Úı jóndeýdiń úlgisi

Qalalyq kommýnaldyq sharýa­shy­lyq bóliminiń habaryna qara­ǵan­da, jalpy oblys ortalyǵynda 1314 kóp qabatty turǵyn úı bar kórinedi. О́kinishke qaraı, osy úı­lerdiń 914-niń tóbeleri birneshe jyldan beri shurq-shurq tesile bas­taǵan, al, turǵyndar bolsa, kóktem­de erigen qar sýy men jazǵy, kúzgi jańbyr tamshylarynan ábden mazalary ketýde. Tipti, budan otyz-qyryq jyl buryn salynǵan keı­bir úıler búginderi apatty jaǵ­daı­­dyń az-aq aldynda. Kóp qabatty keıbir bıik úılerde lıftiler kúrdeli jóndeý kútip tur. Turyp jatqan páterleri jeke menshikti bolǵandyqtan, sý aǵyp, tamshy sorǵalaıtyn úılerdiń tóbe shatyry qala ákimdiginiń qarajaty esebinen jóndelmeıtini, al, páter ıeleri bir­lesip jóndep bútindep alýlaryna qyrýar qarajat, tehnıka, adam kúshi kerek ekeni taǵy belgili. Qa­laýyn tapsa, qar janar degen. Qala ákimdigi qıyn túıinge aınalǵan kúrdeli máselelerdiń bir sheshýin tapqandaı. Sóıtip, bıýdjettik emes qarajat kózderi arqyly tabylǵan sheshim boıynsha tóbelerdi jóndeı bastady. Kómek qolyn sozǵan mer­diger fırmalar da tabyldy. Oblys ortalyǵyndaǵy Sývorov kóshesi 12-úıdiń tóbesinde júrgizilip jatqan jóndeý jumystaryn óz kózimen kó­rý úshin tóbege shyqqan qala ákimi Ba­qytjan Jolamanov sol jerde merdiger fırma ókilderimen kez­de­sip, kádimgideı jumys bary­syn­daǵy jınalys ta ótkizdi. О́ıtkeni, qys jaqyndap qaldy. Qala qazan aıyna deıin qysqa daıyn bolýy kerek. Bul úıdiń tóbesinde “Stroı-grant” fırmasynyń jumysshyla­ry eski jabyndylardy alyp, aıaz ben ystyqqa tózimdi joǵary sapaly materıaldar tóseýde. Byltyr Tols­toı kóshesindegi 90-úıdiń tóbesi bútindeldi, turǵyndar qazir páter­leri­niń ár jerine qoıylǵan ydys­tardan jańbyr tamshysynyń tyr­sy­lyn estimeı uıyqtaıtyn bolyp­ty. Qalalyq ákimdiktiń habaryna qaraǵanda “jańbyr jaýmasa eken” dep jylap turǵan taǵy da osyndaı 23 úıdiń tóbelerine jóndeý jumys­tary júrgizilýde. Merdiger fırma­lar qoldaryna alǵan jumystardy sapaly atqarýlary úshin ákimdiktiń tikeleı baqy­laýyna alynǵan. Farıda BYQAI, Pavlodar.