Eldestirýdi eńselendire túsýge kelgen elshiler

Keshe Elbasy Nursultan Nazarbaev Aqordada Ázirbaıjan Res­pýblıkasy, Irak Respýblıkasy, Qytaı Halyq Respýblıkasy, Páks­tan Islam Respýblıkasy, Túrik Respýblıkasy jáne Ýkraına elde­ri­niń Qazaqstandaǵy Tótenshe jáne ókiletti elshileri Zakır Gashımov, Radjeh Saber Abbýd ál-Mýsaýı, Chjoý Lı, Mohammed Týfaıl, Lale Úlker jáne Oleg Demınnen Senim gramotalaryn qabyldady. Saltanatty jaǵdaıda Senim gramotalaryn qabyldaǵan soń Prezıdent Nursultan Nazarbaev olardyń aldynda qysqa sóz sóıledi. Elbasy aldymen dıplo­mat­tardy Qazaqstandaǵy qyzmet­te­riniń bastalýymen quttyqtap, ol kúnniń kúlli musylman qaýy­my úshin qasıetti bolyp sanala­tyn Oraza aıtynyń kúnine dóp kelip otyrǵanyn jaqsy nyshanǵa jorıtynyn tilge tıek etti. Odan ári Prezıdent elshilerdiń dıp­lo­matııalyq jumystary Qazaqstan­nyń syrtqy saıası bedeliniń ar­typ, asa tanymal halyqaralyq uıymdarda tóraǵalyq etý kezeńi­men sáıkes kelip otyrǵanyn aýyz­ǵa ala otyryp, ústimizdegi jyl­dyń 1-2 jeltoqsanynda As­tanada EQYU sammıtiniń ótetinin eske saldy. Bul – Qazaqstan úshin tarıhı jetistik dep aıtýǵa bola­tyn oqıǵa, dedi ol. Elbasy N.Nazarbaev búgingi elshiler kelgen memlekettermen Qa­zaqstannyń baılanysyna qys­qa­sha toqtalyp ótti. Sonyń ishinde Irak týraly aıtqanda osy el basshylyǵynyń Astanada Tótenshe jáne ókiletti elshisin taǵaıyndaý týraly sheshimin qup­taı­tynyn, Irak eli arab ále­min­degi Qazaqstanǵa barynsha jaqyn ornalasqan el ekendigin, son­dyq­tan da Qazaqstannyń Irakta beı­bit­shilik pen turaqtylyqtyń túp­kilikti ornaýyna, turmys ahýa­ly­nyń qaıtadan qalpyna keltirilýi­ne múddeli ekenin aıta kelip, biz­diń áskerılerimizdiń Iraktaǵy jaǵ­daıdy qalpyna keltirýge qos­qan úlesterin atap ótti. Bizdiń ma­man­dar Irakta 4 mln.-nan astam ja­rylǵysh zattardy zalalsyz­dan­dyr­dy jáne myńdaǵan beıbit turǵyndarǵa medısınalyq kómek kórsetti, dedi ol. Ázirbaıjan Respýblıkasy tý­raly aıtqanda onyń Kaspıı te­ńi­zindegi mańyzdy kórshimiz eke­nin aýyzǵa aldy. Bizdi tarıhı ta­myrymyzdyń birligi ǵana emes, ekijaqty saýda-ekonomıkalyq yn­tymaqtastyqtarymyzdy damy­týǵa degen umtylysymyz, Kaspıı problematıkasy boıynsha pozı­sııa­myzdyń birtektiligi de ja­qyndastyrady, dedi Prezıdent. Qazaqstan Ońtústik Azııa aımaǵy men Islam áleminde ma­ńyzdy orny bar Pákstan Islam Respýblıkasymen de jan-jaqty yntymaqtastyqty damyta túsýge múddeli. Qazirdiń ózinde bizdiń elderimiz kóptegen aımaqtyq jáne halyqaralyq uıymdar sheń­berinde ózara tyǵyz is-qımyldar jasaýda, dedi Elbasy. Al bıylǵy bolǵan sý tasqynyna baılanysty Qazaqstannyń Pákstanǵa qarjy­laı kómek berý týraly sheshim qa­byldaǵanyn jetkizdi. – Qytaı Halyq Respýb­lı­ka­symen yntymaqtastyq Qazaq­stan­nyń syrtqy saıasatynyń ma­ńyzdy baǵyty bolyp tabylady. Ol saýda-ekonomıkalyq baıla­nys­tardyń údemeli ósýine negiz­delgen tabysty áriptestiktiń jar­qyn úlgisi. Biz halyqaralyq are­nada da belsendi birlesken árip­tester bolyp tabylamyz. Bizdiń áriptestigimiz saıası senim­di­lik­tiń joǵary deńgeıine jetken. Bú­gingi Qazaqstan-Qytaı strategııa­lyq áriptestigi óńirlik turaq­ty­lyq pen qaýipsizdiktiń mańyzdy faktory bolyp tabylady, dedi Nursultan Ábishuly. Odan ári Elbasy baýyrlas Túrik Respýblıkasymen aradaǵy baılanystarǵa qysqasha sıpat berdi. Qazaqstan Túrkııamen ara­daǵy qópqyrly is-qımyldardyń damı túskenin qalaıdy. Sonyń ishinde saýda-ekonomıkalyq jáne ınvestısııalyq saladaǵy ynty­maq­tastyqtardy tereńdete túsýge “Jańa sınergııa” atty birlesken baǵdarlama tyń serpin berer de­gen úmittemiz. “Sondaı-aq biz jańa jalpytúrkilik qurylym­dar­dy damytý jolynda Túrkııamen birlesken kúsh-jigerimizdi jalǵas­tyra beretin bolamyz”, dep jalǵastyrdy Elbasy. Qazaqstan Ýkraınamen ynty­maq­tastyqty odan ári nyǵaıtýǵa múddeli. Bizdiń elderimizdi tarıhı jáne mádenı baılanystar birik­tiredi. Qazaqstandy mekendeıtin ýkraın halqy ókilderiniń qalyń qaýymdastyǵy bizdiń elderimizdi jaqyndastyrýdyń mańyzdy faktory. Ýkraına Prezıdenti V.Iаný­kovıchtiń osy jyldyń sáýir aıynda Qazaqstanǵa jasaǵan res­mı sapary men meniń jaqyn kún­derde Ýkraınada bolatyn resmı saparym eki eldiń arasyndaǵy qarym-qatynastyq aıasyn keńeı­tý­ge jańa serpin bereri sóz­siz, dedi Elbasy Ýkraınaǵa qatys­ty sózinde. Sóziniń sońynda Prezıdent elshilerge Astana Qazaqstandaǵy oń ózgerister men jańarýlardyń aınasy ekendigin aıta kelip, onda ju­mys isteýge jáne demalýǵa barlyq jaǵdaı jasalǵan dep sózin aıaqtady. Jaqsybaı SAMRAT.