Jarystyń jas kómekshileri

Olımpıada, Azıada, álem, Eýropa chempıonattary men basqa da halyqaralyq doda­lar­da alań ıelerine jarysty laıyqty ótkizý úshin sheteldik sportshylar men  qonaqtarǵa kerek kezinde keńes berip, kómek qolyn sozatyn erik­tiler sol jarysty ótkizetin eldiń bet-bederiniń biri bolyp sanalady. Sol sebepten arasynda jas bolsa da, bas bola biletin eriktiler úshin jarys kezinde jergilikti halyqty jaqsy qyrynan kórsetýde jaýapkershiliktiń de artylatyny sózsiz. Mine, osyndaı talaptar qa­zirgi kúni qysqy Azııa oıyndary ótetin jarystarda bizdiń erikti­lerdiń aldyna qoıylyp otyr. Osy oraıda kelesi jyly Azıadanyń bel ortasynda júretin ini-qaryndas­tarymyzdyń daıyndyǵy jóninde aıtsaq, “VII qysqy Azııa oıyn­da­ryn uıymdastyrý jónindegi ko­mıtetiniń atqarýshy dıreksııasy” AQ olardyń osynaý básekede óz­derine qolǵabys bolyp, sheteldik­ter­ge kez kelgen ýaqytta kómek kór­setý úshin qolda bar jaǵdaıdyń bárin jasap jatqanyn atap ótken jón. Buǵan jaqynda atalmysh mekemede jastardyń óz erkimen eriktilerdiń qataryna qosylyp, elimizdi, eldigimizdi sheteldikterge tanytý úshin istep jatqan jumys­taryna kóz jetkizdik. Eriktilerdi uıymdastyrý jumysymen aınaly­satyn “VII qysqy Azııa oıyndaryn uıymdastyrý jónindegi komıtetiniń atqarýshy dıreksııasy” AQ ókili Sandýǵash Táshimbetovanyń aıtý­ynsha, qazir Azıadaǵa tartylyp jat­qan jastar kún ótken saıyn kó­beıýde. Solardyń 95 paıyzy oqý oryndarynyń stýdentteri eken. Osy jerde biz Azıada jumysyna óz erkimen tartylǵan stýdentterdiń keıbireýimen kezdesip, áńgimege tart­qan edik. Áńgimelesip, oı bólis­ken stýdentterdiń bári Astanadaǵy D.Qonaev atyndaǵy gýmanıtarlyq kolledjdiń stýdentteri. Jolqutty BEKBALA: – Ja­nymda otyrǵan Dáýren, Aıdana úsh­eý­­­miz bir kolledjde oqımyz. Biz­diń osy jerge kelýimizge sebepshi bolǵan Nıkıta men Inessa degen dı­reksııanyń mamandary. Ol ekeýi bizge eriktilerdiń kim ekenin, olar­­dyń Azıadadaǵy mindetteri, erik­tilerdiń jumysy tegin ári qyzyqty bolatyndaryn aıtyp berdi. Sóıtip, osy jumysqa birden kelistim. Biz­diń kolledjde 100-den astam erik­tiler bar. Al Eýrazııa ýnıversı­te­tinde estýimshe, 400-ge jýyq erik­tiler bar kórinedi. Biz oqýdan bos kezimizde jumys isteımiz. Keıde oqytýshylar oqýdan da bosatady. Qysqasy, bizge eriktiler jumysy unaıdy. Aıdana NURAQYMOVA: – Bizge eriktiler jumysy unaıdy. О́zim osy jerge sáýir aıynda keldim. Sodan beri barlyq is-sharalarǵa qatysyp kelemin. Astana kúnine, Azıadaǵa arnalǵan sharalar­dyń ortasynda júrdim. Aǵylshyn tilin jetik bile­min. Ony bes jasymnan úırene bas­tadym. Qazir qytaı jáne serb tilderin úırenip júrmin. Til bilgen adam basqa ha­lyqtyń jan-dúnıesin de bile ala­dy. Al qysqy Azııa oıyndarynda biz óz mindetterimizdi laıyqty at­qaryp shyǵamyz dep oı­laımyn. Eń bastysy, jarys kezinde qysylmaı-qymtyrylmaı kez kelgen adammen jaqsy til tabysyp, oǵan elimizdiń barlyq jaqsy jaqtaryn kórsetip júrýimiz kerek. Áke-sheshem erikti bolýyma qar­sy bolǵan joq. Kerisinshe, olar me­ni qoldap júr. Osy jyly biz bir­neshe mádenı, sporttyq sharalarǵa qatysyp, tájirbıemizdi jetildi­retin bolamyz. Dáýren ISIN: – Bul jumysqa Aıdana sııaqty sáýir aıynda kel­dim. Bizdiń osy jumysqa kelýimizge Azıadany uıymdastyrý jónindegi komıteti dıreksııasynyń mamany Nıkıta men Inessa sebepshi boldy. Olar kolledjge kelip, eriktilerdiń jumystaryn aıtyp, bizdi sendirdi dese bolady. Sodan keıin erikti bolýǵa kelistim. Áke-sheshem de qarsy bolǵan joq. Aǵylshyn tilin jeti jasymnan bilemin. Bala kezińde úırenseń, ózi­ńe jaqsy eken. Eseıgende de úı­re­nýge bolady, biraq oǵan nıet jáne ózińe talap qoıa bilýiń kerek. Endi jaqyn arada biz Almatyǵa baramyz. Sol jerde eriktilerge arnalǵan se­mı­nar-keńesterge qatysyp, jer­gi­likti áriptesterimizben kezde­semiz. Ta­nys-bilistiń artyqtyǵy joq qoı, bú­gin bolmasa erteń jolymyz bir túıiser. Dastan KENJALIN, Sýretterdi túsirgen  Orynbaı BALMURAT.