Kúsh biriktirgennen kúter nátıje kóp

Amerıka-Qazaqstan energetı­ka­lyq áriptestigi aıasynda QR Indýstrııa jáne jańa tehnologııa­lar mınıstrligi men AQSh-tyń Energetıka mınıstrligi birlesip qaıtalama qýat kózderin damytý men qýat tıimdiligi kedergilerin eńserý jáne yntalandyrý boı­ynsha semınar ótkizdi. Eki kúnge sozylǵan basqo­sýǵa AQSh Ener­getıka mınıstrligi janyndaǵy Qaıtalama qýat kózderi ulttyq zerthanasynyń, Djordjııa shtaty tehnologııa ınstıtýty men Hudson Technologies kom­panııasynyń sarapshylary qatysty. Qazaqstan tara­pynan semınar jumysyn Úkimet,  ónerkásip kásip­oryndary men ózge de uıymdardyń ókilderi tyńdady. Basqosý barysynda AQSh tarapynyń tabystary, taza energetıkalyq tehnologııalar engizýde qandaı kedergilerge kezdeskeni jan-jaqty aıtyldy. Qaıtalama qýat kózderi máseleleri boıynsha pikir­talastarda atalǵan saladaǵy Qazaqstannyń áleýeti, osy baǵytta ilgeri jyljı otyryp, yqtımal keder­gi­ler­di qalaı eńserýge bolatyny, jel energııasyn paıdalaný isinde múmkindikti aıqyndaý úshin karta jasaýda taldamalardy qalaısha kádege asyrýǵa bolatyny týraly áńgime qozǵaldy. Qýat tıimdiligi máselelerimen aınalysatyn top qýat basqarý baǵdarlamalaryn júzege asyrý joldaryn oqyp, óndiristik qýat tıimdiligi standarttary boıynsha sho­lýlar ótkizdi. Eki taraptan qatysýshylar taza energııany damytý úshin strategııa jasaý qajettigin atap kórsetti. Amerıka Qurama Shtattary men Qazaqstan ener­getıka salasynda uzaq ýaqyttan beri yntymaqtasyp keledi. Ústimizdegi jyldyń 11 sáýirinde AQSh Prezı­denti Barak Obama men Qazaqstan Prezıdenti Nur­sul­tan Nazarbaev Vashıngtonda ótken ıadrolyq qaýipsizdik jónindegi sammıtte kezdesken bolatyn. Sol joly eki jaqty málimdeme qabyldanyp, onda ıadrolyq qaýip­siz­dik pen taratpaý, Ortalyq Azııadaǵy óńirlik qaýip­sizdikti kúsheıtý maqsatynda ekijaqty yntymaq­tas­tyqty arttyrý atap kórsetilgen edi. Onyń ishinde memleket bas­shylary Qazaqstan Respýblıkasy men Amerıka Qurama Shtattary arasyndaǵy 15 jyldyq tyǵyz yntymaqtastyq tájirıbesi ıadro­lyq qarýdy qol­daný qaterin qysqartý isinde tabys ákelgenine ek­pin túsirgen-tin. Sondaı-aq ıadrolyq energetıka sala­synda jáne qýattyń balamaly kózderi boıynsha yn­ty­maqtastyqty ny­ǵaıtýǵa nıettestik tanytqan bolatyn. “Egemen-aqparat”.