Ustazdar ulyqtalyp, mektepter marapattaldy

Elimizdiń, qala berdi oblys­tyń básekege qabilettiligin aıqyn­daı­tyn ustazdar eńbegi ekeni sózsiz. Bi­limdi urpaq qana el ekonomıkasy men mádenıe­ti­niń, áleýmettik sala­synyń ór­kendeýin qamtamasyz ete alaty­nyn Elbasymyz Nursultan Na­zarbaev udaıy aıtyp keledi. Al osy mindetti nazarda ustap kele jat­qan oblys ákimi Eleýsin Sa­ǵyn­dy­qov ustazdarǵa áleýmettik jaǵdaı týǵyzýǵa kóńil bólýde. Oblys ákimi muǵalimder márte­besin kóterýdiń, qoldaýdyń úlgi­sin kórsetip otyr desek, artyq aıtqandyq bolmas. О́ńir bas­shy­synyń tikeleı uıytqy bolýymen sońǵy jyldary úzdik ustaz­dardy qarjylaı qoldaý júzege asy­rylýda. Jaqynda bilim berý uıym­dary­nyń, arnaýly oqý oryn­da­rynyń bedelin, muǵalim márte­be­sin arttyrýǵa yqpal etý jáne pe­da­­gogıkalyq ujymdar men ustaz­dar­dyń kásibı bilik­tiligin yn­ta­lan­dy­rý maqsatynda uıymdasty­ryl­­ǵan “Bilim jetistikteri” oblystyq marafon-baıqaýynyń qorytyn­dy­sy shyǵaryldy. Bul jóninde ob­lys­tyq bilim basqar­ma­synyń bas­ty­ǵy Amanǵalı Qu­daıbergenov bu­qa­ralyq aqparat quraldary ókil­derimen ótkizgen arnaıy baspasóz máslıhatynda keńirek tanystyrdy. Ústimizdegi jyly oblystyń úz­dik bilim uıymdary men ustazdaryn marapattaý úshin 135,0 mln. teńge bólinipti. Marafon-baı­qaýǵa qa­tysqan 2286 muǵa­limniń 916-sy jeńimpaz atandy. Oblys ákiminiń 120 myń teńge kólemindegi gran­ty­na 507 muǵalim, 110 klass jetek­shisi, 94 mektepke deıingi balalar me­kemesiniń tárbıeshileri, 60 qo­symsha bilim berý muǵalimderi, 83 kol­ledjder men lıseıler múǵa­li­mderi, 25 óndiristik sheberler jáne 37 kor­reksııalyq bilim berý sala­synyń muǵalimderi ıe boldy. Son­daı-aq, 34 bilim berý mekemesine 500 myń teńgeden 1 mln. teńge kóleminde aqshalaı syılyq tapsyryldy. Satybaldy SÁÝIRBAI. Aqtóbe oblysy.