qajetti ónimdermen qamta­ma­syz etkennen keıin astyq óndirýshiler óz ónimderin shetelderge álemdik rynok baǵasy boıynsha satýǵa shyǵara alady. “QazAgro” AQ basqarma tóraǵa­sy Asyljan Ma­myt­bekov “Azyq-túlik kelisim-shart korporasııasy” AQ qorynan operatorlardyń belgilengen baǵa mólshe­rinde astyq ala alatynyn aıtty. Mınıstrdiń aıtýy boıynsha, Qazaqstannyń osy ónimderge qajettiligi 3,5 mln. tonna. Kor­po­rasııada ót­ken jyldardan qalǵan 1.5 mln. tonna qor bar. Endigi min­det, tonnasyn 180 dollarǵa ba­ǵa­lap, astyq óndirýshi óz dıqanda­rymyzdan 2 mln. tonna dándi daqyl satyp alynsa, ishki rynokty tolyq qamtamasyz etýge bolady. Al Ońtústiktiń jyldyq qajeti 439 myń tonna. Iаǵnı, aı saıyn 34 myń tonna astyq kestege sáıkes jetkizilýi kerek. Osy oraıda “Amangeldi un” korporasııasynyń pre­zı­denti Nurlan Quralov “QazAgro” AQ basshysyna astyqty ekinshi dáre­jeli bank kepildigi arqyly satyp alýdy usyndy. О́ıtkeni, sharýa­lar­dyń qolynda kóterme baǵamen sa­typ alatyndaı qarjy joq. “Qaz­Agro” basshysy eki jaqqa da tıimdi usynysty qoldady. Oblys basshysy Asqar Myr­zah­metov oblys dıqandary óndirgen bıdaıdyń da ishki qajettilikti óteýge jumsalatynyn aıtty. Jıyn sońynda taraptar memo­randýmǵa qol qoıdy. Bıylǵy kúz ońtústiktik dıqan­dar  shamamen 266,2 myń tonna as­tyq jınap aldy. Gektar túsimi 15 sent­nerden aınaldy. Bul ótken jylǵa qaraǵanda tómendeý bolǵa­ny­men basqa óńirlermen salystyr­ǵanda kóńil toǵaıtatyn mólsher. Búginde oblys dıqandary kúzgi as­tyq úshin jer aıdaýdy bastap ketti. Baqtııar TAIJAN. Ońtústik Qazaqstan oblysy.