Astanalyq meımandarǵa alǵys

Jaqynda Aqtóbe qalasyndaǵy “Dástúr” úıinde “Dıalog Eýrazııa” platformasy oraza ustap júrgender men oblystaǵy belgili aqsaqaldarǵa, zııaly qaýym jáne etno-mádenı birlestikterdiń ókilderine aýyzashar berdi. Qazaqstan musylmandary dinı basqarmasynyń Aqtóbe oblysy boıynsha ókil ımamy, “Nur Ǵasyr” meshitiniń bas ımamy Baýyrjan Es­mahan Quran oqyp, aýyzshar bastal­ǵannan keıin Senat depýtaty, fı­losofııa ǵylymdarynyń doktory, “Dıalog Eýrazııa” platformasynyń komıtet basshysy Ǵarıfolla Esim men “Dıalog Eýrazııa” qoǵamdyq qo­rynyń prezıdenti Salıh Akchaı sóz alyp, platforma týraly, onyń maqsaty men máni týraly keń túsinik berdi. Olardyń aıtýynsha, Amerı­ka­da turatyn dintanýshy ǵulama Fet­hýlla Gúlenniń bastamasymen qu­ryl­ǵan bul platforma qazirdiń óz­in­de álemniń 16 elinde jumys is­teı­tin kórinedi. Dúnıe júzindegi qaı­shy­lyqtardy mádenıetterdiń til ta­bysýy jáne ulttardyń ózara túsinistigi arqyly sheshýdi ustanyp otyrǵan platformanyń bizdiń eli­mizdegi uıymyn Qazaqstan Jazý­shy­lar odaǵynyń tóraǵasy Nurlan Ora­zalın basqarsa, Aqtóbedegi fılıal­dyń tóraǵasy Aqtóbe memlekettik pedagogıkalyq ınstıtýtynyń rek­tory, ekonomıka ǵylymdarynyń doktory Ǵalymjan Nuryshev. Buǵan deıin atalmysh platforma Astana men Almatyda aýyzashar berip kelipti. Bıyl olardyń qataryna Qaraǵandy men Aqtóbe qalalary qo­sylǵan. Aýyzasharda sóz alǵan ob­lys­tyq ishki saıasat basqarmasynyń bastyǵy Ahat Myrzalın platforma jumysyna sáttilik tiledi. Odan keıin pedagogıka ǵylymdarynyń kandıdaty Nıetjan Berikov, fı­losofııa ǵylymdarynyń doktory, professor Amangeldi Aıtaly, “Sham­­shyraq-Aqtóbe” JShS-niń dı­rektory, aqyn Meıirhan Aqdáýletov platforma týraly oramdy oılaryn ortaǵa saldy.“Dıalog Eýrazııa” plat­formasy oblystyq fılıalynyń tóraǵasy Ǵalymjan Nuryshev aýyz­asharǵa jınalǵandarǵa alǵysyn aıtyp, astanalyq qonaqtardyń ıyǵyna shapan japty. Satybaldy SÁÝIRBAI. Aqtóbe oblysy. * * * KО́RME О́TKIZÝ MÚMKINDIKTERI 6-9 qyrkúıek aralyǵynda Ha­lyqaralyq kórmeler bıýrosynyń bas hatshysy V.Lossertales, atal­ǵan kórmeler boıynsha úı­­les­ti­rýshi A.Angel jáne elo­r­­damyzda “EKS­PO-2017” halyq­ara­lyq ma­mandandy­ryl­ǵan kórme ótkizý jónindegi óti­nimdi alǵa bas­tyrý boıynsha qa­zaq­standyq ta­raptyń bas konsýl­tan­ty H.Kor­­reaspen birge issaparmen As­tanada boldy. Al atalǵan kór­­meler bıýro­sy­nyń Bas hat­shysy BAQ ókilde­rimen brıfıng ótkizdi. Halyqaralyq kórmeler bıý­ro­sy­nyń bas hatshysy V.Losser­ta­les­tiń issaparynyń maqsaty – Qazaqstan basshylyǵynyń As­ta­na qalasynda “EKSPO-2017” kór­me­sin ótkizý jónindegi óti­nim­di alǵa bastyrtý nıetiniń be­rik­tigine kóz jet­kizý, sol sııaqty, ótinimder ba­za­­synyń qurylýy jáne “EKSPO-2017” kórmesin ótkizýge birqatar bas­qa da memle­ketterden ótinimder­diń túsýine baılanysty elimiz basshyly­ǵy­men “EKSPO-2017”-ni ótkizý ıdeıasyn júzege asyrý jó­nindegi qazaqstandyq josparlarǵa qa­tysty máselelerdi talqylaý. Bas hatshynyń aıtýy boıyn­sha, onyń Elbasymen kezdesýi Qazaq­stannyń atalǵan sharany Astanada ótkizýge degen berik nıetine kóz jet­kizýge múmkindik berse, Ekono­mıkalyq damý jáne saýda mınıstri J.Aıtjanovamen kezdesýde kórmeni ótkizýdiń eko­nomıkalyq tıimdili­gi­ talqy­lanǵan. Sondaı-aq Tý­rızm jáne sport mınıstri T.Dos­mu­hambe­tov­pen áńgimede Astana qa­lasyna týrısterdi tartý múmkindigi qa­ras­tyrylsa, elorda ákimi I.Tas­ma­ǵambetov bas hatshyny ekspo­or­­ta­­lyq ornalasýǵa tıis aýmaq­pen ta­nys­tyrǵan. Syrtqy ister mı­nıstr­liginde jaýapty hatshy R.Jo­shy­baev­pen kezdesý bary­syn­da atalǵan sha­rany Qazaq­stannyń shetel­der­de­gi dıplo­matııalyq ókil­dikteri ar­qyly qoldaý qajettiligi atap ótilip, In­dýs­trııa jáne jańa tehno­lo­gııalar vı­se-mınıstri D.Turǵa­nov­pen “EKS­­PO-2017” taqyry­by talqylanǵan. Ábdirahman QYDYRBEK.