Densaýlyq saqtaýǵa – kemel kózqaras

8-9 qyrkúıekte Astanada “Ulttyq medısınalyq holdıng” AQ-tyń uıymdastyrýymen “Bolashaq gospıtali” I Halyqaralyq medısınalyq iskerlik forýmy bolyp ótti. Oǵan Premer-Mınıstrdiń orynbasary Erbol Orynbaev pen Densaýlyq saqtaý mınıstri Jaqsylyq Dosqalıev qatysty. Elbasy N.Á.Nazarbaevtyń aý­rýhanalyq basqarýdyń halyqara­lyq tájirıbesin alǵa tarta otyryp, elimizde “Bolashaq gospıtalin” qurý týraly tapsyrmasyn oryndaý osy forýmdy ótkizýdiń maqsaty bolyp tabylady. Forým ótkizýde Qazaq­stan­nyń biryńǵaı ulttyq densaý­lyq saqtaý júıesi jaǵdaıyndaǵy medı­sınalyq uıymdardy basqarý­dyń tıimdi túrlerin ári qaraı zer­deleý jáne engizý tájirıbesi eskerilgen. Forýmnyń negizgi maqsattary – densaýlyq saqtaýdaǵy menedjment­tiń álemdik jáne otandyq úrdisterin talqylaý úshin pikirtalas alańyn qurý, forýmǵa qatysýshylar ara­syn­da iskerlik seriktestik qarym-qa­tynastaryn damytý, otandyq me­dısına uıymdarynyń basshylaryna sheteldik áriptesteriniń basqarý­shy­lyq tájirıbesimen tanysý múm­kin­digin usyný bolyp tabylady. Son­daı-aq densaýlyq saqtaý uıymdaryn basqarý, saladaǵy memleket-jeke men­­shik áriptestigi, medısınalyq uı­ym­dardy akkredıtteýdiń ha­lyq­ara­lyq standarttary, pasıentke baǵ­dar­­lan­ǵan kútim, aqparattyq tehnolo­gııa­lardyń róli jáne saladaǵy basqa da ózekti máseleler engizilgen. Forýmnyń birinshi kúninde al­dyńǵy qatarly álemdik sarapshylar jáne densaýlyq saqtaýdy basqarý salasyndaǵy AQSh, Eýropa, Oń­tústik-Shyǵys Azııa, TMD elderiniń ha­lyqaralyq uıymdarynyń ókil­deri, sondaı-aq otandyq mamandar sóz sóılep, ekinshi kúni strategııalyq josparlaý, medısınalyq qyzmet­ter­diń sapasy, aqparattyq tehno­lo­gııalar, korporatıvtik basqarý, bıznes-úderisterdi ońtaılandyrý jáne qarjy menedjmenti seksııa­lary boıynsha aýrýhanalyq basqarý salasyndaǵy qazaqstandyq jáne sheteldik dáriskerlerdiń qatysýymen oqytý semınarlary ótkizildi. Forýmda mańyzdy spıkerler re­tinde Halyqaralyq birlesken komıs­sııasynyń (Join Comission Inter­na­tional) Eýropa aımaǵy boıynsha basqarýshy dırektory doktor Karlo Ramponı (Fransııa), professor, Oklahoma ýnıversıtetiniń Qoǵamdyq densaýlyq saqtaý mektebiniń ha­lyq­aralyq densaýlyq saqtaý f­a­kýl­tetiniń dekany, doktor Al-Asaf (AQSh), Taıaý Shyǵys jáne Afrıka aımaǵyndaǵy “Interneshnl-SOS”, “Occupational Health and Kazakhstan” kompanııasynyń medısınalyq dı­rektory doktor Bo Dııs (BAÁ) sııaqty densaýlyq saqtaý salasyn­daǵy bedeldi sarapshylar boldy. Ábdirahman QYDYRBEK. ASTANA.