Parlament Senatynyń Tóraǵasy Qasym-Jomart Toqaev Japonııanyń Qazaqstandaǵy Tótenshe jáne ókiletti elshisi Sıgeo Nasýıdi elimizdegi dıplomatııalyq mıssııasynyń aıaqtalýyna baılanysty qabyldady, dep habarlady Senattyń baspasóz qyzmeti.
Tóraǵa eki memleket arasyndaǵy ózara tıimdi yntymaqtastyqty odan ári nyǵaıtýdaǵy tabysty eńbegine baılanysty S.Nasýıge rızashylyq bildirip, budan bylaıǵy qyzmetinde tabysty bolýǵa tilektestigin bildirdi.
Qazaqstan-Japonııa qatynastarynyń qazirgi belsendiligin atap óte kelip, Q.Toqaev parlamentaralyq yntymaqtastyqty óristetýdiń mańyzdylyǵyna toqtaldy.
Senatta Japonııa Parlamentimen yntymaqtastyq jónindegi top jumys isteıdi, eki eldiń joǵary ókiletti organdary arasyndaǵy baılanystar Qazaqstanmen Parlamenttik dostyq lıgasy boıynsha tabysty júzege asyp keledi.
“Qazaqstan úshin Japonııa saıası jáne ekonomıkalyq saladaǵy ózara qarym-qatynastar kólemi jyl saıyn artyp kele jatqan el bolyp tabylady. Saıası ortalar ǵana emes, Qazaqstannyń qalyń jurtshylyǵynyń da dos elge degen yqylasy artyp keledi”, – dedi Tóraǵa.
Q.Toqaev 29 tamyzdy Beıbitshilik jolynda ıadrolyq qarýdan arylýdyń dúnıejúzilik kúni retinde jarııalaý týraly Prezıdent N.Nazarbaevtyń bastamasyn qoldaǵany úshin Japonııa basshylyǵyna rızashylyq bildirdi.
S.Nasýı óz kezeginde Japonııa ıadrolyq qarýsyzdaný jáne qaýipsizdikti nyǵaıtý jónindegi Qazaqstannyń saıasatyn joǵary baǵalaıtynyn atap ótti. Elshi S.Nasýı Qazaqstan halqyna ıgilik jáne órkendeýine tilektestigin bildirdi, osynda bola júrip, ózine jańa álem jáne keleshektiń elin ashqanyn aıtty.