Maıa Maneza — eki dúrkin álem chempıony

Jaqsy habar jerde jatqan  ba, kúni keshe Túrkııanyń Antalııa qalasynda aýyr atletıkadan ótip jatqan álem chempıonatynda elimizdiń Ánuranyn shyrqatqan, serpe kóterýde álem rekordyn jańartqan Maıa Manezanyń jeńisi qazaqstandyqtardy úlken qýa­nysh­qa keneltti. О́tken jyly Oń­tústik Koreıanyń Goıang qalasynda ótken álem birinshiliginde Maıa Maneza alǵash ret álem chempıony atanǵan edi. О́ńir halqy sol kezde ony qushaq jaıa qarsy alyp, al­daǵy ýaqytta da jeńis tuǵyrynan kórinýine tilektestik bildirgen-di. Sol aq tilek Allanyń qulaǵyna shalynypty. Elimizdiń kókbaıraǵy men Án­uranyn shet eldiń aspanynda shal­qytqan sportshylarǵa degen erek­she qamqorlyǵymen tanylǵan ob­lys ákimi Serik Úmbetov chem­pıon­darǵa Taldyqorǵan qalasynan eki bólmeli páterdiń kilti men qomaqty qarjy tapsyryp, biz siz­derdi áli talaı álem birinshiliginde tuǵyrdan túspeıdi dep senemiz de­geni keshegi qýanyshty kúni oıǵa oraldy. Halqymyz “Jaqsy sóz – jarym yrys” dep beker aıtpaıdy emes pe. Mereıli sátke baılanysty ob­lystyq týrızm, dene tárbıesi jáne sport basqarmasy olım­pııa­lyq sport túrleri jáne sport re­zervteri bóliminiń bastyǵy Muhıt Tursynbaevpen habarlasqany­myz­da osy ujymdaǵy asta-tók qýa­nyshqa kýá boldyq. – Túnde “Habardan” Almaty ob­lysynyń sportshysy Maıa Mane­za Antalııadaǵy Álem chem­pıonatynda áıelder arasynda 63 kılo salmaq dárejesinde julqa kóterýde 105 kılo, serpe kóterýde óziniń ótken jylǵy Koreıadaǵy álem rekordyn jańartyp, 143 kılo ziltemir kóterdi. Jarys qorytyn­dysynda álem chempıony atanyp, elimizge taǵy bir altyn syılady, – dedi M.Tursynbaev. – Qazaqstandy álemge ta­ny­typ, eki márte álem chempıony  atan­ǵan Maıa Manezany oqyrman­darǵa jaqynyraq tanystyrsańyz. – Biz Maıadan úlken úmit kúte­miz. Ol qazir 24 jasta ǵana. Aýyr atletıkadan álem chempıondary atanǵan Vladımır Sedov, Svetlana Podobedova, Zýl­fııa Chınshanlo, Maıa Ma­ne­za­nyń jeńisine ótken jyly  bar­sha­myz qol soqsaq, mine, túrik elinen de qýanyshty habar jetti. Qytaı­dyń Kýans eldi meke­nin­de ómirge kelgen dúngen qyzy,  aldyna qoı­ǵan maqsatyna jet­ken­she tyn­baı­tyn eńbekqor bolǵan­dyq­tan, taǵy da ótken jylǵy tabysyn qaı­talady. Qazirgi kezde Qazaqstan qurama komandasynyń sapynda namysty qoldan bermeı, árdaıym jattyq­tyrýshysy Vıktor Nımen birge qarsylastarynan alda bolý úshin eńbektenýde. Ol Londonda ótetin 2012 jylǵy Jazǵy Olımpıadada aýyr atletı­ka­dan el mereıin tasy­ta­tyn­dardyń birinen sanalady. Túr­kııada óner kórsetip jatqan sportshylarymyz álem chempıonatynan taǵy da qýa­nysh­ty habar jetkizedi degen úmittemiz. Álem rekordyn jańartqan jer­lesimizdiń jeńisi qutty bol­syn. Mereı tasytatyn sport­shy­lardyń qýanyshty habaryn estýge jazsyn, deımiz shyn júrekten. Kúmis medalǵa túrik qyzy Sı­bel Sımsek ıe boldy. Onyń jı­yn­tyq esebi 241 kg. (111+130). De­gen­men, chempıonat ıesiniń de osal emes ekenin aıta ketý kerek. Ol ekinshisinde –  135, úshinshi joly 136 kg. salmaqty basynan asyra tik kótergenimen, aıaǵyn teń ustap tura almaı, ziltemirdi tastap jiberýge májbúr boldy. Eger ol sońǵy – 136 kg. salmaqty baǵyn­dyr­ǵanda da, bizdiń Maıa 143 kg. ziltemirdi  erkin kóterip, qandaı jaǵdaıda da ese jibermeıtinin aıqyn kórsetti. Al úshinshi orynǵa qytaılyq ziltemirshi qyz Oııan Ksefan ıe boldy.  Onyń kórsetkishi de 141 kg. (112+129). Biraq ol túrkilik shtangashydan jeke salmaǵy boı­yn­sha sál aýyrlaý bolyp shyqty. Osy jerde atap aıtatyn taǵy bir jáıt – Maıa Maneza júldeli oryn­darǵa talasýshylar arasynda eń jeńili edi. Sondyqtan oǵan chempıon ataný úshin alǵashqy kótergen 136 kg. da jetkilikti bolatyn (105+136-241). Kúmisjan BAIJAN. Almaty oblysy.