Oıyn dep, mine, osyny aıt!

17-19 qyrkúıek aralyǵynda Astanada tennısten Qazaqstan men Shveısarııa quramalarynyń arasynda Devıs Ký­bogynyń álemdik lıgasyna joldama beretin matchtyq kezdesý ótti. Osy kezge deıin álemdik báıgede baq synasyp kórmegen Qazaqstannyń erler qu­ramasy bul joly kezdesýdiń favorıti sanalǵan qarsylastarynan úsh kún boıy basym túsip, tennısten álemdegi eń úzdik 15 elmen birge Devıs Kýbogynyń kelesi aı­na­­lymynda kúsh synasýǵa múmkindik aldy. Bul básekege ataqty Rodjer Fe­de­rer­diń qatysýy josparlanǵanymen, ol Astanaǵa kele almady. Kortqa Shveı­­­­sa­rııadan Marko Kıýdınellı, Mıhael Lammer, Ivo Allegro, Sta­nıslas Vavrınka sııaqty tennısshiler shyqsa, bizdiń elden Andreı Golýbev, Iýrıı Shýkın, Mıhaıl Kýkýshkın shyqty. Jarystyń qyzyqty bolatyny birinshi kúnnen kórindi. Kortqa alǵash bolyp shyq­­qan Qazaqstannyń birinshi raketkasy An­dreı Golýbev pen Marko Kıýdınellıdiń ara­synda ótken báseke úsh settiń bárinde 6:4 bolyp aıaqtaldy. Bul kezdesýde Andreı eki-aq ret qatelik jiberip, eısterdi jaqsy or­yn­dap, qarsylasyna esh múmkindik bermedi. Osy kúni Mıhaıl Kýkýshkın men Stanıslas Vavrınkanyń arasynda bol­ǵan kezdesý de qyzyqty jáne tar­tysty ótti. Mu­nyń aldynda ekeýi AQSh-tyń ashyq chem­pıonatynda kez­­desken edi. Sol jerde Mı­haıldy úsh sette oısyrata utqan Vavrınka osy joly da óziniń jeńetinine senimdi boldy. Bizdiń jigit ATR reıtıngisinde 96 orynda tursa da, osy kezdesýdiń aldynda atalmysh reıtıngte 27 orynda bolǵan Stanıslas Vavrın­ka­dan eki sette utylǵanymen, qalǵan úsh sette 6:1, 6:4, 6:3 esebimen basym tústi. Osy oıynnan keı­­in Qazaqstan qu­ramasynyń kapı­tany Egor Shaldýnovtyń: “Bizge endi kelesi, juptasyp óner kórsetýde qo­naqtardy jeńý kerek. Biraq ol ońaı bolmaıdy. Shveısarııalyqtar qýlyqqa basyp, quramasyn oıynǵa almasty­­ryp shyǵýy múmkin”, degen oıyn bildirgen edi. Sonyń boljamy kelesi kúni aına qatesiz dál keldi. Shveı­sarııalyqtar oıynǵa Mıhael Lammer­diń ornyna qaıtadan eńsesi túse bastaǵan Stanıslas Vavrınka men Ivo Allegrony qosty. Bizdiń qurama da qa­rap qal­mady. Kortqa Evgenıı Koro­lev­tiń or­nyna Andreı Golýbevti shy­ǵar­dy. Ol Iýrıı Shýkın­­men birge qonaqtarǵa qarsy oınady. Osy kezde­sýde sońǵy kezde jaqsy tandem bolyp júrgen ekeýi qarsy­las­taryn úsh sette 6:4, 6:3 esebimen jeńip, elimizge kóp­ten beri kútken Devıs Kýbogynyń jolda­masyn alyp berdi. Al Vavrınka kortta taǵy da minez kórsetip, tóre­shiniń sanaǵan upaıla­rymen keli­s­­­peıtinin, doptyń keıbir jerde alańǵa emes, syrtqa ketip qalǵanyn dálel­deýmen boldy. Aqyry, onyń ýájine tóreshi qulaq aspaǵan soń ol oıynnyń sońynda raketkasyn laqtyryp, kort­tan ketip qaldy. Shveısarııa qura­ma­synyń kapıtany Severın Lýtı de tóreshimen daýlasqysy kelip edi, biraq onyń da ýáji eskerilmegen soń óziniń oryn­dy­ǵyn bir teýip, korttan shyǵyp ketti. Mine, osyndaı notamen jarys­tyń ekin­shi kúni, ıaǵnı Qazaqstan qura­masynyń Devıs Kýbogynyń eń úzdik 16 ko­man­dasy qatysatyn pleı-off bá­sekesine joldama alǵan kúni aıaqtaldy. Al jarystyń úshinshi kúni Andreı Golýbev birinshi kúnnen bastap tasada qalyp júrgen Mıhael Lammermen kezdesip, ony 6:2, 6:4, al Mıhaıl Kýkýshkın Marko Kıý­dı­nellıdi de dál osyndaı eseppen utyp, keshegi oıynda laıyqty túrde jeńgenin kórsetti. Sóıtip,  jarystyń sońǵy kúni ot­an­­das­tarynyń jeńisine senimdi bolǵan 160-qa jýyq shveısarııalyq jankúı­er­­­lerdiń Astanaǵa keler aldyndaǵy kó­ńil-kúıi bir kúnde sý sepkendeı basyl­dy. Osy kúni qo­naqtardyń kó­ńilin tek qana myna bir oqıǵa kótere aldy. Jarys aıaqtalǵan soń shveı­­sa­rııalyq bir jankúıer ishinde mańyzdy qujat­tary men aqshasy bar keısti jo­ǵal­typ alypty.  Sony birneshe mı­nót­terden keı­in tártip saqshysy qaı­taryp beripti. Oǵan keısti bir jas ba­la ákelip bergen kórinedi. Dastan KENJALIN. ------------------------------- Sýretti túsirgen Orynbaı BALMURAT.