Bıýdjet zańnamalary aınalymǵa alyndy

Májilis Tóraǵasy Oral Muhamedjanovtyń jetekshiligimen ótken palatanyń sársenbi kúngi plenarlyq otyrysynyń kún tártibinde 2011-2013 jyldarǵa arnalǵan respýblıkalyq bıýdjetke qatysty zańdyq qujattar qaralyp, qorytyndy ázirleý ýaqyty belgilendi. “2011-2013 jyldarǵa arnalǵan respýblıkalyq bıýdjet týraly” zań jobasy, Ulttyq qordan 2011-2013 jyldarǵa arnalǵan kepildendiril­gen transfert jáne respýblı­ka­lyq, oblystyq bıýdjetter, res­pýb­lıkalyq mańyzy bar qala, astana bıýdjetteri arasyndaǵy 2011-2013 jyldarǵa arnalǵan jalpy sıpat­ta­ǵy transfertterdiń kólemi týraly zańdyq qujattar aınalymǵa alyn­dy. Sol sııaqty “Qazaqstan Res­pýb­lıkasy men Koreıa Respýb­lı­ka­sy arasyndaǵy Ustap berý týraly shartty ratıfıkasııalaý týraly” jáne soǵan japsarlas Qylmystyq ister boıynsha ózara quqyqtyq kó­mek týraly shartty bekitý zań jo­ba­lary qoldaý taýyp, qorytyndy ázirlenetin bolyp sheshildi. Son­daı-aq otyrys barysynda kezinde Májilis depýtaty bolǵan, belgili qo­ǵam qaıratkeri Qarataı Tury­sov­qa Astanadaǵy bir kósheniń aty be­rilýine oraı osyndaı sheshim shy­ǵarǵan máslıhat depýtattaryna rı­zashylyq hatyn joldaý týraly sheshim qabyldandy. Depýtattyq saýaldar ádettegishe bir saǵatqa sozyldy. Zaǵıpa Ba­lıeva memlekettik qyzmet kórsetý salasynda, ásirese, jeke kýálikter men pasport berý oryndarynyń ju­mysyn tekserý maqsatynda par­tııalyq komıssııa qurý qajettigine nazar aýdartty. Eger ondaı komıs­sııa qurylǵandaı bolsa, onda onyń quramyna Parlament depýtattaryn da engizý kerek, dep sanaıdy Z.Balıeva. Qoja Ahmet Iаsaýı kesenesiniń qa­zirgi múshkil jaǵdaıy Rozaqul Hal­muradov saýalynda ótkir qoıyldy. Depýtat kesenege 1993-2002 jyldar aralyǵynda túrkııa­lyq bir fırmanyń kúrdeli jóndeý júrgizgendigin tilge tıek ete kelip, tıisti quziretti mekemeler tara­py­nan qabyldanyp alǵan nysanda gıdroızolıasııa jáne bólmeleriniń ventılıasııa júıeleri buzylǵan­dyǵy anyqtalǵandyǵyn alǵa tartty. Sonyń saldarynan kesene qabyr­ǵa­lary syzdanyp, kirpishteri múji­le bastaǵan. Eger jaǵdaı osylaısha qala berse, onda keseneniń ústindegi úlken kúmbez bir kúni qulaýy da múmkin eken. Qazirgi tańda “Q.Iаsaýı kesenesin qorǵaý” qo­ǵamdyq birlestigi jáne oblystyq ákimshilik tarapynan qurylǵan ko­mıssııa sáýlet óneriniń jaýharyn saqtap qalýǵa kirisip te ketipti. Alaıda depýtat Úkimet tarapynan nen­deı is-sharalar qolǵa alynaryn bilgisi kelerin aıtyp, Premerdiń atyna saýal joldady. Asqar TURAPBAIULY.